أو

الدخول بواسطة حسابك بمواقع التواصل

#1

افتراضي أخطاء وانا مخطوبة وقعت فيهـــا، لازم تعرفيهـــا; عشان تتجنبيهـــا

أخطاء وانا مخطوبة وقعت فيهـــا، لازم تعرفيهـــا; عشان تتجنبيهـــا

قبل ما أتكلم عن الأخطاء حابه أبارك لكم على الخطوبة



(( الخطـــأ الأول ))

التجــــــــــــــــاوزات

"الإثم ما حاك في صدرك وخشيت أن يطّلع عليه الناس"
أي حاجة بتعملوها ومتحبوش حد يعرفها

عيزاكي تتخيلي انك كنتي مع خطيبك في خروجة وفيه في لبسك كاميرا خفية وانتي متعرفيش
والكاميرا دي بتسجل صوت وصورة كل حاجة بتحصل بينكم وكل الكلام اللي بتقولوه
أو ان وانتم بتتكلموا فيه جهاز بيسجل المكالمات كلها

وان الحاجات دي أول ما بتتسجل تلقائي بتروح لوالدتك ووالدك على البيت
هيبقى ايه احساسك؟ هتخافي؟ هتتربكي؟ هتحسي بالذنب؟ هتخافي يزعقولك أو يعاقبوكي؟!

طيب انتي عارفه انك فعلا كل اللي بتعمليه بيتسجل؟
انا متأكده انك عارفه ان فيه ملك على يمينك وملك على شمالك بيسجلوا وبيكتبوا في أعمالك الحسنات والسيئات
أنا بس بفكرك والله .... عشان حاسه انك نسيتي أو عامله نفسك ناسيه
(وانا عامله نفسي نايمة وانا عامله نفسي نايمة) :-)

ليه مينفعش يحصل بينكم تجاوزات؟!

(1) حرام
رضا ربنا مفروض يكون عندك أهم من رضا خطيبك لأن قلب خطيبك في ايد ربنا وتمام جوازتكم في ايد ربنا

(2) لا قدر الله ممكن تسيبوا بعض
مش بفوِّل عليكم بالشر، بس بتحصل كتير ان اتنين يتخطبوا مده كبيرة
وبيحصل بينهم لمسات وقبلات وغيره وفي الآخر يسيبوا بعض
وتتجوز غيره وتفضل فاكره الأولاني لأنها عاشت معاه حاجات مفروض متتعاش غير لما يكون جوزها

(3) التجاوزات بتزيد
لما بيحصل بينكم حاجة في الأول بتكون صغيرة
(صغيرة كذنب ولكنها كبيرة لأنها في حق الله)
بعد فترة هو هيزهق من التجاوز ده، هيتعود عليه، خاصة لو تكرر كذا مره
هيطلب أكتر; البحر بيحب الزيادة، وانتي ممكن تضعفي، فتغلطي أكتــــــــــــر وأكتــــــــــــــر
مع ان من البداية لو حسمتي موقفك كان الموضوع انتهـى

لو حصل تجاوزات خلاص اعمل ايه؟!
تقفي فورًا عند الحدود الحالية ومتتجاوزيهاش، يعني متغلطيش أكتر من اللي فات
التجاوزات اللي بتحصل تقلليها بالتدريج (لو منعتيها مره واحدة يبقى خير وبركة طبعًا)
تعملي اللي انتي عيزاه باسلوب كويس وذوق في البداية
ارفضي بهزار، أو احكيله حكايات عن ناس سابوا بعض وان ربنا مش بيبارك وانتي خايفه يحصل كده
قوليله كفاية الموضوع ده عشان عايزه أحس بكل حاجة بعد الجواز لأول مره
وان الحاجة حلاوتها في وقتها ... يعني اتكلمي معاه بطريقة كويسة واقنعيه
لو مقتنعش بالذوق ، عنه ما اقتنع :-)
برضه اعملي اللي انتي مقتنعه بيه واللي ربنا أمرك بيه

