الاطراف الصناعيه

ربنا ما يكتب على حد أبدا ربنا إبتلاه ببتر جزء من جسمه لكن لو ربنا قدَر على حد الموضوع ده يبقى إما يعتبر حياته إنتهت ويستسلم وييأس إما أنه يبدأ يبحث على حل عشان يرجع يعيش حياته ويرجع الإبتسامة لنفسه ولأهله وأحبابه ..

عندى صديق لي عمل حادثة نتج عنها بتر فوق الركبة بعدها اتغير تماما ويأس وبقى كل ما يتكلم يقول خلاص حياتى إنتهت لحد ما يوم كنت عنده فى البيت وكنا على النت قولتله إستنى نشوف إيه أخر أخبار الأطراف الصناعية ودخلنا وكتبنا على جوجل أطراف صناعية وكانت المفاجأة شوفنا العجب تطور رهيب فى المجال ده على مستوى مصر والعالم لكن لفت نظرنا أجهزة معينة زى الأطراف الصناعية الإلكترونية والهيدروليك قلنا ندخل على يوتيوب نشوف فيديوهات وفعلا دخلنا وشوفنا فيديوهات لناس عامله بتر تحت الركبة وفوق الركبة وناس عامله بتر فى الذراع .







المهم لقينا طرف صناعى هيدروليك لبتر فوق الركبة ودخلنا على قناة اسمها أورثولايف للأطراف الصناعية وإتفرجنا تقريبا على كل الفيديوهات اللى عليها فعلا الموضوع ده غير الحالة النفسية عند صديقى .



وقدرنا نروح نشوف أحدث الأطراف الصناعية الهيدروليك روحنا الشركة وقابلنا المهندس اللى هناك وهناك عرفنا إن الموضوع ابسط مما كنا نتخيل وربنا كرمنا وعملنا طرف صناعى هيدروليك الركبة بتتنى وتتفرد لوحدها أوتوماتيك جميلة بجد وصحبى حياته إتغيرت تغير 180 درجة ورجع تانى ينزل من بيته ونتمشى سوا ونخرج ونزل الشغل تانى سبحان الله العظيم فعلا ربنا رحيم بالعباد حبيت اكتب الموضوع ده عشان كل واحد أصابه مشكلة بتر فى الرجل أو الذراع يعرف أنه لسه فيه أمل وما يستسلمش لليأس أبدا .. اللهم عافى كل المسلمين من كل بلاء اللهم أمين .