أو

الدخول بواسطة حسابك بمواقع التواصل



عدلات

> الاقسام الأسرية

> فضفضة وحل المشاكل

ربنا يفرح قلب كل اللى ترد عليا

إضافة رد  أضف للمفضلة
https://adlat.net/showthread.php?t=244792
3559 32
#1

افتراضي ربنا يفرح قلب كل اللى ترد عليا

يا بنات عايزة رأيكم ضرورى فى مشكلتى لانى تعبت بجد انا فتاة اعمل فى بنك بالقاهرة تعرفت على زميل لى من حوالى سنه من اسكندرية وكان بيشتغل معايا فى نفس المكان قالى انه معجب بيا وأنه بيحبنى وعايز يتجوزنى وكان بيروح يكلم صحابى عشان يقنعنى أوافق وبعد محاولات كتيرة منه وكلام كتير وأنه مش هايتجوز حد غيرى وانى حلم حياته وكلام كتييييير وهو بصراحه كان فى الاول حنين قوى وافقت لما حسيت انه بيحبنى ومستعد يعمل أى حاجه علشانى اتفقنا اننا هانتجوز فى القاهرة وأنه مش هايقبل حاجه بره القاهرة لحد ما نتجوز وبعد كده جاله عرض شغل فى اسكندرية قالى لو هاتقبلى بظروفى هارفض العرض ده وقالى إنه ظروفه انه بيساعد أهله وأنه هايجيب شقه ايجار فى حى متوسط فى القاهرة قلتله مش مهم كل ده المهم الشخص نفسه وبعد ما اتفقنا قالى انا هاقبل عرض اسكندرية لانى مش مرتاح فى المكان ده وهم مش مقدرين شغلى قلتله اعمل اللى يريحك وبعد كده بدأ يقنعنى اننا نتجوز فى اسكندريه وقال إنه فى اسكندريه ممكن يجيب شقه تمليك لأن الشقق أرخص ولما كنت بقوله نقعد فى القاهرة زى ما اتفقنا يقولى حليلى مشكلة الشقه الشقق أرخص فى اسكندريه ولما أتكلمت مع ماما قالتلى خليه ييجى ولو انسان كويس نساعده فى موضوع الشقه قلتله ييجى على أساس أنه يشوف حل لموضوع الشقة ونقعد فى القاهرة لأنه كان عارف انى مش موافقة على اسكندريه وكنا بنتكلم فى الفترة دى قبل ما ييجى البيت فى حل لمشكلة الشقة فى القاهرة وقالى انه سايب موضوع الايجار كحل اخير وقالى انا لو قلت لاهلك انى مش عايز اقعد فى القاهرة كانى بقولهم مش عايز اتجوز وهايقولولى انت جاى ليه ماانت عارف أننا رافضين نقطة اسكندريه مع العلم يا بنات انى وحيدة مامتى وهى مالهاش غيرى فى الدنيا وجه البيت وقعد ساعتين ونصف مافتحش الموضوع وفى الاخر فتح الموضوع على أساس أنه بيدور على شقة فى اسكندريه بعد الكلام ده كله .وكان بيقول انه إمكانياته ماتسمحلوش يشترى شقه فى القاهرة وأهلى قالوا له احنا هانحل مشكلة الشقة يعقدها من ناحية الشغل (مع العلم أنه شغله ليه فروع فى القاهرة ده غير انه علاقاته كتير وممكن يشوف حاجه تانيه فى القاهرة لان ده كان اتفاقنا م الاول) ومشى وبعدين كلمنى قالى انه قبل ما ييجى يقابل اهلى بيومين دفع مقدم شقه فى اسكندريه وكأنه بيقولى لو عاجبك اوكي مش عاجبك خلاص .حاولت اشوف معاه أى حل قلتله حتى لو هو قعد فى اليكس وانا قعدت فى كايرو كوضع موقت وهو كان رافض اى حل غير اليكس ولما قلتله انت مش كنت جاى تشوف حل فى القاهرة قالى لا انتى عارفه انى جاى اتكلم فى اسكندريه مع أنه والله كان عارف انى مش موافقه قفل معايا وانا كنت منهارة من طريقته اللى اتغيرت معايا ومن انه مش شارينى راح فين الكلام اللى كان بيقوله والله يا بنات لو تسمعوه كنتوا تقولوا ده مستعد يضحى بحياته علشانك . فى الوقت ده انا كنت منهارة ومش عارفه اعمل ايه وماما اتضايقت من طريقته وقالتلى ازاى يغير كلامه كده ده كده مش واضح وبيستهتر بينا مقالش ليه قبل ما ييجى البيت وفى الوقت ده كانت صاحبتى بتتكلم وهى ليها كلام معاه فطلبت منها ماما تبلغه انه حتى لو جه القاهرة هى مش هاتوافق والله يا بنات هى قالت كده لما حست انه مش واضح وهى بتخاف عليا قوى رد عليا برسالة قالى أن أهله مكانوش متوقعين أن رد فعل مامتك يبقى كده وانه بعد كلامها مابقاش عنده اى اختيارات وأنه هايعيش لأهله ولربنا بس مع أنه كان بيقولى لو أهلك قالولي أى كلمه أو حتى رفضوا انا هاروح واجى لحد ما يوافقوا فى الوقت ده انا كنت تعبانه قوى لانى اكتشفت انى حبيته بجد وقررت انى هاسيب الدنيا كلها علشانه وهاروح معاه اسكندريه وبعتله رساله قلتله انى هاروح معاه اسكندريه كانت النتيجة انه خلى مامته تكلمنى وقالتلى انه طلب منها تقولى انه افل من الموضوع ده مع أنه عارف انى بعت كل حاجه علشانه وان قرار زى ده مش سهل عليا انا حسه انى مش فاهمه حاجه بعد ماسبت الدنيا كلها علشانه حتى امى وبعد ما كان بيقنعنى اوافق يكون ده رده معقوله تكون كلمة ماما هى السبب يعنى كلمه تخليه يبيعنى بالسهولة دى وتمسح الحب ده كله وتخليه مايقدرنيش كده انا تعبانه قوى يا بنات ومش عارفه اعمل ايه أدونى رايكم


