أو

الدخول بواسطة حسابك بمواقع التواصل



عدلات

> الاقسام الأسرية

> فضفضة وحل المشاكل

انقذونى من ابنى الصغير عمر

إضافة رد  أضف للمفضلة
https://adlat.net/showthread.php?t=23485
5702 15
#1

افتراضي انقذونى من ابنى الصغير عمر

ازيكم يا امهات عدلات انا عندى مشكله كده حابه اخد رأيكم فيها مشكلتى ان اولادى الاثنين الفرق بينهم صغير بالضبط سنتين وشهرين ام عن الصغير عمر فهو دلوقتى عمره سنه واربع شهور بس غيور جدا جدا جدا من اى طفل انا الاعبه او احمله وحتى اخوه الكبير بيصرخ باعلى صوت لو شافنى الاعب اى ولد غيره وحتى بيحاول يضرب الطفل ده والمشكله الاكبر فى صريخه الغير طبيعى لو انشغلت عنه او رحت المطبخ او وقفت اطبخ مثلا حتى لو قفلت باب المطبخ وطلعته بره يفضل يصرخ لحد لما افتحله ده غير العند الشديد جدا اللى بيوصله انه ممكن يأذى نفسه بضرب رأسه فى الارض للاسف انا اصبحت عصبيه جدا بسبب عياطه المستمر بسبب ومن غير سبب لانى عارفه انه الحمد لله معندوش اى سبب عضوى لا قدر الله افيدونى بالله عليكم اتصرف معاه ازاى واسفه طولت عليكم


#2

افتراضي رد: انقذونى من ابنى الصغير عمر

انا قلت اشوف في الاول الستات يللي هنا كاتبين ايه لكن ما وجدت حاجة على كل حال انا حعطيكي نصايح جارتنا اللي عندها نفس مشكلتك بالضبط وعالجتها بانها ما تهتمش لا بعياط ابنها ولا بصريخو اذا كان مبيشتكيش من سبب عضوي او جسدي لان عدم الرد حيغيظو ولما يعرف انو محدش سائل فيه حيسكت اضيفي بالمقابل انو تقولي انت لما تطلب طلبك بهدؤ حلبيهولك وبالصراخ مش حتحصل اي حاجة وبعدين انتي مش لازم تظهري محبتك للغير قدامو لان الغيرة دي موجودة عند كل الاطفال يللي بسن ابنك ربنا يخليهولك ويحميه ويا ريت انا متجوزة ويجيني ولد ويصرخ حكون سعيدة لان الولد بيذكرني اني انا ام ومالكة الدنيا كلها لاني بربي اجيال ربما يكون لها قيمة في المجتمع سلامي لكي ويللا باي
#3

افتراضي رد: انقذونى من ابنى الصغير عمر

[ حبيبتى كارول شكرا كتير ليكى على ردك المفيد عليا بس صدقينى انا مش بشتكى لاسمح الله او انا كارهه ابنى بالعكس انا بس كل الحكايه انى خايفه عليه من صراخه المستمر دون انقطاع ولانى عندى طفل قبله والبيت مليان اطفال فهو بجد مختلف كتير عنهم فى طباعه ياريت كل اللى تقرا الموضوع تدعيلى ربنا يهديهولى لانهم بجد نور حياتى اللى مقدرش اعيش من غيره
#4

افتراضي رد: انقذونى من ابنى الصغير عمر

ياحبيبتى ربنا يخليهولك ويباركلك فيه يااارب أنا من رأى أنك تحتضنيه وتحسسيه بحبك ليه وكل لما يبكى تقربيه ليكى انا ضد فكرة أن الطفل أسيبه يبكى لحد لما يسكت وتعرفيه أد إيه إنتى بتحبيه والغيرة شىء طبيعى جداا وحاولى تكونى هادية ولا تغضبى ربنا يفرحك بيهم يااارب ويكونوا قرة عين لكى
#5