وصدقيني لما بعد الجواز يقعد يهزر ويقولك كنتي عامله فيها مؤدبة
أحسن ما يحسسك انك كنتي سهلة وبتروحي وتيجي بكلمة منه




(( الخطـــأ التانـــي ))

خطيبك يكون محور حياتك

أغلب البنات في بداية خطوبتها بتكون السكينة سرقاها بمعنى الكلمة
خطيبي راح، خطيبي جه، خطيبي أهو
خطيبي جابلي، خطيبي بيحبني، خطيبي على نياته كل البنات اخواته
لوك لوك لوك كأنها أول وآخر واحدة تتخطب
لو حصل معاكي كده في البداية فإنتي حالتك مش ميئوس منها
بس خالي بالك انك تفضلي كده كتير
يعني أول الخطوبة وماله عيشي يومين
بس مش طول عمرك يكون هو مركز اهتمامك ومحور حياتك
ويبقى هو الشمس وانتي كوكب بتلفي حواليه

ليه؟!
عشان بكل ببساطة هتندمي ومع اول اختلاف بينكوا وهتقعدي تبكي عاللبن المسكوب وتحسي انه ميستاهلش
وخسارة عمرك وشبابك وانك فنيتي كيانك في كيان شخص آخر

وحتى من غير اختلافات بينكوا
لازم متبقيش تابع بالأوي لحد
عشان هو هيزهق منك وانتي لما ميبقاش فاضيلك مش هتلاقي حاجة تعمليها








(( الخطـــأ التالـــت ))
التفاهــــــــة

متبقيش انسانة تافهة يعني أخرك تتفرجي على المسلسل الفلاني وتفتحي الفيسبوك شوية وتنامي

أنا مش بشتمك والله .... كلنا فينا نسبة تفاهة .... بس حاولي تنضجي
مش معنى كده انك هتبقي سقراط ولا زويل

اتعلمي اونلاين لو عايزه فوتوشوب او برمجة او تسويق وغيرهم
اكتشفي اهتمامات جديدة ليكي
مواقع جديدة تستفيدي منها وتدخليها
غيري الروتين اليومي بتاعك
اقري كتب مثلا ... (غير الروايات الرومانسية) :-)
اقري في الدين التفسير الميسر للقرآن الكريم
أو سيرة الرسول والصحابة
اتفرجي على برامج مفيدة
اعملي فلتره لكل الصفحات والجروبات اللي مشتركة فيهم على فايسبوك وشيلي اللي ملوش لزمة
لو ليكي هواية خياطة كروشية رسم نميها او اتعلميها
اتعلمي لغة جديدة أو نمي لغتك الانجليزية من البيت
اكتبي يومياتك
شوفي اكتر عادة سيئة نفسك تغيريها واعملي خطة ونفذيها
انقضي دولابك واوضتك كويس وروقيها وخليكي منظمة


(( الخطـــأ الرابــــع ))

نشر حياتكم الشخصية للناس

بتنزلي صوركم على الفيسبوك؟ بتكتبيله كلام رومانسي على حسابك أو حسابه؟
طيب ماتبعتيها في رسالة خاصة؟ أو تقوليه في الموبايل؟ مش هيبقى أحسن؟

مره قريت جملة عجبتني ومش قادره أنساها:
يارب ارزقنا علاقة منعقدش ننشر تفاصيلها؛ عشان نثبت لنفسنا وللناس اننا بنحب بعض

قبل ما تعملي حاجة فكري في الهدف
عايزه الناس تعرف انك بتحبيه وانه سوبر مان؟ ليه؟
ماطبيعي خطيبك هتكوني بتحبيه
ولا مش مقتنعة أوي وعايزه حد يقنعك بيه؟

