اتهموني داعشي 2024

قبل تقريبا شهرين أنا أحب بنت للاسف هذا واقع

على العموم اعرفها لي سنة وهي شيعية سعوية على العموم هي مو تحبني وبس تعشقني عشق

يعني أنا احبها وهي تعشقني على العموم كنت أبي اسافر أنا وخوياي للخبر رحنا بسيارتين ويوم خلاص خلصنا نبي نرجع كنت اكلم حبيبتي في الفيس قالت لي ليش ما تمرني وأنا مو حاط الفكره في راسي ابدا ابدا مستحييييييل افكر فيها ولكن زنت علي الا تعال

المهم قالت لي يله ومدري ايش قلت مادام اني قريب منها خليني امرها على طريقي وانا راجع لرياض كانت معنا سيارتين قلت لخوياي ابي سيارتي بروح للاحساء ومن الاحساء لرياض بشوفها وكذا بروح لحالي وانتوا روحوا لرياض مره وحده

طبعا من الخبر لرياض 400 كيلو تقريبا ومن الخبر للاحساء لرياض 450 كيلو كذا

على العموم هي ماعندها نت ذاك اليوم لان في ذاك اليوم يكون ابوها مسكر النت مدري ليش كل جمعه كذا هو عفى

على العموم راحوا هم وانا ادور جوالي مالقيته ياااأاحووووول الله نسيته معاهم في السيارة

ماعندي جوال وانا متفق معها اساعه 12 بالضبط تكون واقفه عند الباب

والله والله كل مابقوله صار معاي قصه من الخياااال بس صارت معي

انا حاط موقع بيتها بالخريطة بالجوال بس راح على العموم قلت مستحيل اخليها تطلع ولا تلقاني انا اعرف اسم الحي وفي الحي مافيه الا مدرسة وحدة وهي ساكنه ورا المدرسة ومواصفات البيت اعرفها

طبعا رحت ووصلت الاحساء بعدين سألت في الاشاره واحد دلني على الحي رحت للحي بسرعة كان قريب من الجهه الي دخلت فيها الاحساء والمدرسة هي مجمع كبير وفريت في الحاره وانا خاااااايف ولا ابي اقابلها بطلت مااابي بس خلاص ماقدر اتراجع اذا طلعت مشكلة وكان فيه ناس في الشارع والحي هذا كله شيعة وفي الاحساء 60% سنة و40% شيعة

وكان عاشوراء قريب وفي تهديدات من داعش بالتفحير على العموم فريت ولقيت البيت رحت ورجعت وكان فيه ناس تطالع فيني وقفت عند الباب قريب من عنده واقف في جدار المدرسة بعدين حركت السيارة ووقفتها زين وصرت شبهه والحاره مظلمة ومافيه احد غريب الا انا وجلست في السياره وسندت ظهري وأهتظر تجي 12 كانت تقريبا اساعة 11 و45 دقيقة الا وسياره جت ووقفت عندي فجأة ونزل واحد وفتح السيارة علي بقوووه ونزلني منها بقوة وتجمع علي حول 4 او 5 مو متذكر

ايوه نزلوني من السيارة أنت ايش جابك هنا هاه ومسكوني ويدفوني لييين طحت ومسكني واحد ودفني وضربت في باب سيارتي وتجمعوا علي أنا استسلمت طبعا خلاص انتهيت

بعدين جا واحد كبير في السن وقال اتركوه وتركوني وفتشوا سيارتي قطعه قطعه وانا راكب فوق السياره اصارخ فيهم انتوا بأي حق تفتشون سيارتي مين انتوا اتصلوا على الشرطة وانتوا عنصريين وعتديتوا علي والمدرسة هذي مو ملك لكم ملك الحكومة وانا واقف عندها كيفي واصرخ فيهم ابي البنت تسمعي ما أبي تطلع لو طلعت كاااارثة وارفع صوتي واصرخ ابيها تسمع لان لو طلعت كاااارثة وطول الوقت اشوف الباب اخاف تطلع واصرخ ابيها تسمع

وانا اصرخ اقول في نفسي افضل طريقة لدفاع هي الهجوم واقول اتصلوا على الشرطة ابي الشرطة تجي وانا جالس فوق السياره هههههههههههه وتجمع الناس حول 15 شاب حولي من الحاره وانا مافيني نقطة خوف راح الخوف مني ماهمني احد واصارخ