#2

افتراضي رد: ربنا يفرح قلب كل اللى ترد عليا

الموضوووع طويل بس معلش حبيبتي علشان ربنا يفرح قلبي و علشانك قريتوو كلوو ههه
....
اوكى ياست انتى عملتي اللي عليكى و قبلتي بس انتى قلتي انوو امك بعتتلوو مع صاحبتك
ما هي كانت بتقدر تعيطلوو بالبيت و يناقشوو الموضوع من جديد و بهدووء بدوون اي غضب اوو حاجة تانيه ..
و ربما صاحبتك ولا البنت ده اللي بعتووهالوو ما وصلتش الفكرة متل ما قلتووها
و حاجة تانية انوو حبيبتي دايما ما نتسرعش في اخد القرارات متل ده علشان انتى ما سألتيش عنوو خالص
كنت تقدري تسألي صحاابوو عليه و على صفاته و كيف يتكلم عليكى
و ربما كل الكلام الرومانسي اللي كان بالاول هوو مزيف
لأنوو أنا عمري ما وضعت ثقة في رجل لانوو الرجل غدار على عكسنا نحنا نقطة ضعفنا الثقة باي شخص
و الوقوع في الحب بسرعة ...

على كل انا بقوولك انوو مادام هوو رفض نهائيا سيبيه من حياتك و عقلك و ابدي صفحة جديدة
و ربناآ يرزقك الزوج الصالح ياآرب
تحياتي (( farah Abir ))
♥||~
إظهار التوقيع
توقيع : نَقاء الرُّوح
#3

افتراضي رد: ربنا يفرح قلب كل اللى ترد عليا

يا حبيبتى ماما قالتله كده لانه غير كلامه وهى حست انه بيستهتر بينا وغير كده ماما بتخاف عليا قوى ومالهاش غيرى
وثانيا صاحبتى دى انسانه امينه جدا وهو بيعتبرها زى اخته
وبعدين هى كلمه ممكن تمسح الحب ده كله ومايقدرش انى سبت كل حاجه علشانه
#4

افتراضي رد: ربنا يفرح قلب كل اللى ترد عليا

صباح الفل عليكي ياعسل

بصي كلمت مامتك ملهاش دعوه خالص اولا الانسان ده مش كويس ملعب بمعني الاصح لانه من الاول المفروض يدخل البيت من بابه ويكلمهم في موضوع الشقه اما هوه اتفق معاكي من ورا اهلك

