ماسكات للشعر طيبعيه ومضمونه,مسكات للشعر طبيعبه ومضمونه2024
ماسك الحنه والتوم
المكونات:
• حنة على حسب طول الشعر
• 3 ملاعق خل تفاح أو خل أبيض
• 3 فصوص ثوم بلدي مفرومين ويُفضّل الثوم البلدي مش الصيني
طريقة التحضير:
من الأفضل في عجن الحنة إننا نستخدم الميه السخنة؛ لأنها بتساعد إن اللون اللي في الحنة ينزل بسرعة، لما نخلط الحنة لازم تكون لزجة شوية، يعني ما تبقاش ناشفة أوي، وتكون ليّنة شوية.
وممكن تسيبي الحنة شوية بعد ما تخلطيها بس مش أكتر من 3 ساعات، وبعد كده تبدئي تستعمليها.
الخلطة اللي عملناها دي هتستخدمي منها معيار صغير؛ لأنها هتتحط على فروة الرأس فقط، يعني مش هنوزّعها على الشعر من تحت؛ وده لأنها بتحتوي على الثوم اللي ممكن ينشف الشعر.
أما بقى بالنسبة لباقي الشعر؛ فممكن نعمل له نفس المكونات دي بس من غير الثوم؛ يعني تكون عبارة عن حنة وخل تفاح وميه فقط، ونحطّها على الشعر من تحت.
ماسك الحنه والبيض
لتغذيه وترطيب الشعر
المكونات:
• 2 ملعقة حنة أو على حسب طول الشعر
• 1/ 2 كوب زبادي
• قطعة خميرة بيرة
• ملعقة عسل نحل
• فص ثوم مفروم
• ملعقة خل تفاح
• قطعة زبدة
• بيضة
الطريقة:
كل اللي عليكي إنك تخلطي كل المكونات دي مع بعضها، وتحطّي الخليط على شعر نظيف، وتسيبيه لمدة 3 ساعات، وبعدين تغسلي شعرك مرة واحدة بالشامبو.
ماسك الحلبة والزبادي.. لعلاج الشعر المجهد (مجرباه بنفسي)
الماسك ده بينعّم الشعر جدا، وبيطرّيه، وهيساعد جدا في علاج الشعر المجهد والمقصف والتالف من الصبغة والسيشوار.
المكونات:
• 1/ 4 كيلو حلبة مطحونة (على حسب كثافة الشعر)
• كوب زبادي
الطريقة:
اعجني الحلبة مع الزبادي كويس أوي، ولو حسّيتي إنها لسه جامدة ممكن تحطّي عليها قليل من خل التفاح أو مغلي الكاموميل أو ميه سخنة، علشان تطّري العجينة وتبقى ليّنة.
بعد كده بتوزّعي الماسك على جذور الشعر، بس لازم الشعر يكون نظيف ومغسول، وبعد كده بتوزّعي باقي الماسك على الشعر كله، وتسيبيه لمدة ساعتين وبعدين تشطفيه.
ماسك البيض وزيت الزيتون (الماسك ده فظيييييييع)
• صفار بيضة
• ملعقة زيت زيتون
• ملعقة خل تفاح
الماسك ده بيكون زي لوسيون للشعر، وطبعا كالعادة هتحطّيه على شعر مغسول، وهتوزّعيه في الجذور والأطراف، وبتسيبيه لمدة نصف ساعة، وبعدين اغسلي شعرك بالشامبو مرة واحدة، وبجد مع المواظبة عليه هتحسّي إنه بيتقّل الشعر، وبيغذّيه وبيلمّعه.
الحلبة والبن.. لشعر ناعم (مجرباه وجاااامد(
الماسك اللي هنعمله دلوقتي، يعتبر من أفضل الماسكات الطبيعية لتنعيم الشعر، وبجد لو جربتيه هتحسّي بنتيجته مع أوّل استخدام؛ لأنه بيحتوي على البن اللي فيه مادة الكافيين ودي بتمنع تساقط الشعر، أما الحلبة فهي من الحاجات المفيدة جدا لنعومة الشعر.
المكونات:
• 3 ملاعق زيت جوز هند
• 3 ملاعق حلبة مطحونة
• 3 ملاعق بن
الطريقة:
اخلطي كل المكوّنات دي مع بعضها على نار هادية، وقلّبيهم مع بعض كويس على النار، ولو حسيتي إن الخليط جامد أوي، ممكن تزوّديه بشوية من زيت جوز الهند، علشان قوامه في النهاية يبقى زي عجينة الحنة الطريّة.
بعد كده بتاخدي الخليط ده، وتحطّيه على فروة راسك بس لازم تكون نظيفة تماما، وبعد كده بتوزّعيه على باقي الشعر، وتسيبيه لمدة ساعة، وبعد كده اغسلي شعرك بالشامبو مرّة تانية، وإن شاء الله تلاقي نتيجة هايلة ومن أوّل مرّة.