بعدين يوم جت الشرطة قلت لهم السالفة واصرخ في اي واحد يتكلم معهم واقول اسكت انت وياه مابي يقولون لهم اني ادور في الحاره تكون السالفه راكبتني

قلت لهم مضيع وجيت للحاره

جا قال انت مامعاك جوال ومن الرياض وجاي في قرية شيعية اساعه 12 ايش جاي تسوي ويالييييييل قلت انا ايش دراني انها قرية والله شكلها مو شكل قرية كأنها حي وهي فعلا قريه تبعد عن قرية كيلو واحد فقط

وفتشوا السيارة ثم جا الشرطي مسكني على جنب بعثد عنهم قال انت جاي مواعد صدمنييييييييي وقلت لا وكيف اواعد من دون جوال ومدري ايش سكت وراح

بعدين ركبني سيارتي وهو يسوق وعبيت السياره بنزين في اقرب محطه معاه ورحنا لمركز الشرطة اسمه مركز الجفر وكانت السياره كلها فلوووووس مجدعه بكل مكان بعد التفتيش بس ماسرقوا مني شي

رحت للمركز وقلت لهم السالفه اني ضعت ولقيت نفسي في هذي الحاره ووو كنب محضر على كلامي

ورجع قال انت من الرياض وجاي في حاره كلها شيعه جنب حسينية ومامعاك جوال اساعه 12 وتدور في الحاره ايش تسوي ويالييييييييل مطولك

هم شاكين اني بفجر وفتشوا ام السياره يبون يعرفون فيها متفجرات ولا لا ههههههههه

بعدين قال لي تبي تدخل داخل للتوقيف ولا تبي نركب 6ليك سلاسل تجلس برا قلت لا بالتوقيف

للمعلومية انا ابيض البشره وهم الحساوية سمر وشكلهم تقول مغوليه والله والله ما اقصد اني اتطنز لكن فعلا هم اصلا عارفين هذا فعلا اشكالهم قبيحه وغيريبه بااااااين اني مو منهم ولابس جنز ومكشخ وسيارتي كشخه وهم في قرية مو متعودين على الي مثلي واااااضح اني مو من المنطقة وواضح اني مو داعشي لو شاكين فيني صدق كان ما ركب بسياره معي كان ركبني بسيارة الشرطة

المهم انا طول الوقت جالس مع المغولية ذولي وشوف واحد شكله من الجماعة ههههههههه انبسطت قلت اخييرا واحد وشوف اسمه الدوسري والله اعرفهم من اشكالهم

قلت الحمد لله يارب

لان خفت اكون مع ذولي يودوني في داهيه جا قال انت ايش جابك هنا انا اذا طلعت مع الاهل اخذ سلاحي معاي لا تثق فيهم ومدري ايش وشوف واحد طلع بعد من الجماعة دوسري بعد وواحد حربي قلت الحمد لله اغلب الشرطة من الجماعة

المهم جلست في التوقيف دخلت لقيت واحد بعد دوسري هذي قبيلة اسمها دوسري يسكنون الاحساء ووادي الدواسر في السعودية

جلس يناظر فيني وانا اعطيه من الكذب ماقلت له شي اخاف يطلع مدسوس ولا شي خفت قلت له مضيع ومدري ايش ولا صدق المهم

جلست اكذب ولا صدق باين علي نصاب كبير ههههه عطاني فراش وبطانية ووسادة وعطاني اكل ولا قصر وانا ضااايق صدري وحالتي حاله ويهدي فيني

المهم جسلت اسولف مع هذا وضحك وكذا ووسع صدري وخفف علي المهم نمت قوموني الصبح

طلعت وركبوا علي الكلبشات وياااااله امشي ورجلي توووجع وانا امشي بالدرج وحسيت نفسي مجرم خطير هههههههه

المهم رحت للضابط اول ماشفته ارتحت بقووووه ابيض محمر عرفت انه قروي من نجد ههههههه

والله من شفته عرفت انه قروي من نجد مثلي واااضح ليش انا اهتم في هذي الامور مابي يكون شيعي اخاف يحقد علي ولا شي

المهم قال لي ايش جابك في الاحساء قلت انا مكنت في الخبر مع اخوياي وانا راجع لرياض قلت بمر الاحساء وروح لخريص وراجع الرياض مناك