افتراضي رد: انقذونى من ابنى الصغير عمر

بصى خلى دايما فى بيتك وفى شنطتك بونبون ولبان الحاجات اللى هى التسالى دى تمام
اذا جالكم ضيف ومعاه عيل صغير وانتى شلتية او كدة وحد من اولادك عيط تروحى انتى متصرفة بذكاء كدة وتجيبى من المسليات دى وتديلة وتقوليلوا شوف البيبى دة وهو جاى جابلك معاه حاجة حلوة بس مش تخلى حد من عيالك يشوف التسالى فى البيت علشان مش يعرفوا انك انتى اللى جيباها واذا بردوا روحتى عند حد تعملى نفس الحكاية
عياطة بقى وعنادة دة هقولك تعمل أية
لقتية بيعيط مش تتعصبى علية خااااااااالص فى ايديكى شغلانة تروحى طلعة وتكلمية اية ياحبيبى عايز أية بتعيط لية هو هيقولك هو عايز أية تقوليلوا طيب هخلص اللى بعملة علشان لما بابا يجى يفرح ويجيب لينا معاه حاجات حلوة وخلينا نخرج وكل مدة تجيبى ليهم لعبتين جداد يلعبوا بيهم هاتلهم مكعبات وخليهم يقعدوا يرتبوها كدة هاتلهم العاب تشغلهم عنك وتاخد تفكيرهم وتركيزهم
ويارب اكون افادتك
ولو كلامى عجبك بقى ادعيلى ان ربنا يرجعلى جوزى بالسلامة ويهب لنا الذرية الصالحة
إظهار التوقيع
توقيع : semsemahasan
#6

افتراضي رد: انقذونى من ابنى الصغير عمر

انا ابنى كان كده وفعلا العياط والصريخ المستمر بيتعب الاعصاب بس حاولى تتجاهليه لانه حيتعب وحيفهم ان الصريخ مش بياثر فيكى ومع الوقت حتقل العصبيه دى ابشرك ابنى دلوقتى 4 سنين ومتفاهمين مع بعض جدا

ربنا يهديهولك ومتقلقيش بس حاولى تمسكى اعصابك
#7

افتراضي رد: انقذونى من ابنى الصغير عمر

الاخوات مجربات وعارفات وكفو وفو بالشرح الله يهدي
إظهار التوقيع
توقيع : عرين
#8

افتراضي رد: انقذونى من ابنى الصغير عمر

حبيبتي لازم تتجهلى عياطه تماما علشان هو بيصرخ ويعيط وعارف انه بيجيبك بالطريقه دي وحولي تجمدي قلبك شويه ومتزعقيش وتسبيه يعمل اللى هو عايزه وحتى متبوصيش له الكلام ده انا سمعته من دكتور في التلفزيون قبل كده كل اللي تقوليهولوا بهدوء انا معرفش اتكلم مع واحد بيصرخ كده اسكت وانا اعملك اللى انت عايزه وربنا يهديهولك يارب
#9

افتراضي رد: انقذونى من ابنى الصغير عمر

حبيباتى العدولات اشكركم جدا على النصائح الغاليه دى ربنا ميحرمنيش منكم ابدا وفعلا هجربها ان شاء الله وهحاول اهدأ وربنا يهدلينا ولادنا جميعا ويرجعلك زوجك بالسلامه يا اختى الغاليه وكل الشكر لحبايبى العدولات القمرات
#10