ثانيا طالما جيه البيت ومفتحش الموضوع يبقا هوه انسان مش كويس هوه اتكلم عن الشقه المفروض يفاتح الاول انه يتقدملك

حكايه الشقه هوه شكله كده بتهرب ومعني ان يحطك في امر واقع احذري لو ارتبطي بيه ممكن يعمل اي حاجه من وراكي
كده يبقا انسان ملهوش كلمه وكذاب ومينفعش تثقي فيه خالص

هقولك حاجه ليكي انتي صلي ركعتين وادعي ربنا يرزقك احسن منه ويبعدك عنه بس عاوزه اققولك حاجه لما يجيلك عريس متكلميش انتي معاها قوليله عندك اهلا ولو هوه من بلد تانيه وهوه انسان محترم وشريكي بجد ودخل البيت من بابه استخيري ربنا ولو ليكي فيه نصيب سافري اقعدي في بلده وممكن بعد كده ولدتك تنقل في نفس البلد بس متقفليش حياتك ارجعي لشغلك وعيشي حياتك

لو جيه يكلمك تاني مترديش عليه واعتبريه انسان ملهوش شخصيه ولا محترم طنشيه واوعي ترتبطي بيه ده انسان مش كويس

يارب اكون افيدتك
إظهار التوقيع
توقيع : princess weaam
#5

افتراضي رد: ربنا يفرح قلب كل اللى ترد عليا


المشاركة الأصلية كتبت بواسطة gihangana
يا بنات عايزة رأيكم ضرورى فى مشكلتى لانى تعبت بجد انا فتاة اعمل فى بنك بالقاهرة تعرفت على زميل لى من حوالى سنه من اسكندرية وكان بيشتغل معايا فى نفس المكان قالى انه معجب بيا وأنه بيحبنى وعايز يتجوزنى وكان بيروح يكلم صحابى عشان يقنعنى أوافق وبعد محاولات كتيرة منه وكلام كتير وأنه مش هايتجوز حد غيرى وانى حلم حياته وكلام كتييييير وهو بصراحه كان فى الاول حنين قوى وافقت لما حسيت انه بيحبنى ومستعد يعمل أى حاجه علشانى اتفقنا اننا هانتجوز فى القاهرة وأنه مش هايقبل حاجه بره القاهرة لحد ما نتجوز وبعد كده جاله عرض شغل فى اسكندرية قالى لو هاتقبلى بظروفى هارفض العرض ده وقالى إنه ظروفه انه بيساعد أهله وأنه هايجيب شقه ايجار فى حى متوسط فى القاهرة قلتله مش مهم كل ده المهم الشخص نفسه وبعد ما اتفقنا قالى انا هاقبل عرض اسكندرية لانى مش مرتاح فى المكان ده وهم مش مقدرين شغلى قلتله اعمل اللى يريحك وبعد كده بدأ يقنعنى اننا نتجوز فى اسكندريه وقال إنه فى اسكندريه ممكن يجيب شقه تمليك لأن الشقق أرخص ولما كنت بقوله نقعد فى القاهرة زى ما اتفقنا يقولى حليلى مشكلة الشقه الشقق أرخص فى اسكندريه ولما أتكلمت مع ماما قالتلى خليه ييجى ولو انسان كويس نساعده فى موضوع الشقه قلتله ييجى على أساس أنه يشوف حل لموضوع الشقة ونقعد فى القاهرة لأنه كان عارف انى مش موافقة على اسكندريه وكنا بنتكلم فى الفترة دى قبل ما ييجى البيت فى حل لمشكلة الشقة فى القاهرة وقالى انه سايب موضوع الايجار كحل اخير وقالى انا لو قلت لاهلك انى مش عايز اقعد فى القاهرة كانى بقولهم مش عايز اتجوز وهايقولولى انت جاى ليه ماانت عارف أننا رافضين نقطة اسكندريه مع العلم يا بنات انى وحيدة مامتى وهى مالهاش غيرى فى الدنيا وجه البيت وقعد ساعتين ونصف مافتحش الموضوع وفى الاخر فتح الموضوع على أساس أنه بيدور على شقة فى اسكندريه بعد الكلام ده كله .وكان بيقول انه إمكانياته ماتسمحلوش يشترى شقه فى القاهرة وأهلى قالوا له احنا هانحل مشكلة الشقة يعقدها من ناحية الشغل (مع العلم أنه شغله ليه فروع فى القاهرة ده غير انه علاقاته كتير وممكن يشوف حاجه تانيه فى القاهرة لان ده كان اتفاقنا م الاول) ومشى وبعدين كلمنى قالى انه قبل ما ييجى يقابل اهلى بيومين دفع مقدم شقه فى اسكندريه وكأنه بيقولى لو عاجبك اوكي مش عاجبك خلاص .