كيكة الجزر جميلة جداا

السلام عليكم ورحمة الله
كل عام وانتوا بخير بمناسبة العام الهجري الجديد
كيكة الجزرغير ان طعمها حلو كلها فوايد عن اى كيكة تانية وكمان خفيفة لإنها بالزيت (واخدت الوصفة من الشيف/نرمين هنو)
المكونات:
2 كوب سكر
كوب زيت
3 بيضات
فانيليا
ملعقة صغيرة قرفة
2 كوب دقيق
2 ملعقة صغيرة بيكنج بودر
3 كوب جزر مبشور
وللتزيين:
كريم شانتى
عجينة فوندان جاهزة
(وطبعا التزيين حسب رغبتكم)
الطريقة:
فى اناء هنحط الزيت والسكر




ونخفقهم بالمضرب ونضيفلهم البيض والفانيليا



ونخفقهم ونضيفلهم الدقيق والبيكنج بودر والقرفة



ونخفقهم



واخر حاجة نضيف الجزر



ونقلبه مع الخليط بمعلقة خشب ونحط خليط الكيكة فى صينية مقاس 24 وممكن 26



وندخل الكيكة فى فرن حرارته هادية لغاية مايستوى وطبعا كل فرن غير التانى
ولما استوت الكيكة وطلعتها من الفرن سبتها تبرد خالص وزينتها بكريم شانتى ابيض ولونت منه شوية برتقالى وشكلت جزر من عجينة الفوندان
بس التزيين ده حسب رغبتكم ممكن متزينوهاش خالص او تكتفوا بالكريم شانتى بس
وده شكلها النهائى