أو

الدخول بواسطة حسابك بمواقع التواصل



عدلات

> الاقسام الأسرية

> فضفضة وحل المشاكل

باللة عليكم ردو عليا بسرعة محتاجة رايكم بسرررررررررررررررعة

إضافة رد  أضف للمفضلة
https://adlat.net/showthread.php?t=24825
10654 38
#1

باللة عليكم ردو عليا بسرعة محتاجة رايكم بسرررررررررررررررعة

السلام عليكم ازيكم يا عدولات انا عندى مشكلة وعاوزة رايكم فيها ضرووووووووورى انا جوزى مسافر بقالو 7 شهور وانا عايشة فى بيت وحماتى فى بيت تانى خالص يعنى بعيد عن بعض البيت اللى انا ساكنة فية ومفيش حد معايا المهم ان فى واحد متخلف عقليا بيطلع البيت يخبط عليا لان البيت مفتوح للسكان مبيتقفلش وانا مش لاقية حد ينجدنى وبعدين المتخلف دة يقول للناس انى بشاور لية من البلكونة علشان يطلع ليا بيلبسنى تهمة قلت لجوزى لما اتصل عليا فقالى خلى بابا وماما ييجو يباتو معاكى فقلتلهم ايجو يومين وبعدين سابونى قالى روحى انتى باتى معاهم بس يا جماعة سلفى فظيع ملوش حل عامل زى الحية وكل شوية يعملى مشاكل هو ومراتة لانهم قاعدين مع حماتى سوا وبيت اهلى صغير جدا مينفعش اقعد عندهم انا وولادى مفيش مكان بمعنى اصح ومبقتش عارفة اوح فين ولا اعمل اية لو قعد فى شقتى ممكن المتخلف دة يفسخ الباب عليا ويلبسنى مصيبة ولو قعد عند حماتى اول حاجة ان اخو جوزى مش هسلم من شرة دة غير انى مش هعرف اخد راحتى طبعا وعند اهلى مفيش مكان خالص اعمل اية واتصرف ازاى وعلى فكرة الشقة اللى انا ساكنة فيها دى بتاعتى ملك يعنى مينفعش اسيب ملكى واتاجر فى مكان تانى ردو عليا بسرعة اللة يخليكم







#2

افتراضي رد: باللة عليكم ردو عليا بسرعة محتاجة رايكم بسرررررررررررررررعة

ربنا يحلهالك من عنده
انا رأيى تقعدى فى بيتك بس اعملى ترابيس واقفال كويس اوى على الشقة
وربنا يحفظك انتى وعيالك
إظهار التوقيع
توقيع : happy 5o5a
#3

افتراضي رد: باللة عليكم ردو عليا بسرعة محتاجة رايكم بسرررررررررررررررعة

زى ما خوخه قالت لك
وكمان حاولى انك متطلعيش م البيت
الا للضروووووره الشديه ومتفتحيش شبابيك خالص
ولو عندك ابن كبير خليه هو يقف للراجل المتخلف دا
ولوجوزك ف غربه ويقدر ياخدكم ياريت ولو ف مصر بس
ف بلد تانيه بحكم شغله مثلا
لمو شملكم وروحو له وربنا يسترهامعاكى ويحفظ عياالك
#4

افتراضي رد: باللة عليكم ردو عليا بسرعة محتاجة رايكم بسرررررررررررررررعة

مش عارفه بيتهيالى الست مش بتعرف تقعد لوحدها خلى حدد ييجى يقعد معاكى واحسنلك تطلبى تعيشى مع جوزك كمان الراجل اللى بيضايقك ده بلغى عنه واعملو باب حديد على الشقه او البيت ميضرش
#5

افتراضي رد: باللة عليكم ردو عليا بسرعة محتاجة رايكم بسرررررررررررررررعة

اختى الغالية بالله عليكى تاخدى بالك من اولادك وتامنى باب شقتك كويس جدا وحاولى تلاقى حد يقف للشخص دة لان من الواضح انه عارف انك قاعدة لوحدك فلازم انه يشوف راجل واقفله وربنا معاكى
#6

افتراضي رد: باللة عليكم ردو عليا بسرعة محتاجة رايكم بسرررررررررررررررعة

متشكرة جدا يا حبايبى طب انا جتنى فكرة انا ممكن ابات مع حماتى بالليل بس وبالنهار اروح على شقتى فكرو معايا كدة الحل دة صح ولا غلط
#7