حاولت اشوف معاه أى حل قلتله حتى لو هو قعد فى اليكس وانا قعدت فى كايرو كوضع موقت وهو كان رافض اى حل غير اليكس ولما قلتله انت مش كنت جاى تشوف حل فى القاهرة قالى لا انتى عارفه انى جاى اتكلم فى اسكندريه مع أنه والله كان عارف انى مش موافقه قفل معايا وانا كنت منهارة من طريقته اللى اتغيرت معايا ومن انه مش شارينى راح فين الكلام اللى كان بيقوله والله يا بنات لو تسمعوه كنتوا تقولوا ده مستعد يضحى بحياته علشانك . فى الوقت ده انا كنت منهارة ومش عارفه اعمل ايه وماما اتضايقت من طريقته وقالتلى ازاى يغير كلامه كده ده كده مش واضح وبيستهتر بينا مقالش ليه قبل ما ييجى البيت وفى الوقت ده كانت صاحبتى بتتكلم وهى ليها كلام معاه فطلبت منها ماما تبلغه انه حتى لو جه القاهرة هى مش هاتوافق والله يا بنات هى قالت كده لما حست انه مش واضح وهى بتخاف عليا قوى رد عليا برسالة قالى أن أهله مكانوش متوقعين أن رد فعل مامتك يبقى كده وانه بعد كلامها مابقاش عنده اى اختيارات وأنه هايعيش لأهله ولربنا بس مع أنه كان بيقولى لو أهلك قالولي أى كلمه أو حتى رفضوا انا هاروح واجى لحد ما يوافقوا فى الوقت ده انا كنت تعبانه قوى لانى اكتشفت انى حبيته بجد وقررت انى هاسيب الدنيا كلها علشانه وهاروح معاه اسكندريه وبعتله رساله قلتله انى هاروح معاه اسكندريه كانت النتيجة انه خلى مامته تكلمنى وقالتلى انه طلب منها تقولى انه افل من الموضوع ده مع أنه عارف انى بعت كل حاجه علشانه وان قرار زى ده مش سهل عليا انا حسه انى مش فاهمه حاجه بعد ماسبت الدنيا كلها علشانه حتى امى وبعد ما كان بيقنعنى اوافق يكون ده رده معقوله تكون كلمة ماما هى السبب يعنى كلمه تخليه يبيعنى بالسهولة دى وتمسح الحب ده كله وتخليه مايقدرنيش كده انا تعبانه قوى يا بنات ومش عارفه اعمل ايه أدونى رايكم
حبيبتي هاي اسمها امتخانات الحياه لازم ما تعمليها مشكلة سيبيها من عقلك يعني ضروري ما تفكري فيه
ومن هون وطالع لاتحبي ايا كان حتى تحربيه ولاتسمحي لقلبك يحب حتي يرى الملموس والمنظور
لانك انخدعت بالكلمات وان شاء الله مرة تانيا لا تعيديها انت اختبرت
#6

افتراضي رد: ربنا يفرح قلب كل اللى ترد عليا

حبيبتي واضح انه لعبي ومش صادق انسيه احسن
#7

افتراضي رد: ربنا يفرح قلب كل اللى ترد عليا

ايه يا بنات 89 مشاهدة و4 ردود بس
#8

افتراضي رد: ربنا يفرح قلب كل اللى ترد عليا

يا بنات معلش الموضوع طويل شويه بس انا محتاجه آرائكم
#9

افتراضي رد: ربنا يفرح قلب كل اللى ترد عليا

والله حبيبتى من كلامك حسيت انه ملوش امان بيغير كلامه وبيحطك امام الامر الواقع بعدد ما ييجى يقولك دفع مقدم شقه وغير اتفاقه معاكى
ده غلط
وبرده حاجه ليكى الكلام للشقق والحاجاتدى للاهل من الاول كنت وفرتى على نفسك وقولتى كلك اهلى هم ادرى بمصلحتى
لكن الشخص ده مش راسى على بر وحتتعبى معاه وانتى حيدة مامتك يعنى عايزه تفلاح بيكى وتونى جنبها
صحيح ممكن الواحد يبعد عن اهله فى الجواز فى منطقه تانيه بسيكون الشخص يستاهل مش كده
شفى لما رضيتى انتى فى الاخر سحب نفسه

