كلمتين بس لاحلي عدولات...معلش هاخد من وقتكم شويه
بسم الله الرحمن الرحيم
السلام عليكم ورحمه الله وبركاته
إزيكم يا أحلي عدولات في الدنيا
ومعلش لو طولت عليكم حبتين بس فيه كلام لازم أقوله وأرجو إنكم تسمعوني
أولاً كل سنة وإنت طيبين وإن شاء الله ربنا يعيدوا عليكم بالخير
وإن شاء الله تهدي الأوضاع في العالم العربي
معلش لو مطوله عليكم وعارفه إنكم زهقتم من المقدمه الطويله دي
يلا أبتدي
...
بسم الله الرحمن الرحيم والصلاه والسلام علي أشرف المرسلين
اللهم صلي علي محمد
...
مين فين مبيحبش بابا أو ماما؟
(عارفه إنه سؤال سخيف وأكيد إجابته معروفه, بس معلش موضوعي عن كده)
طبعاً كلنا بنحب بابا وماما ربنا يخليهم لينا يآرب
فيه ناس كتيره وأنا أعرفهم شخصياً مش مهتمين ببابا ولا بماما خالص
يعني مبيسمعوش الكلام ولا بينفذوا طلبات ماما ولابابا وزي مابنقول كده
مصدرين الطرشـــــه
أه والله متستغربوش أنا لما أختي الصغيره وهي أدكم في مثل سنكم كده كل يوم
ترجع من المدرسه وبقولي علي حاجات كتيره أوي بخصوص البنات صاحباتها
فيه بنوتات كتيره جداً مبتكونش قريبه من بابا ولا ماما وفيه مشاكل كتيره بتحصل وهي ولا هي هنا
ولا بتروح لبابا ولا حتي مـــــامـــا وتقولها علي الحاجات دي
طيب ده ينفع ؟؟؟
ينفع تخبي حاجه علي ماما أو بابا لأه طبعاً مينفعش
ولو حصل معاكي أي مشكلة أو موقف لازم تروحي جري لماما أو لبابا
طيب ليه ؟؟
طبعاً علشان هما أكبر وليهم الخبره في التعاملات وحيدلوكي علي الحل الصحيح إللي لازم تعمليه
بجد يا زهرات والله فيه بنات كتيره أوي مبتعملش كده
________________
موضوعي التاني بقا هوه بر الوالدين
يعني إيه بر الوالدين ؟؟
يعني تسمعي كلام ماما وبابا وتطيعي أوامرهم وتنفذي كل طلباتهم
طبعاً معظمكم عارف كدة بس فيه ناس والله مبتنفذش ده خالص
وكمان فيه ناس كبيرة ومتجوزة وعاقله وأولياء أمورهم رمينهم في دور الرعايه
طب وده بر والدين ؟؟
والديك دول هما إللي شقوا عليك وإنت صغير وفضلوا يعملوا كل مجهوداتهم علشان يوفرولك الأكل
تقوم بقا دلوقتي وترميهم في دور الأيتام وتسيبهم كده طيب ده يرضي ربنا
طيب أنا حقولكم حكايه معروفه أكيد كلنا عارفينها:
كان فيه راجل ومراته وأولاده عايشين مع بعض في بيت واحد
وجه يوم عليهم كان لازم الأب يجيب والده (جد الأولاد) علشان هوه كبر في السن ومحتاج رعايه
ومينفعش يقعد في بيته لوحده
ومراته إللي هي زوجه الأب كانت مدايقه من كدة علشان كان الجد بيكسر الأطباق والأكواب الزجاج
فجت في يوم من الأيام وهي علي أخرها وقالت لجوزها: أنها خلاص زهقت إنه بيكسر في الأطباق
وقالتله نجيب للجد أطباق وأكواب بلاستيك وجوزها وافق علي كدة!
ونبهوا الأولاد إن لو جدو طلب الأكل يجبهوله في الأطباق البلاستيك
وإستمر الحال كده لفترة لحد لما الجد توفاه الله
راحت بعد كده بنت الراجل وجمعت أطباق وأكواب جدها البلاسيك وخبتها بعيد
مين شافها باباها إللي هوه إبن الجد إللي توفاه الله
قالها ليه بتعملي كدة ؟
قالتله علشان يا بــــابــا لما تعجز وتبقا زي جدو أبقي أقدملك الأكل في الأطباق البلاستيك دي
....
طيب نستفاد إيه من كل ده ؟؟
أكيد كلنا عرف إن إللي بنعمله في بابا وماما حيجي يوم من الأيام وأولادنا في المستقبل يعملوه كده فينا !
:::
معلش طولت عليكم وضايقتكم بس الكلمتين دول كانوا علي لساني
ومخنوقه خالص وكنت عوزة أطلعه
...
إن شاء الله تكونوا إستفدتم
ومعلش طولت عليكم أوي
...
في امآن الله
إظهار التوقيع
توقيع : كيوت متل التوت
التوقيع لا يظهر للزوار ..
رد: كلمتين بس لاحلي عدولات...معلش هاخد من وقتكم شويه
إظهار التوقيع
توقيع : Nada Ndod
التوقيع لا يظهر للزوار ..
رد: كلمتين بس لاحلي عدولات...معلش هاخد من وقتكم شويه
إظهار التوقيع
توقيع : ♥mnoon♥
التوقيع لا يظهر للزوار ..
قد تكوني مهتمة بالمواضيع التالية ايضاً
|
||||
| الموضوع | كاتب الموضوع | المنتدى | ||
| كلمتين بس لاحلي عدولة .... معلش هاخد من وقتكم شوية | حفيدة عائشة | فتيات تحت العشرين | ||
| هاخد من وقتكم دقيقتين لله | mahetab | صوتيات ومرئيات اسلامية | ||
| اجمل تشكلية فساتين زفاف 2024 لاحلي عدولات | زقزقية مزقزقة | فساتين زفاف وخطوبة 2022 | ||
| مجموعة عبايات جميلة لاحلي عدولات | زقزقية مزقزقة | ازياء وملابس المحجبات | ||
| احلي السليبرات من زقزقية لاحلي عدولات | زقزقية مزقزقة | اكسسوارات ومجوهرات وأحذية | ||
الساعة الآن 12:28 PM
جميع المشاركات تمثل وجهة نظر كاتبها وليس بالضرورة وجهة نظر الموقع