افتراضي رد: انقذونى من ابنى الصغير عمر

حبيبتي دي مش مشكلة دة ولد طبيعي 100% لان الولد لازم يغير لانه كان في حضن امه

لالالاتتجاهلين بكاؤه لانه هيزيد من غيرته وهيزيد من بكاؤه

بل حاولي تحسسيه بالحنان الوحيد له صدقيني عن تجربتين

إظهار التوقيع
توقيع : sho_sho
#11

افتراضي رد: انقذونى من ابنى الصغير عمر

ربنا يخليهولك يارب ويحميه يا لافالانتينا وتشوفيه عريس
#12

افتراضي رد: انقذونى من ابنى الصغير عمر

خدي تجربتي ياحبيبتي انا زيك عندي ولدين ونفس ولادك في الفرق بس دلوقتي الحمدلله الصغير 3سنوات لا تسيبي يعيط وتطنشيه ولا تطبطبي عليه زياده خليك وسط واوعي تصرخي عليه لان الصراخ بيزيد عند واوعي تضربيه وحاولي تتكلمي معاه بعد مايهداء لومايفهم حببيه في اخوه خديهم الاثنين سوى في وقت واحد في حظنك لا تاخدي واحد وتسيبي التاني لا دااكبر غلط لانه بيسبب حقد وكراهيه بااستمرار حاولي تقولين له دا اخوك انت اخوان انا بحبكم كلكم اللي مايحب اخوه راح ازعل منه واعطيه حاجات يعطيها اخوه عشان بتزيد العلاقه بينهم واقوليلي للكبير في اي وقت انتبه لالخوك وابقى كرري الكلام دا عليهم الاتنين ويارب يصلحهم لك ويهديهم يارب
إظهار التوقيع
توقيع : حنين الايام
#13

افتراضي رد: انقذونى من ابنى الصغير عمر

اهلا اختى

انا مع كلام اخواتى

انتى لا تطنشيه ولا تدلعيه زياده

البكاء الزياده بيعصب الطفل ويخليه عنيد اكثر

هدى اعصابك امسكيه من ايده بحنيه خديه لصدرك طبطبى عليه ولما يهدى بصى فى عنيه واساليه حبيبى ماله؟

ليه بيعيط انا زعلتك بحاجه؟

مش لازم ماما تشتغل بالبيت؟

انا بنتى زى ابنك دائما بتعيط احيانا لما اكونمشغوله اسيبها شوى وارجع لها شوى لحد ما تهدى وممكن لو كنت مشغوله بالمطبخ اخليها تساعدنى باى شئ المهم اشغلها بشوفها تفرح اوى وتبطل عياط

او اعطيها شئ بتحبه عشان تنشغل فيه وتنسى

ربنا يهدى اولادنا ونشوفهم عرايس وعرسان
إظهار التوقيع
توقيع : ريموووو
#14

افتراضي رد: انقذونى من ابنى الصغير عمر

ااهلين اختي ام حمزة وعمر والله ربي يعينك عليهم هي الحكاية انك تطولي بالك شوية لان النرفزة والعصبية نتيجتهم عكسيةوالسن ده محتاج للحنان والدفء من الوالدين معاوربنا يهديهم ويخليهم لك.
#15

افتراضي رد: انقذونى من ابنى الصغير عمر

ربنا يهديه ليكي

و الاخوات كفوا ووفوا والله معك
#16

افتراضي رد: انقذونى من ابنى الصغير عمر

لا الله الا الله



قد تكوني مهتمة بالمواضيع التالية ايضاً
الموضوع كاتب الموضوع المنتدى
السيرة الذاتية الكاملة للفاروق عمر بن الخطاب رضي الله عنه اماني 2011 شخصيات وأحداث تاريخية
الفاروق عمر من هو؟؟؟؟ ابنة عائشه قصص الانبياء والرسل والصحابه
مواقف رائعة للصحابي (عمربن الخطاب) رضى الله عنه حڸآۉة آڸرۉح قصص الانبياء والرسل والصحابه
عمر بن الخطاب ـ الفاروق ـ ضــي القمــر قصص الانبياء والرسل والصحابه
شهيد المحراب عمر بن الخطاب ام طاطو قصص الانبياء والرسل والصحابه


الساعة الآن 02:04 AM

الاتصال بنا - عدلات - الأرشيف - أعلي الصفحة

جميع المشاركات تمثل وجهة نظر كاتبها وليس بالضرورة وجهة نظر الموقع


التسجيل بواسطة حسابك بمواقع التواصل