ولا صدق قال قل لي وين جوالك لازم جوالك يجي انت راميه وقلت والله مو راميه ومدري ايش ولا صدق وقال انت جاي اساعه 12 في داخل حاره واقف ايش تسوي من دون جوال المضيع يسأل انت جالس وواقف ايش تسوي وتحقيق

وقال لضابط ملازم يحقق معي رحت معاه دخلني غرفه يحقق معي اسلوب زفت

المهم دخلت جا يحقق معي جا شرطي جندي لا نجمه ولا بطيخ يهدد يقول نبي نغلق الباب ونضربك هنا لين تعترف ولا نوديك المباحث ولا عطيته وجه وجالس اتكلم مع الضابط

وجلس يجقق معي الله وكيلكم تحقيق موووووطبيعي وردوردي مو منطقيه وزاد الشك

قال اسمع اما تعترف ولا نوديك المباحث تخليك تعترف وجلس يبربر علي وقال وجلس يكتب محضر ويسأل وانا اجاوب ايش رأيك في العائلة الحاكمة في السعودية وأيش رأيك في الشيعة قمت اخرط عليه قلت اخواننا ومدري ايش وقلت العائلة الحاكمة بما معناه محد قدها هههههههه وهو يسأل خطرت في بالي خطة هم مو مصدقين واحد يروح لحارة فيها شيعة وفي اساعه 12 وانا من الرياض وادور في الحاره شيء ما يتصدق قلت خليني ابين له اني معقد نفسيا جلست اقوله انا اعاني من اضطرابات واهلي دائما يقولون عني معقد واعالج عند دكتور نفسي

وجا ضابط ملازم اول قال اجل اييييه معقد اكيد انك داعشي لان الدواعش كلهم مريضين قليت بصوت عالي خلاص معقد داعشي على طول يقول ايه ووووتعافر معاهم

قال اسمع انت جاي مواعد من لبسك وشكلك لا داعشي ولا شي قل الصدق احسن ما تروح للمباحث وتكبر السالفه خلك على هذي

قلت لا وانكر واقول انا ضايع وبس وجاي ابي اشوف الاحساء وضعت ولقيت نفسي في هذي الحاره ووقفت اخذ راحه

ولا صدق طلعوني برا وجلست جا عندي الضابط الملازم اول مو الي يحقق معي ثاني قال اذا سالفتك بنت نبي نطلعك بس قل الصدق وانا ما صدقته قلت شكله يبيني اعترف

على العموم قلت لنفسي انا اكيد مو داعشي بس سالفة البنت صدق يعني لابسها لابسها ههههه انكر ازين تعبت بكمل بعد شوي

ايوه قال لي الضابط اتصل على ابوك عشان يجيب الجوال ويجي نبي الجوال قلت طيب بس مالها داعي ابوي يعرف اكلم احد غيره قال لا نبي ابوك لازم يجب لان عمري 19 وماعديت 21 ممكن عشان كذا

المهم رحت عند الضابط الكبير قال لضابط الملازم خذ اسمه ووديه الاستخبارات والمباحث ويفتشون عنه يعني عني انا

المهم قلت السالفه فيها استخبارات وحاله الله يعيييييين رجعت للتوقيف لقيت هندي معنا مغتصب بنت صغيره الحقير

وحاس كذا بغبنه منه هههههه ودي اشوته جلست اسولف مع هذا الدوسري وحسيت انه طيب مو منهم وقلت له السالفه وقال اعترف وانا ارفض قال تبي تكبر على نفسك السالفه وارفض اتصلت على ابوي تخيل هو مايدري اني رحت للخبر اصلا هههههه قلت له انا في الاحساء قسم الشرطة انصدم ويبي يستفسر وجلس يتصل يتصل عليهم ويااله اقتنع اني فعلا في الاحساء وخااااف يحسب اني داعشي لان ذيك الفتره واحد قتل ولد عمه وفجأة صار داعشي محد كان يدري

المهم جلست في التوقيف وجوا حول 8 مغولية معنا في التوقيف الي اسمه عباس والثاني كاظم وجعفر ومدري ايش

والله والله ويشهد علي ربي ماكنت افهم ايش يقولون والله اني افهم من المغاربه والجزائريين اكثر منهم لهجه غرييييييبه وقمت الصبح طفشااان جلست اسولف معهم هم متضاربين مع بعض سواليف معهم وضحك وفليتها هههههه طبعا انا ناصب عليهم اقولهم اني من عائلة التويجري ماقلت راجحي