ده يثبتلك انك خساره فيه
ربنا يكرمك الزوج الالح
إظهار التوقيع
توقيع : هبه شلبي
#10

افتراضي رد: ربنا يفرح قلب كل اللى ترد عليا

صباآحك فل ♥ ~ ..
خلاااص حبيبتي سيبيه من عقلك و خليكى انسانة صابره عقضاء الله و قدره يا حبي مادام هو ما قدرش انوو انت سبتي كلشي علشانه
و كل الكلام اللي كان من الاول متل ما قلتلك من قبل انوووم مزيف و مافيهش فايدة
طبعا هوو لو كان يحبك لكان طرق باب بيتكم بالاول .. صح ولا لا ؟؟
بعدين حبيبتي شوو بدي قولك ربنا يفرج عليكى يارب
إظهار التوقيع
توقيع : نَقاء الرُّوح
#11

افتراضي رد: ربنا يفرح قلب كل اللى ترد عليا

بصراحة هو كان بيتحايل عليا انه عايز يكلم ماما من فترة بس انا اللى ماكنتش عايزة اجيبه البيت الا لما اطمنله بس انا فعلا غلطت انى عملت كده
#12

افتراضي رد: ربنا يفرح قلب كل اللى ترد عليا

انا عندي 11 سنة ومعرفش في الكلام ده
#13

افتراضي رد: ربنا يفرح قلب كل اللى ترد عليا

[size="6"[/mention][/size]صلي صلاة الاستخارة وشوفي هيك صار مع عمتي وصار يقللها ويوعدها ولما تزوجها اخدلها فلوسها و صار يهددها انو ياخد ولادها اذا طلبت الطلاق الله يعينك
#14

افتراضي رد: ربنا يفرح قلب كل اللى ترد عليا

ربنا يهون عليكى اختى عارفة انها صدمة جامدة على قلبك
بس الحمد لله
يمكن ده ابتلاء من ربنا ليكى اصبرى اختى واتحملى واللى يبيعك بيعيه ومش معقوول حد بيحب بجد انه ينسى حبه بمجرد كلمة ايا كانت الكلمة دى
والدليل ع كلامى انتى شوفى مع انه اتغير معاكى واتهرب وقال ان الموضوع اتقفل بس انتى لسة بتفكرى فيه
بجد انتى انسانة عظيمة وحساسة وان شاء الله ربنا هيبدلك باللى احسن منه ويصونك ومامتك معاها حق
طولت عليكى حبيبتى اسفة بس بجد اتاثرت بموضوعك ربنا معاكى وتتحملى
ياااررررب يرزقك وايانا بالزوج والذرية الصالحة اللهم امين
#15

افتراضي رد: ربنا يفرح قلب كل اللى ترد عليا

امين يا رب العالمين
ربنا يخليكى ويجعله في ميزان حسناتك
#16

افتراضي رد: ربنا يفرح قلب كل اللى ترد عليا

حبيبتى انسيه احسن واناعارفة انه صعب عليكى انك تنسيى بس والله مع الايام هتنسى
وبكرة ربناهيرزقك باحسن منه
إظهار التوقيع
توقيع : سألت الله فأعطانى
#17

افتراضي رد: ربنا يفرح قلب كل اللى ترد عليا

اسمعي كلام مامتك
إظهار التوقيع
توقيع : Ana Miro
#18

افتراضي رد: ربنا يفرح قلب كل اللى ترد عليا

حبيبتي مادام هو رفض الشيئ دا كلو انتي سيبيه و متخليهش ببالك واطلبي من الله عز وجل يفرج عليكي ويرزقك بزوج صالح ميدخلكش بكل المتاهات دي وتعيشو بسعادة وربنا يعطيكي على اد نيتك يا رب ويبعد عليكي كل شر يا رب آآآآآآآآآآآميييييين
إظهار التوقيع
توقيع : قرآني حياتي
#19

