رمضـــان وماراثــــون المسلســــلات !!~ْ~ْموضوع للنقاش الجاد~ْ~ْ
رمضـــان وماراثــــون المسلســــلات !!
السلام عليكم ورحمته الله وبركاته
آخواتي وآخواني الكرام آسعد الله كل آوقاتكم بالخير والسعاده ...
بدايتا آهنئكم بــــــــــقدوم شهر الخير والرحمه ~ شهر رمضان ~
آعاده الله علينا وعلى الآمتين الآسلاميه والعربيه باليمن والبركات ...
وربنا يتقبل مننا جميع عباداتنا
خلال موضوعي هذا ... حبيت اسلط الضوء ع ظاهره غريبة ومعاديه للذوق العام , كلياتنا عم نشوفا وكل سنة بيتكرر ... وهى مسابقات وماراثون المسلسلات الرمضانيه ؟؟
وكآنو باقي الشهور ال11 من السنه ... ممنوع العرض و المسلسلات محطوطين بالسجن ؟؟!
ومابيسدقو يجي ( شهر رمضان ) ويطلقو سراح مسلسلات بالكم الهائل والنوعيه الردئية الهابطة !!
وبرائي الشخصي آنواع هالمسلسلات هني ...
~في نوع كلو بيحكي عن ترف وبزخ وطريقه عيش افراد المجتمع المخملي وآنواع الديكورات والموديلات والوليمات
( بوقت الجماهير يلي بيشوفها بيتحسر وفي منن بيعاني من قله الرزق والاكل وفي منن بلا مسكن )
بعدين شو خصنا نحنا , اذا الممثله الفلانيه في مسلسلها حطت بروش الماس صافي آو الممثل الفلاني لبس قاط جورجيو آرماني ب 85000$؟؟
~ وفي نوع للاسف لاستعراض الجسد والرقص وتياب فاضحين مابيتناسبو مع قدسيه وفضيله هالشهر !!
~ وفي نوع كلو دمار وقتل وجرايم بوقت هيدي شهر الرحمه والغفران
( ياعمي بدنا ننعم بشويه سلام , مابيكفي يلي عم بيصير حوالينا ؟؟ هم في المسلسلات ملاحقينا ؟!)
~ وفي نوع تقليد آعمى للمسلسلات التركيه منافي تماما لعاداتنا وتقاليدنا ومابتمثلنا ابدا !!
~ ونوع بيحكي عن سلبيات وانحرافات الموجوده بمجتمعاتنا وبيتناولوه بشكل مبالغ فيه
( طيب يعني ملقيتو وقت تحكو عن هالسلبيات الا بشهر رمضان !!)
وبعتقد المشكله الحقيقيه هون مش بس بسبب المسلسلات
( لان من زمان نحنا ربيانين نشوف مسلسلات بشهر رمضان )
وانما نوعيه وكميه المسلسلات يلي بيتم عرضن ( عن سبق عمد واصرار ) خلال هالشهر الكريم ...
بوقت في تراجع للمسلسلات الدينيه والتاريخيه والاجتماعيه والتربويه ... والبرامج الناجحه يلي هني الانواع المناسبه والي بيتوافقو مع الشهر الفضيل ....
آخواتي وآخواني الرائعين ... ناطرين ارائكن وتعليقاتكن القييمه
شكرا لتفاعلكن ... وكل عام انتو بالف خير وسعاده ...
إظهار التوقيع
توقيع : كيوت متل التوت
التوقيع لا يظهر للزوار ..
رد: رمضـــان وماراثــــون المسلســــلات !!~ْ~ْموضوع للنقاش الجاد~ْ~ْ
إظهار التوقيع
توقيع : ميري سنونو
التوقيع لا يظهر للزوار ..
الساعة الآن 05:08 PM
جميع المشاركات تمثل وجهة نظر كاتبها وليس بالضرورة وجهة نظر الموقع