الا ويجيك العسكري معتز الراجحي هههههههههههه فضيييييحه هههههههه

وطلعت واسمع صوت ابوي وقفت عند الباب يوم شفته بكيت مدري ايش صار فيني وطلعت وحبيت ايده وكتفه وقال ماعليك وعادي ولا تاكل هم ووسع صدرك ووو

بعدين قال لي بروح لضابط اكلمه وراح قالوا لبوي لاااازم جوال طبعا ابوي قال لهم انه ماجاب الجوال من الرياض ولا الجوال معاه جابه هو بس خاف علي مسوي مصيبه بالجوال وكذب عليهم قال انه ماجابه

جلست افكر في التوقيف طلع واحد معاه جوال ونت قلت له ابي الجوال ضرووووري مهرب الجوال هو انا جوالي مافيه شي سياسي بس فيه بلاوي البنت وكذا

رحت ودخلت حسابي في قوقل وانا اقدر احدد موقع جوالي بالخريطة واقدر امسح البيانات الي بالجوال عن طريق حساب قوقل المتزامن مع جوالي

رحت ولقيت جوالي شابك بالنت اكيد ابوي شابكه بنته بس جوالي مقفل بس شابك بنت ابوي واي فاي رحت وسويت فورمات لجوالي ومسحت كل شي بالجوال

جا ابوي بعدها سمعت صوته رحت عند الباب من الفتحه اكلمه قال لايكون الجوال فيه شي قلت لا لا ماعليك وكذا ابوي اصلا كان قبل يجي يدرس مشروع متشارك مع امير القصيم وعنده معارف بس مايبي احد يدري

المهم نادوني فتحت الجوال طلع مفرمت قال اهاااا مفرمت جوالك اكيييد فيه شي وجلس يحقق معي وقال انت رايح لتركيا قبل سنة ايش تسوي قلت رحت مع اهلي وفعلا كنت رايح مع اهلي

وطلع كل شي لي من ولدت ليييين الحين

وكبرت السالفه وانا خلااااص حسيت ان الموضوع كبر

رجعت للتوقيف وحسيت اني ورطت نفسي بالفورمات وكذا رحت انادي عند الباب قلت بعترف بعترف خلاص نادوني

رحت وقلت السالفه من الطقطق لسلام عليكم قال لا مو صحيح كيف جاي من دون جوال وكيف دليت وووو قلت يارجال بنت بنت انا احب بنت بنت بنت الله ياخذ ام الحاله بنت صدقني اذا اعترفت ماصدقتوني واذا ما اعترفت ماصدقتوني

قلت ادخل حسابي في الفيس تشوف وقال الضابط للملازم رح خذه تأكد

ورحت وافتح الجوال قلت شف راسله هي لي اكثر من 200 رسالة وينك معتز سمعت صوتك تصارخ الله ياخذهم مدري ياش كاتبه وانقذتني

وتقول تبي تتركني اها انا مالي دخل ليش كذا معتز هههههههههههه انا ويييين وانتي وييييين وهو يقرأ المحادثة ههههه بلاااااوي قراها وجلس يقرأ بعدين قلت هاه شفت بنت انا ابي السالفه بنت زفت اهم شي ما اكون داعش ما داعش خلاص بطلت هههههه

بعدين راح لضابط وكلمة ورجع لي وفتح محضر

تخيل فتح جوالي ويكتب في المحضر المحادثة ويكتب كلامها وهي تقول معتز تكفي لا تتركني ههههههههههههه والله يكتب كذا وكلام مخجل المحضر على المحادثة

مثلا معتز الله يخليك وكذا يكتبها ههههههههه ام المحضر الرومنسي ذا ههههههه

بعدين قال لي خلاص خذ بطاقاتك وعطاني بطاقاتي ومفتاح سيارتي وقال خلاص خلي ابوك يجي يكفلك جلست تحت انتظر جا الوالد وجلس مع الضابط وقاله كل شي عن بلاويي هههههه

بعدين طلعت ركبت سيارتي وقال لي ابوي الحقني خلك وراي ورحت ووقف مطعم هرفي ونزلنا وطلب لي بدون جبن بدون مايونيز ههههه يعرف اني ما احبها وجلسنا واكلنا بعدين جلس يسولف وقال خلك وراي ومشيت وراه لييين الرياض واذا ماشافني وراه يتصل علي يحسب اني ما ادل مدري هههههه