افتراضي رد: باللة عليكم ردو عليا بسرعة محتاجة رايكم بسرررررررررررررررعة

صح الصح كمااااااااااان
ووافضل ليكى وللاولاااد
#8

افتراضي رد: باللة عليكم ردو عليا بسرعة محتاجة رايكم بسرررررررررررررررعة


المشاركة الأصلية كتبت بواسطة *(بسمة أمــل)*
صح الصح كمااااااااااان
ووافضل ليكى وللاولاااد
مرسى يا بسمة لاهتمامك ربنا يريح بالك يارب ومتحتاريش ابدا على فكرة احنا ممكن نبقى اصحاب على الفيس بوك او الياهو لو تحبى لازم يكون ليكى تقديرك زى ما بتهتمى وتقدرى كل العدلات كدة
#9

افتراضي رد: باللة عليكم ردو عليا بسرعة محتاجة رايكم بسرررررررررررررررعة

[FONT=""][COLOR=""][SIZE=""]ربنا يقرب البعيد[/SIZE][/COLOR][/FONT]
#10

افتراضي رد: باللة عليكم ردو عليا بسرعة محتاجة رايكم بسرررررررررررررررعة

انا مع انك تبلغي عن الشخص اللي بيضايقك ده وتباتي عند مامتك شوية وحماتك شوية وعند مامتك رغم ان مفيش مكان لكن هيبقى مفيش منهم حرج وبع كده ياأختي نصيحة مني بلاش تعيشي في بلد وزوجك في بلد حاولي انك تسافري معاه أو تتجمعوا هنا صعب ان الست تعيش من غير زوجها وربنا يصلح لك الحال يارب
إظهار التوقيع
توقيع : رحيق
#11

افتراضي رد: باللة عليكم ردو عليا بسرعة محتاجة رايكم بسرررررررررررررررعة

بصي يااختي انا رأيي لو كنت مكانك وواحد قال انى بغمزله من البلاكونه كنت افرج عليه الشارع وافضح عميله علشان ميقولش عليكي اي كلام ويبوظ سمعتك وثانيا اروح اعمله محضر بعدم التعرض وتخليهم يمضوا على تعهد ولو زودها تديله باللي في رجلك معلش انا برضوا كان جوزى مسافر وكنت بقابل ناس تقرف كده كتير وكنت بعرف اوقفهم عند حدودهم ازاى وياريت لو عندك اخ او حد يقعد معاكي وحلوة فكرة الباب الحديد ولو بياتك عند حماتك بالليل هيكون امان ليكي اكتر توكلي على الله وروحي واستنجدي برجالة الشارع واشتكي ليهم ولو قرب نحية عمرتك هيتصدوا له وخلى بالك من نفسك ومن ولادك حفظك الله اختى الحبيبة
#12

افتراضي رد: باللة عليكم ردو عليا بسرعة محتاجة رايكم بسرررررررررررررررعة

بصي حبيبتي لو عندك اخ او بباكي يجو يباتو معاكي وفكره انك تبغلي الشرطه في والوق الحالي للبلاد مش هينفع خالص اهم حاجه امني نفسك كويس انتي والاولاد وزي البنات ماقلوليك ماتخرجيش الا للضروره وربنا يسرتها عليكي ويرجعلك زوجك بالسلامه وابقي طمنينيا عليكي عملتي ايه
إظهار التوقيع
توقيع : نوارا
#13

