وانتى يازهره هتختارى مين♡❀
ها يازهره
وانتى هتختارى مين
وتمشى فى طريق مين
وتقلدى مين
طيب اسمعو كدا
بصى يا بنوته انتى وهــيه
عايز احكيلك عــن بنتيــن
طريق كل بنت غير التانيه
وانتى اختارى من الاتنيــن
**. **
#الاولى بنت من البنـــــات .. ...فكرتها ان الجامعه دى نادى
لبست جهزت بعد ساعــات ..... والمكياج طبعا شئ عــادى
كان شكلها ملفت بزيــــاده ..... وحجابها ده مكانش حجـاب
راحت الجامعه بكل سعـاده ..... كان همـها بس الاصحــــاب
كان نفسها يبقى لها زميل ..... يعنى صديق او حتى حبيب
زى صحابها ف نفس الجيل ..... كان تفكيرهـــا بــجد غريـــب
وف يوم واحد جـــه كلمــــها ..... قال نتعرف بقـى يا جميـــل
وشــويه بالحـــب وهمـــــها ..... وقضــوها كلام طــول الليــل
مستقبــلها خــلاص ويـــاه ..... دراستـــها بقـــت اى كــــلام
كان فاضل لـــها بس التكــه ..... و هايتقـــدم لــــيها خـــلاص
وف يوم قالها انتى ف سكه ..... وانا من سكه يا بنت الناس
قالها انا اصلا مش ممكـــ ن ..... اخد واحده كــده عرفتــــنى!
اه نتصاحب بس هتسكــن ..... قلبى ال ف بيتها استنتنــى
البنــوته يومــــها اتصدمـــت ..... اصلها بقى خسرت سمعتها
نفســـيتها فعـــلا تعـــــــبت ..... بعد ما كــله عـــرف حكايتـــها
ندمت هــى لكــن متأخــــر ..... بعد ما ضاعت بقـــى برائتــها
واهى عماله كتير تتحســر ..... على اسوأ ايام فى حياتـــها
واهى دى اول قصه معـــانا ..... بنت اختــارت بــس الدنـــــيا
حكايتها محــزنه بأمـــــانه ....... تعالى نشوف البنت التانيــه
**. **
#البنوتــه التانـــيه حكايــــــه ..... راحت الجامـعه تدرس فيـــها
ورغم ان جمالها دا كان آيـــه ..... برده حجابــها كــان مداريـــها
كل هدفــــها كـــان مولاهــــا ..... نفســـها اوى تتفــوق جـــدا
كان توفـــيق ربـــها وياهــــــا ..... علشان كده عمرها ما بتحزن
خبت ع الناس كـل جمالهـــا ..... كـــان همـــها ربـــنا ترضـــــيه
طول السـكه تغــض بصرهـــا ..... طبـــــعا قلبــــها وبتحمـــــــيه
وحيائها كـان ســر جمالهـــا ..... ممكـن تغلط ؟ مش معقـــول
وف يوم جه كلمـها زميلهـــا ..... رفضت اى كلام علــى طــول
كانت صاينه القلب وعارفــــه ..... انــه ف يــوم هيــحب حـــلال
عاشت ع الطـهر وع العفــــه ..... وبجــد كانت خيــــــر مثــــــال
صبرت نالـــت بـعــــد الصبـــر ..... واحد جالـــها لحـــد البيــــــت
شافها عفيفه وزوجه العمـــر ..... لمـا لاقاهـــا قــال اه ياريــــت
هــى البنـــت ال اتمنيتــــها ..... تقـــدر صـــــح تربــــى ولادى
هتكون ملكه جوا ف بيتهـــا ..... وهكون انـا ..مطمّـن راضـــى
هى ان جيتو للحق اتشدت ..... ليه واتمنت يبقـى نصيبـــــها
كتبــو كتابها زى مــا طلبــت ..... علشان يبقى حلالها حبيبها
عاشت اجمل حلــم معـــاه ..... راح سمّــاها حــــور العـــــين
واجتمـــعوا علــى حــب الله ..... وعامـــلها بمــــــوده وليــــــن
هى اختارت صح طريقهــــا ..... ال نهايتــه هتبــقى الجنَّــــه
والفرحه مفارقش حياتهــــا ..... زى ما طول عمرها تتمنــــى
** **
ها يا بنوته انهــى اختارتــى ..... طريق مين فيهم م البنتيـن
اوعى تكونى شويه احتارتى ..... دا الصح مالهوش اختياريــن
كونى عفيفـــه وطيــعى الله ..... واوعى ف يوم ترضيكى دَنِيّه
بايدكى تعيشى احلى حياه ..... وافتكرى كويس انــك غاليـــه
منقول
إظهار التوقيع
توقيع : ربي رضاك والجنة
التوقيع لا يظهر للزوار ..
رد: وانتى يازهره هتختارى مين♡❀
رد: وانتى يازهره هتختارى مين♡❀
إظهار التوقيع
توقيع : sηfoorћ♪'
التوقيع لا يظهر للزوار ..
رد: وانتى يازهره هتختارى مين♡❀
قد تكوني مهتمة بالمواضيع التالية ايضاً
|
||||
| الموضوع | كاتب الموضوع | المنتدى | ||
| النظام الغذائى للتخسيس خلال فترة الصيام وشهر رمضان | هـــدوء | طرق التخسيس وانقاص الوزن | ||
| ادخولى وشوفى ازاى ممكن تشتغلى وانتى فى البيت وانتى الكسبانة | shikomsoso | سوق عدلات النسائي العام | ||
| كل سنة وانتى طيبة ياحبNaksha | ana soso | منوعات x منوعات - مواضيع مختلفة | ||
| مش هقول كل عام وانتى بخير هقول كل عام وانتى الخير لكل عام , كل سنه وانتى طيبه يا منه | الاميرة النائمه | مضيفة عدلات | ||
| عايزة تشتغلى وانتى فى بيتك تعالى اقولك ازاى | توتى بيوتى | سوق عدلات النسائي العام | ||
الساعة الآن 07:00 PM
جميع المشاركات تمثل وجهة نظر كاتبها وليس بالضرورة وجهة نظر الموقع