من سنه ولا حاجه كانت ماما تعبانه اوي ومقدرتش تعمل اكل
ف اشترينا كشري من برا وكدا
ف كان في كيس شطه ومع كل طبق كيس صلصه وكيس خل
وكيس شطه
طبعا البيت كله بقي مكنش راضي يكل الشطه علشان هي حرااا اويييي
انا بقي قولت كلكم عيال صغيره وهبل
انا الي هاكل الشطه مسكت كيس شطه وكبيته كله
ونص كيس تاني وكبيته
واصلا لو كنت حطيت معلقه واحده كنت هولع
وطبعا البيت كله مصدوم مني
روحت قلبت بقي
ومع اول معلقه كان قلبي هيقف من الحراره
طبعا البيت كله متخيل اني هروح علي التلاجه بقي علشان اشرب وكدا
بس انا حبيت ابين نفسي وفضلت اكل واموت واكل واموت وكلهم بيبصولي بأستخراب
وانا عيني حمرااااا ولا ايه بعد ما خلصت الطبق والكل راح الشقه التانيه
ملحوظه|:احنا عندنا شقه للاكل والضيوف والكمبيوتر
وشقه للنوم القعدا
المهم
قولتلهم روحو انتم وانا هقعد علي الكمبيوتر سمعت الباب اتقفل من هنا وايه بقي
عاااا شطه ناااار واصوت
وخلاص كان هيغمي عليا وكل ده اكتشفت ان اخويا واختي مكنوش مشيو وكانو مستغبين
.............
نصحتي بقي
بلاش تعملي فيها راجل
صدقيني انتي بنت
لو موضوعي عجبك وضحكتي
قيمي يا سكره♥♥
ملحوظه:موضوعي ده كان متكرر في منتدي تاني قبل كداا