افتراضي رد: باللة عليكم ردو عليا بسرعة محتاجة رايكم بسرررررررررررررررعة


المشاركة الأصلية كتبت بواسطة مرمورة
بصي يااختي انا رأيي لو كنت مكانك وواحد قال انى بغمزله من البلاكونه كنت افرج عليه الشارع وافضح عميله علشان ميقولش عليكي اي كلام ويبوظ سمعتك وثانيا اروح اعمله محضر بعدم التعرض وتخليهم يمضوا على تعهد ولو زودها تديله باللي في رجلك معلش انا برضوا كان جوزى مسافر وكنت بقابل ناس تقرف كده كتير وكنت بعرف اوقفهم عند حدودهم ازاى وياريت لو عندك اخ او حد يقعد معاكي وحلوة فكرة الباب الحديد ولو بياتك عند حماتك بالليل هيكون امان ليكي اكتر توكلي على الله وروحي واستنجدي برجالة الشارع واشتكي ليهم ولو قرب نحية عمرتك هيتصدوا له وخلى بالك من نفسك ومن ولادك حفظك الله اختى الحبيبة
على فكرة يا حبيبتى انا بمليون راجل واعرف احافظ على نفسى كويس المشكلة انة عندة تخلف عقلى يعنى ممكن لو اى واحد اديلة بالشبشب فى قلب الشارع لكن دة معاة شهادة انة متخلف عقليا يعنى يموتنى عادى ولا حد يقولو انت بتعمل اية كمان انا قلت لاهلة قالولى ليكى مليون حق بس دة متخلف هنعمل فية اية والكل سايبنى لايصة كدة واتخلو عنى ربنا ينتقم من اللى يتخلو عن ست ضعيفة مش لاقية حماية هعمل اية ازا كان اهل جوزى قلت انا هقولهم النار هتمسك فيهم ويخافو على شرف ابنهم سمعو من هنا وطلعو من هنا واهلى بابا اللة يرحمة واحنا 4 بنات يبقى اعمل اية عرفتى لية انا مش قادرة اتصرف
#14

افتراضي رد: باللة عليكم ردو عليا بسرعة محتاجة رايكم بسرررررررررررررررعة

ياحبيتي ان شاء الله ربنا يحفظك انا عارفه ان موضوع سفرك لجوزك مبقاش بالساهل زي زمان لو معندكيش باب حديد ارجوكي ركبي وكمان هاتي منشر داخلى وبلا طلوع البلاكونه لغايه لما الولد ده يشيلك من دماغه احسن تكون دماغه مهيأله كده وعايش في الدور بس كان المفروض يكون لأهل جوزك موقف عن كده بس معلش روحي انتى باتي عندهم ان شاالله يوم تباتي عندهم ويوم عندك لغاية ماالايام تعدي وزوجك يرجع بالسلامه وماتحتاجي لحد منه لله اللى بهدل بلدنا وحكم على ازوجنا بالغربه
#15

افتراضي رد: باللة عليكم ردو عليا بسرعة محتاجة رايكم بسرررررررررررررررعة

ربنا يهديكى للصواب
ان شاء الله
#16

افتراضي رد: باللة عليكم ردو عليا بسرعة محتاجة رايكم بسرررررررررررررررعة

انا مع مرمورة انا زوجي مسافر اله 7 شهور متلك بس ماحدا بيقدر يقرب من ناحيتي لانه زوجي قوي الشخصية وعامل لنفس حساب في حارته وانا ست كشرة قوي وما بنزل من بيتي الا للضرورة القصوى ، واذا ضايقك الكلب ده اعملي محضر في الشرطة واشكيه للشرطة وكمان حطي اهلك واهله بالصورة وخلي اخوانك يجو يناموا معاكي في البيت ، واحكي لجاراتك عشان لاسمح الله اذا احتجتيهم في حاجة يبقى بجنبك بسرعه على قولة المثل جارك القريب ولا اخوك البعيد ، واذا في في حارتك رجل كبير يعني ( كبير الحارة او زعيمها احكيلوا مشكلتك عشان يوقفه عند حده والله يحفظك ويحميك انتي واولادك يارب .
إظهار التوقيع
توقيع : قرآني نبض حياتي
#17

افتراضي رد: باللة عليكم ردو عليا بسرعة محتاجة رايكم بسرررررررررررررررعة

بوصى يا حبيبتى ممكن تعملى قفل كبيبر للباب الكبير ونسخة عاية للناس ال معكى فى العمارة بكدة مش هيدخل البيت خالص
#18

افتراضي رد: باللة عليكم ردو عليا بسرعة محتاجة رايكم بسرررررررررررررررعة

ربنا ييريح بالك ويجبلك زوجك بالسلامة

كل الكلام اللي اتقال صح بارك الله لهم
إظهار التوقيع
توقيع : sho_sho
#19

افتراضي رد: باللة عليكم ردو عليا بسرعة محتاجة رايكم بسرررررررررررررررعة


المشاركة الأصلية كتبت بواسطة ام نيرة
اختى الغالية بالله عليكى تاخدى بالك من اولادك وتامنى باب شقتك كويس جدا وحاولى تلاقى حد يقف للشخص دة لان من الواضح انه عارف انك قاعدة لوحدك فلازم انه يشوف راجل واقفله وربنا معاكى
انا مع الراى دة وبعدين الناس عارفه انه متخلف ومش هيسمعو كلامه وربنا معاكى
إظهار التوقيع
توقيع : ام ريتاج الاموره
#20

