من بواقى خزين بيتك اعملى أحلى عشوه أو غدوه
ازيكم ياعدولات
كنت محتاره اعمل ايه عشا للولاد
فكرت فى الاكلتين دول
وينفعوا عشا أو غدا وممكن فطار كمان وبأقل تكاليف
إن شاء الله من بواقى خزين البيت يعنى بمعنى أصح
كوباية دقيق وكوباية حمص وبيضه وبواقى
لحمه مفرومه عندى عصجتهم ببصله
وطماطمايه وربطة كُرات وعودين بقدونس
والأكلتين أحلى وأسهل من بعض ان شاء الله
وهما
المطبق والطعميه بالحمص
أبدأ بسم الله
قبل ما اعمل الطعميه عجنت كوباية الدقيق
رشيت عليه رشة ملح وعجنته بميه وكورتهم كده
وسبتهم يرتاحوا وكل ما العجينه ترتاح تتفرد بسهوله
ومتتقطعشى ان شاء الله
الطعميه
انا كنت بعمل حمص الشام وقبل ما اسلقه
شيلت كوبايه من غير سلق فى الفريزر لأنى حسيته كتير علينا
المهم طلعت الحمص يفك
وضربته فى الكبه مع بصلايه وفص توم وكُرات
وعودين بقدونس
حسب الرغبه الكرات والبقدونس لأنى بحب
الطعميه تكون خضره اتعودت عليها كده
وفرمتهم فى الكبه وبعدين حطيت عليهم نص
رغيف فينو مبلول ومتصفى كويس
وضربتهم تانى شويه صغيرين
وحطيت عليهم ملح وكمون وكزبره وشوية
بيكنج بودر ساعة القلى
العجينه ارتاحت
كنت جهزت اللحمه عصجتها ببصله وفص توم
وغسلت الكُرات وقطعته والطماطمايه برضو وقطعتها
ضربت البيضه مع شويه ملح وفلفل اسمر
وفردت العجينه بزيت "وممكن زيت على زبده "
ولازم تتفردب الزيت
كوره كوره وحطيت فى كل واحده شوية لحمه مفرومه
وطماطم وكُرات ومعلقة بيض كده
والعجينه دى رووعه بعمل بيها الفطير الشرقى وفطيرة
الكسترد والرقاق الطرى والفطيرالمشلتت
طبقتها زى الجواب كده
وفى طاسه تيفال من غير دهن لانى فرده بزيت اصلا حطيتها
ووطيت النار عشان تستوى كويس
ولما تتحمر اقلبها كذا مره عشان تستوى
وهنا خلصتهم كلهم وقطعتهم
وقليت الطعميه
ملحقتش اصورهم مع بعض كنا جعانين
سخنت عيش عشان الطعميه وقطعت طماطم وخيار
ومخلل طبعا
وكانت عشوه حلوه الحمد لله وموفره كمان
يارب موضوعى يعجبكم ويفيدكم ويكون حسنه لى
فى حياتى وبعد مماتى تفتكرونى بدعوه حلوه من قلبكم
ويارب تدخلوا تنورونى بردودكم وتقييمكم للموضوع حسب ذوقكم طبعا
جزاكم الله خيراااا
إظهار التوقيع
توقيع : زاهرة الياياسمين
التوقيع لا يظهر للزوار ..
رد: من بواقى خزين بيتك اعملى أحلى عشوه أو غدوه
رد: من بواقى خزين بيتك اعملى أحلى عشوه أو غدوه
إظهار التوقيع
توقيع : رحيق العفة
التوقيع لا يظهر للزوار ..
رد: من بواقى خزين بيتك اعملى أحلى عشوه أو غدوه
إظهار التوقيع
توقيع : زهره محمد
التوقيع لا يظهر للزوار ..
رد: من بواقى خزين بيتك اعملى أحلى عشوه أو غدوه
رد: من بواقى خزين بيتك اعملى أحلى عشوه أو غدوه
إظهار التوقيع
توقيع : ام الاء وبيان2
التوقيع لا يظهر للزوار ..
رد: من بواقى خزين بيتك اعملى أحلى عشوه أو غدوه
إظهار التوقيع
توقيع : NINAKAHINA
التوقيع لا يظهر للزوار ..
رد: من بواقى خزين بيتك اعملى أحلى عشوه أو غدوه
إظهار التوقيع
توقيع : حياه الروح 5
التوقيع لا يظهر للزوار ..
قد تكوني مهتمة بالمواضيع التالية ايضاً
|
||||
| الموضوع | كاتب الموضوع | المنتدى | ||
| اعملى سجادة لمدخل بيتك من بقايا القماش | ★н̃̾ɑ̃̾ı̃̾σ̃̾ѕн̃̾ɑ̃̾★ | الارشيف والمواضيع المكررة | ||
| اوعى غطا الكانز اعملى بى اجمل شماعه.طريقه عمل الشماعه السحريه.اسهل شماعه ممكن تعمليها | دوما لك الحمد | افكار وتجارب منزلية | ||
| ماسك وسيروم للشعر ، حضرى ماسك للشعر ، اعملى سيروم منزلى ، اعتنى بشعرك فى بيتك | tota 7adota | العناية بالشعر | ||
| عندك بواقى خيط تعالى اعملى لعبه لطفلك بالكروشية..صور | zozoweza | الخياطة والكروشية والتريكو | ||
| اعملى احلى التسريحات فى بيتك مع المكوى السيراميك | nor84 | سوق عدلات النسائي العام | ||
الساعة الآن 11:12 PM
جميع المشاركات تمثل وجهة نظر كاتبها وليس بالضرورة وجهة نظر الموقع