افتراضي رد: ربنا يفرح قلب كل اللى ترد عليا

يا حبيبتى ماما قالتله كده لانه غير كلامه وهى حست انه بيستهتر بينا وغير كده ماما بتخاف عليا قوى ومالهاش غيرى
وثانيا صاحبتى دى انسانه امينه جدا وهو بيعتبرها زى اخته
وبعدين هى كلمه ممكن تمسح الحب ده كله ومايقدرش انى سبت كل حاجه علشانه
#20

افتراضي رد: ربنا يفرح قلب كل اللى ترد عليا

فين بقية الردود يا بنات
#21

افتراضي رد: ربنا يفرح قلب كل اللى ترد عليا

لاياحبيبتي ليه تتغربي وتبعدى عن اهلك واانتى بنت مامتك الوحيدة
هو لو بيحبك بجد هيااجر في القاهره
وهو ازاى يعني يتفق على شقة في اسكندرية واانتى متعرفيش يعني لوي دراع
اكيد ده لعب حبيبتي
هو انتى اي حد يقولك بحبك ومش هتجوز غيرك تحبيه وتسيبي عيلتك علشانه وتتغربي معاه
هو ممكن يكون عاوزك تغربي عن اهلك لان هو طبعه قاسي وممكن يكون بيدرب فمش عاوز اهلك يعرفوا علشان مايخدوش حقك [MENTION=90371]gihangana[/MENTION];
إظهار التوقيع
توقيع : بنوتة عسولة 654
#22

افتراضي رد: ربنا يفرح قلب كل اللى ترد عليا

اصله كان حنين قوى وبيهتم بيا قوى فى الاول وكان بيقولى مش هايبعدنى عنك الا الموت
#23

افتراضي رد: ربنا يفرح قلب كل اللى ترد عليا

اختي الغالية امك لم تقل شبئ خاطئ بالعكس كلامها صحيح وهي تطلب الوضوح هو كل مرة براي مرة هنا ومرة هناك ولم يرسى على بر .....وبرايي احسن انك تبتعدي على هذا الشاب الان احسن من ان تكتشفي امور اكبر من هذه بعد فوات الاوان يعني تتزوجيه وتكتشفي انه يتلاعب او كذاب او امور اخطر من هذا ولهذا انسي موضوعه اعرف انه صعب لكن الوقت كفيل بان ينسيك اياه وتذكري انه بلف ويدور واخذ كلام امك الغالية سببا للبتعاد وليطلع العيب ...وصلي صلاة الاستخارة ...والله لن يخيبك
إظهار التوقيع
توقيع : امي الغالية
#24

افتراضي رد: ربنا يفرح قلب كل اللى ترد عليا

ربنا يخليكى ويجازيكى خيرا
#25

افتراضي رد: ربنا يفرح قلب كل اللى ترد عليا

في المرة الي جاية اعرفي شخصية الدي تتكلمين معه لا تحكمي على الكلامرد: ربنا يفرح قلب كل اللى ترد عليا
بل على المواقف و الافعال
إظهار التوقيع
توقيع : yosra issa
#26

افتراضي رد: ربنا يفرح قلب كل اللى ترد عليا

اسمعي حبيبتي اول شي باين عليكي انسانة منيحة وعاقلة مالازم تثقي في اي احد لانو الرجال غدارين كتير ومثل ماقالو البنات مالازم ترجعيلو ابدا لو كان يحبك ماكانش تركك مشان شقة او كلمة امك هو يعرف مليح انو ماماك كانت في حالة غضب وكلنا كي نكونو في حالة غضب نحكو اي شي بيجي عبالنا المهم انت انسيه وابدي حياة جديدة واذا انخطبتي لازم يجي لبيتكم ويطلبك قدام ماماك وباباك ولازم ماترميش نفسك عليه لحتى مايفكر انك انت ملهوفة عليه زيادة كل الرجال مفكرين انو البنت عبد عنده اوك حبيبتي وشكرا وربي يهنيك في حياتك وان شاء الله تلقاي احد خير منو
#27

افتراضي رد: ربنا يفرح قلب كل اللى ترد عليا

ربنا يخليكم يا بنات
#28

افتراضي رد: ربنا يفرح قلب كل اللى ترد عليا

والله انا كل اللي بدي اقلك ياه هو اقعدوا في مكان معين انتي وهو وماماتك وماماته وتناقشوا حول الموضوع بكل تفاهم وبدون اي عنف واذا شفتيه ما بيستاهلك ومو رجال حقيقي ..... اتركيه وسيبيه لحتى الله يبعثلك زوج صالح ان شاء الله
إظهار التوقيع
توقيع : رؤيا الجزائرية
#29