افتراضي رد: باللة عليكم ردو عليا بسرعة محتاجة رايكم بسرررررررررررررررعة

بصى انا راى انك تستحملى معلش تروحى يومين هنا ويومين هنا ويومين فى شقتك وخلى ماماتك او حد من اخوتك يجى يقعد معاكى ولما ان شاء الله يجى جوزك او تقوليلة يظبط السفرانك تروحى معاه امن ليكى ولية
إظهار التوقيع
توقيع : احزان قطة
#21

افتراضي رد: باللة عليكم ردو عليا بسرعة محتاجة رايكم بسرررررررررررررررعة

كل العدولات معاهم حق حبيبتى

انتى لازم تبلغى اولا وتبلغى اهل الشاب كمان عشان يتصرفوا معاه

وزى ماقالوا اخواتى كلمى رجاله الحى عشان يعرفوا يتصرفوا معاه منتى وحدانيه بعد الله

انا معاكى صعب جدا تتشحططى انتى والاولاد كل يوم بمكان حتى لو وقت النوم وبعدين ايه ضمنك لو سبتى شقتك بالليل انه مايستغل الوضع ورايح داخل الشقه بالليل وسارقها وانتى مش فيها

يعنى اولا حرصى على نفسك واولادك تانيا ركبى اقفال على الشقه اى منفد فيها

تالتا بلغى كل من حولك ماتقصريش

وربنا يحفظكم
إظهار التوقيع
توقيع : ريموووو
#22

افتراضي رد: باللة عليكم ردو عليا بسرعة محتاجة رايكم بسرررررررررررررررعة

متشكرة جدا يا جماعة لاهتمامكو بس معلش هتقل عليكو هو انا كدة صح انى عرفت جوزى علشان يبقى عارف كل حاجة وميظنش فيا شر ولا انا كدة قلقتة فى الغربة
#23

افتراضي رد: باللة عليكم ردو عليا بسرعة محتاجة رايكم بسرررررررررررررررعة

انا شايفه ان باباكى يجى يتكلم مع الرجاله اللى فى البيت ويفهمهم الموضوع ويطلب منهم انكم تعملوا قفل لباب العماره وكده محدش غريب هيعرف يوصلك وربنا يسترها عليكى وعلى ولادك انشاء الله ويرجعلك زوجك بالسلامه
إظهار التوقيع
توقيع : totsy
#24

افتراضي رد: باللة عليكم ردو عليا بسرعة محتاجة رايكم بسرررررررررررررررعة

انا اسفه انا مكنتش عارفه ان باباكى متوفى بس انتى ممكن تتكلمى مع جيرانك وتفهميهم الوضع وباذن الله خير
إظهار التوقيع
توقيع : totsy
#25

افتراضي رد: باللة عليكم ردو عليا بسرعة محتاجة رايكم بسرررررررررررررررعة

موضوع انك تبلغى الشرطة بلاش منه لانه ممكن يجى بالعكس لانه شكله واطى
ثانيا والاهم لو عندك حد من الجيران له شخصية قوية خليه يامن باب العمارة لان اللى هيضرك النهاردى ممكن يضر اهل بيته بكرة
وخليكى جامدة وقوية
ومتخافيش من حد
ومتديش حد فرصة انه يكلم عنك وبلاش البلكونة والشبابيك ولو عندك اخت ولا اخ يجوا يباتوا عندك او حتى باباكى يجى وربنا يبعد شره
#26

افتراضي رد: باللة عليكم ردو عليا بسرعة محتاجة رايكم بسرررررررررررررررعة

............
#27

افتراضي رد: باللة عليكم ردو عليا بسرعة محتاجة رايكم بسرررررررررررررررعة

استغفرى وادعى ربنا يخلصك
وشهدى جرانك علية وخلى دائما معاكى اداة فى ايدك
علشان تحمى بيها نفسك ودة اكيد مش مجنون دة
بيبقى سكران علشان المجنيين كتير ومش بيعملوا كدة
#28

