...وساعات تندم على حاجات
عمرك مــ تخيلت انها تضيع..
وساعات تندم انك عرفت ناس
اصلها غاوى يبيع..
فـــ تبكي،
وتحس انه ضايع حقك
ويوم ما تشكي،
تلاقى الكل ضدك!
فـــ تسكت..
وتلاقى سكوتك بقى صرخه
ميسمعهاش غيرك~
تبتسم فيقولو ده دايب ف فرحه
مع ان الحزن لاعن تفكيرك~
مش قادر تتكلم،،
ولو اتكلمت
يبقى الكلام بسيط،
بتعمل ناسى او عبيط،
او جايز لجرحك استسلمت!
وساعات ف عز الليل تعمل نايم
تهرب م الواقع
موجود ومش موجود
ملكش ف الحياه دافع~
وقتها ارجع إليه..هو قادر يداويك
ربك العالم بحالك
رضاه بس يكفيك~
يمكن اللى بتشوفه عقاب
بس شويه شديد..
ده لـــــ الالبلاء اسباب
ومنها تبدأ من جديد..~
فــــ متزعلشى..
لو ف يوم الحِمل زاد
احمد ربك وادعى،
وحده عالم بـــ العباد ~