رد: نسائم ومرمورة فى الموصلات
ا طول رحلة قضيتيها في المواصلات...؟؟؟
وانا رجعه من الولاده كنت ولده قيصري والتاكسي مشي بينا من طريق كله حفر ومطبات وكل مطب كان كأنه سكينه في بطني وقعدت اصرخ واعيط من كتر الوجع اللى حسيت بيه وكانت اطول رحله عليا من الامها وتعبها
مدى التعب اللي شفتيه؟؟
بصي ياستي هقولكم بقى على حاجه غريبه انا مريضه بمرض اسمه فوبيا الموصلات بمعنى اني لو راكبه موصله زحمه كانت الدنيا حر ل عيني وقعت على الشارع ولقيت العربيات لازقه في بعضها بتجيني حالة اختناق ووداني بتصفر وبتعمي لفتره لازم يودوني على طول مكان في هوى ويرشوا عليا ميه لغاية لما ارجع للحياة تانيولما بيحصلي كده بحس اني مش ممكن ارجع للحياة ولما يبدأ النفس والنظر يرجعوا ليا تاني ببقى مش مصدقه الله لا يوري حد يارب
ايه نوع السيارة اللي بتحبى تملكيها
؟؟
لو بأيدي يبقى نفسي في عربيه اسبور
موقف مضحك في اثناء الرحلة؟؟
ان واحد مره طلب ايدي وانا راجعه من الكليه وكنت ركبه الموصله للبيت اتكسفت اوى ومردتش عليه مشي ورايا لغاية البيت بس اخوايا شافه في الشارع وهو ماشي ورايا ورزعه علقه زى الفل ههههه
موقف محزن او غاضب او محير او طريف من نوعه؟؟
فكرتيني لما كنت راكبه الموصلات وست كبيره لقينها بتعيط اتسرق معاشها اللى هتعيش بيه طول الشهر لمنلها فلوس لكن كان عندها عزة نفس رغم ظروفها الصعبه رفضت رفضا باتا تاخد مننا الفلوس وحدش قدر يقنعها او يأثر عليها
كلمه تقوليها للسائقين؟؟
ارحموا اذننا من سماع اغنيكم المبتذله
هل لكى ذكريات في شوارع معينة؟؟
شوارع كامب شيزار في اسكندريه منطقتى اللى اتربيت وعشت فيها والقدر فرقني وبعدني عنها كل لما انزل اسكندريه لازم اروح هناك ابص على الشوارع
هل تحبى طريق او شارع معين؟؟
طريق مصر اسكندريه الصحراوى هتستغربوا بس علشان ببقى اسعد لحظه وانا عارفه ان اخر الطريق ده هبقى وصلت اسكندريه قد ايه الحرمان من مكان بتحبيه صعب
هل اللافتات والعناوين والمناظر والمعرووضات تلفت انتباهك ؟؟
جدا لدرجة انى سعات بدوخ
عندك برنامج او مواعيد محددة للمواصلات؟؟ بتعملى حساب
بحاول اتجنب الزحمه بس بلاقى مفيش فايده الزحمه بقت 24 ساعه
قد تكوني مهتمة بالمواضيع التالية ايضاً