افتراضي رد: باللة عليكم ردو عليا بسرعة محتاجة رايكم بسرررررررررررررررعة

؟؟؟؟؟؟؟
#29

افتراضي رد: باللة عليكم ردو عليا بسرعة محتاجة رايكم بسرررررررررررررررعة

لا الله الا الله
#30

افتراضي رد: باللة عليكم ردو عليا بسرعة محتاجة رايكم بسرررررررررررررررعة

اقفلى على نفسك كويس
#31

افتراضي رد: باللة عليكم ردو عليا بسرعة محتاجة رايكم بسرررررررررررررررعة

حبيبتى انا اسفة لم ادخل الموقع من زمان بس ممكن اقولك حل هو هايبقى متاخر شوية بس معلش لازم يا حبيبتى انت وزوجك تعيشوا فى مكان واحد مهما كانت الظروف هو لازم يتحمل معاك مشاكل الاولاد ومسئوليتهم
#32

افتراضي رد: باللة عليكم ردو عليا بسرعة محتاجة رايكم بسرررررررررررررررعة

لازم تبقي في بيتك مع ولادك بس غيري قفل باب بيتك وقفلي بابك عليكي منيح واحكي مع واحد من اخواتك بتثقي فيه عن الغبي وهو رح يشوفلك حل أما لحالك ما بتحلي مشكلتك وربنل يرجعلك جوزك بالسلامة
#33

افتراضي رد: باللة عليكم ردو عليا بسرعة محتاجة رايكم بسرررررررررررررررعة

الله يكون فى عونك بس لازم تسيبى البيت ولو حتى كام يوم كده وتبلغى عنو عشان الشرطه تاخدو ولا هيفضل سايب كده
#34

افتراضي رد: باللة عليكم ردو عليا بسرعة محتاجة رايكم بسرررررررررررررررعة

هو مافيش فى البيت اللى انت فيه راجل له كلمته واحترامه من جيرانك يتكلم مع اهل الراجل المتخلفوياريت يكون معاه حد من اهل المنطقة ويخلوه يبعد عنك وانا رايى انك مش ها تاخدى راحتك غير فى بيتك فياريت تيجيبى حد من اهلك او اهل جوزك يبتوا معاكى وربنا يلم شملك انت وجوزك
#35

افتراضي رد: باللة عليكم ردو عليا بسرعة محتاجة رايكم بسرررررررررررررررعة

اعملى محضر ليه بعدم التعرض او لو مش فى قانون فى الايام الغريبة ديه
اجرى عليه شوية شباب جدعان يضربوا علقة موت وانت مش هتشوفيه تانى خالص
#36

افتراضي رد: باللة عليكم ردو عليا بسرعة محتاجة رايكم بسرررررررررررررررعة

ربنا يصلح لكى الحال
#37

افتراضي رد: باللة عليكم ردو عليا بسرعة محتاجة رايكم بسرررررررررررررررعة

شكرا يا قمرات
#38

افتراضي رد: باللة عليكم ردو عليا بسرعة محتاجة رايكم بسرررررررررررررررعة

اللهم فرج كربها
#39

افتراضي رد: باللة عليكم ردو عليا بسرعة محتاجة رايكم بسرررررررررررررررعة

خلى مامتك اوى باباكى او حد من اهلك هو اللى يجى يقعد معاكى بدام انتى مش عاوزة تسيبى بيتك
إظهار التوقيع
توقيع : الاء حمزة


قد تكوني مهتمة بالمواضيع التالية ايضاً
الموضوع كاتب الموضوع المنتدى
اجازة الأولاد بدأت.. تعالوا لهذا الدرس الهاااااام أم أمة الله العناية بالطفل
انسانه مش سعيده نورهان عامر فضفضة وحل المشاكل
محتاجه لروحك هبه شلبي المنتدي الادبي
جمعـــاوى وحـب من تانى بسكوته بالشوكولا فرفشة عدلات
غدا يوم آخر ..........قصه بقلمى سوبر مامى أقلام عدلات الذهبية


الساعة الآن 06:29 AM

الاتصال بنا - عدلات - الأرشيف - أعلي الصفحة

جميع المشاركات تمثل وجهة نظر كاتبها وليس بالضرورة وجهة نظر الموقع


التسجيل بواسطة حسابك بمواقع التواصل