تعرفي ان فيه ناس كتير أوي بيكون فيه بينهم خلافات بس دايما بيتظاهروا بالحب والسعادة المصطنعة قدام الناس؟
مبيحبوش يحسوا حد احسن منهم..أو ان حد شمتان فيهم
اوعي تبقي زيهم.....حياتك بحلوها ومرها ليكي تخصك
ابعدي عن الناس والتمثيل عليهم والاهتمام بيهم وبرأيهم :-)

صدقيني الحياة حلاوتها في خصوصيتها
خلي حياتك الشخصية بعيد عن الانترنت
احكي لوالدتك لصاحبتك المقربة لما يكون فيه موقف يستدعي ذلك


(( الخطأ الخامـــــس ))

البُعد عن ربنا

فاظفر بذات الدين تربت يداك
لما تحاولي تقربي من ربنا، مش انتي بس اللي هتستفيدي....خطيبك هيستفيد أكتر، ولما تتجوزي هتكوني زوجة صالحة، ولما تخلفي هتعرفي تربي أولادك صح....مش هتكوني جاهلة

اوعي تفتكري انك لما تحاولي تتديني هتبقي معقده بقى ومكشرة ومش هيشوف منك حاجة حلوة
بالعكس....حاولي تصححي مفاهيمك....ومتاخديش الدين من نماذج حواليكي....اقري واتعلمي


يارب أكون أفدتكم ولو بنسبة بسيطة
وأكيد اني غلطت غلطات تانية بس دي أبرز حاجات افتكرتها
ولنا لقاء آخــــر إن شاءالله


#2

افتراضي رد: أخطاء وانا مخطوبة وقعت فيهـــا، لازم تعرفيهـــا; عشان تتجنبيهـــا

ادعول حتي انخطب
إظهار التوقيع
توقيع : Biby
#3

افتراضي رد: أخطاء وانا مخطوبة وقعت فيهـــا، لازم تعرفيهـــا; عشان تتجنبيهـــا

بارك الله فيك يا غالية
.. و ربنا يهدي عباده ياآرب ~
إظهار التوقيع
توقيع : نَقاء الرُّوح
#4

افتراضي رد: أخطاء وانا مخطوبة وقعت فيهـــا، لازم تعرفيهـــا; عشان تتجنبيهـــا

بوركت حبيبتى رح التزم انشاء الله بالنصائح دول
إظهار التوقيع
توقيع : احبك رغما عنك
#5

افتراضي رد: أخطاء وانا مخطوبة وقعت فيهـــا، لازم تعرفيهـــا; عشان تتجنبيهـــا

هدا منقول انت لساتك صغير عل ما أظن
عل العموم شكرا أفدتينا كتير يسلمو اختيارك
الراقي
إظهار التوقيع
توقيع : ورود الحياة
#6

افتراضي رد: أخطاء وانا مخطوبة وقعت فيهـــا، لازم تعرفيهـــا; عشان تتجنبيهـــا

ان شاء الله تتزوجين


قد تكوني مهتمة بالمواضيع التالية ايضاً
الموضوع كاتب الموضوع المنتدى
فوازير صعبة جدا وجديدة جدا 2024 واجابتها فوازير مضحكة جدا هتمووت م الضحك yasmen ali الغاز وفوازير
علشان السنارة تغمز كلام لازم كل البنات تعرفه بسكوته بالشوكولا فتيات تحت العشرين
قصه واقعيه حزينه (يارب ما تحصلنا ابداااا) ملك قلبى الحياة الزوجية والاسرية
تجربة حملي الاول,فترة الحمل والولادة ببنتي الاء ام الاء وبيان2 مرحلة الحمل والولاده
هتعملى اية فى اول الجواز....هتلبسى اية؟... ازاى؟. امتى. تعالى اقولك مع ام جنى وبس الثقافة والتوجيهات الزوجية


الساعة الآن 04:26 PM

الاتصال بنا - عدلات - الأرشيف - أعلي الصفحة

جميع المشاركات تمثل وجهة نظر كاتبها وليس بالضرورة وجهة نظر الموقع


التسجيل بواسطة حسابك بمواقع التواصل