افتراضي رد: ربنا يفرح قلب كل اللى ترد عليا


المشاركة الأصلية كتبت بواسطة رؤيا الجزائرية
والله انا كل اللي بدي اقلك ياه هو اقعدوا في مكان معين انتي وهو وماماتك وماماته وتناقشوا حول الموضوع بكل تفاهم وبدون اي عنف واذا شفتيه ما بيستاهلك ومو رجال حقيقي ..... اتركيه وسيبيه لحتى الله يبعثلك زوج صالح ان شاء الله
يعنى رأيك أحاول اكلمه تانى بعد اللى حصل
#30

129862 رد: ربنا يفرح قلب كل اللى ترد عليا


المشاركة الأصلية كتبت بواسطة gihangana
يعنى رأيك أحاول اكلمه تانى بعد اللى حصل
مو تكلميه لحالك كلميه انتي وماماتك وحاولوا تتناقشوا بالحسنى وبدون غضب لان الرسول صلى الله عليه وسلم قال "لاتغضب ولك الجنة " واذا مابدو يعمل يلي بتقوليه واذا طلب منك تسيبيه وتتركيه فتركيه والله ماراح ينساك لانو حاسس بيك...
وهذه وجهة نظري يعني
إظهار التوقيع
توقيع : رؤيا الجزائرية
#31

افتراضي رد: ربنا يفرح قلب كل اللى ترد عليا


المشاركة الأصلية كتبت بواسطة رؤيا الجزائرية
مو تكلميه لحالك كلميه انتي وماماتك وحاولوا تتناقشوا بالحسنى وبدون غضب لان الرسول صلى الله عليه وسلم قال "لاتغضب ولك الجنة " واذا مابدو يعمل يلي بتقوليه واذا طلب منك تسيبيه وتتركيه فتركيه والله ماراح ينساك لانو حاسس بيك...
وهذه وجهة نظري يعني
ماما صعب توافق تكلمه بعد اللى حصل هاتقولى انتى حاولتى وهو اللى رفض اول انا اكلمه ولا اعمل ايه
#32

افتراضي رد: ربنا يفرح قلب كل اللى ترد عليا

بصي ياحبيبتي هو انسان مش سوي وواضح عليه جدا وانتي صعب اوي تعيشي مع انسان زي ده
وكمان معلش هو مامتك اه خايفة علي مصلحتك بس في الاخر القرار ليكي انتي بس انتي اللي هتتجوزي مش هي
انتي عملتي اللي عليكي عشانه وزيادة بصراحة مقصرتيش هو اللي قصر وقصر اوي كمان
بلاش ياحبيبتي الجوازة دي هتتعبي فيها اوي وكمان افرضي لو هو قاعد في اليكس وانتي في القاهرة وحامل مثلا تولدي لوحدك !!
لو مامتك تعبت وعيشتي انتي في اليكس محتاجة تلحقيها تقوللها لا استني اسافرلك !!
بصي انا قولتلك رايي لكن القرار ليكي انتي صلي استخارة كده وربنا هيدلك علي الصح ان شاء الله
ربنا يفرح قلبك يارب ويرزقك بالزوج الصالح والذرية الصالحة
#33

افتراضي رد: ربنا يفرح قلب كل اللى ترد عليا

شكرا يا بنات


قد تكوني مهتمة بالمواضيع التالية ايضاً
الموضوع كاتب الموضوع المنتدى
انسانه مش سعيده نورهان عامر فضفضة وحل المشاكل
انا اتطلقت وخدوا منى عيالى ميرو المؤمنة فضفضة وحل المشاكل
طريقة عمل شال كروشية مستطيل بالخطوات sho_sho الخياطة والكروشية والتريكو
نص تحقيقات نيابة أمن الدولة مع أعضاء تنظيم أجناد مصر.."عبد الله" المسئول الشرعى بالتن سارة سرسور اهم الاخبار - اخبار يومية
تاريخ مصر الخرافي اماني 2011 شخصيات وأحداث تاريخية


الساعة الآن 03:43 AM

الاتصال بنا - عدلات - الأرشيف - أعلي الصفحة

جميع المشاركات تمثل وجهة نظر كاتبها وليس بالضرورة وجهة نظر الموقع


التسجيل بواسطة حسابك بمواقع التواصل