المايونيز.. لتنعيم الشعر وعلاج التقصيف (دي حاجه معروفه )
المايونيز من الحاجات المفيدة أوي لتنعيم الشعر وعلاج التقصيف، وطريقة استخدامه هي إنك توزّعيه على فروة رأسك باستخدام فرشة الصبغة، وبعد كده بتوزّعي كميات صغيرة منه على باقي شعرك، بس لازم تكوني غاسلة شعرك كويس، وبتركّزي أكتر على أطراف الشعر المقصفة، وبتسيبي المايونيز على شعرك لمدة ساعة واحدة، وبعد كده تغسلي شعرك مرة تانية بالشامبو.
خلطة زيوت لتقوية الشعر
دلوقتي هنعمل ماسك تاني للشعر بيمنع تساقط الشعر، وبيعالج القشرة، وبينشّف فروة الشعرة من الدهون والقشرة والفطريات، وكمان بيغذّي وبيقوّي وينعم ويرطب الشعر.
المكونات:
• 5 فصوص ثوم مفرومين
• 2 ملعقة كبيرة عصير بصل
• ملعقة عسل نحل
• ملعقة زيت سمسم
• ملعقة زيت جوز هند
• ملعقة زيت لوز حلو
• ملعقة زيت جرجير
• ملعقة زيت زيتون
• ملعقة زيت ذرة
• ملعقة زيت صبار
• ملعقة زيت خس
• ملعقة زيت نخاع
• ملعقة زيت خروع
• ملعقة زيت حية
الطريقة:
بنخلط كل المكوّنات دي مع بعضها، وبنرجّها كويس أوي مع بعض، وبعد كده بنحتفظ بالخليط ده في الثلاجة لمدة يوم، ونبدأ نستخدمه تاني يوم.
وبنحط الماسك ده على فروة الشعر فقط بعد ما نغسل الشعر كويس جداً، وممكن نحط الزيت الخفيف على الشعر نفسه، وبنسيب حمام الزيت ده على الشعر لمدة 3 : 4 ساعات، وبعد كده نغسل الشعر مرة تانية مرتين بالشامبو، ولو لقينا الريحة لسه موجودة في الشعر بعد ما نغسله ممكن نشطف الشعر بمغلي زهرة الكاموميل أو مغلي زهرة المريمية؛ لأن الأعشاب دي بتمتص الروايح القوية زي ريحة البصل والثوم.
والكمية اللي عملناها النهارده دي ممكن تكفينا لمدة شهر؛ لأننا مش بنحتاج غير كمية صغيرة جداً منه في كل مرة.
وفيه طرق كتير ممكن نوزّع بها أي حمام زيت على شعرنا؛ ومنها إننا نوزّع الزيت على فروة الرأس بأطراف الأصابع، وكمان ممكن نستخدم زجاجة برفان قديمة علشان نستغل البخاخة اللي فيها في إننا نرش الزيت على فروة الرأس، وممكن نستخدم فرشة الصبغة في توزيع الزيت، وبعد كده نعمل تدليك خفيف بأطراف أصابعنا على فروة الرأس.
إظهار التوقيع
توقيع : فتاة بالحياء تجملت
التوقيع لا يظهر للزوار ..
رد: ماسكات للشعر طيبعيه ومضمونه,مسكات للشعر طبيعبه ومضمونه2024
إظهار التوقيع
توقيع : زاهرة الياياسمين
التوقيع لا يظهر للزوار ..
رد: ماسكات للشعر طيبعيه ومضمونه,مسكات للشعر طبيعبه ومضمونه2024
شكرا ع الطرح المميز فعلا
عاشت الايادي
عاشت الايادي
إظهار التوقيع
توقيع : نَقاء الرُّوح
التوقيع لا يظهر للزوار ..
رد: ماسكات للشعر طيبعيه ومضمونه,مسكات للشعر طبيعبه ومضمونه2024
إظهار التوقيع
توقيع : فتاة بالحياء تجملت
التوقيع لا يظهر للزوار ..
رد: ماسكات للشعر طيبعيه ومضمونه,مسكات للشعر طبيعبه ومضمونه2024
إظهار التوقيع
توقيع : هبه شلبي
التوقيع لا يظهر للزوار ..
رد: ماسكات للشعر طيبعيه ومضمونه,مسكات للشعر طبيعبه ومضمونه2024
إظهار التوقيع
توقيع : فتاة بالحياء تجملت
التوقيع لا يظهر للزوار ..
قد تكوني مهتمة بالمواضيع التالية ايضاً
|
||||
| الموضوع | كاتب الموضوع | المنتدى | ||
| خلطات الموز للشعر, افضل خلطات الموز للشعر, اهم خلطات الموز للشعر | العدولة هدير | العناية بالشعر | ||
| قصات شعر قصير 2024 احدث تسريحات وقصات للشعر القصير 2024 | اسيرة 67 | تسريحات الشعر | ||
| ماسكات للشعر من الأفوكادو وغيره: آن أوان التوفير! | ЙǑŏƒ | العناية بالشعر | ||
| ماسكات للشعر الجاف و الهايش | إسراء حبيبة ماما | العناية بالشعر | ||
| ماسكات للوجه | د.رزان | العناية بالبشرة | ||
الساعة الآن 06:19 AM
جميع المشاركات تمثل وجهة نظر كاتبها وليس بالضرورة وجهة نظر الموقع