تحفيز الطفل.كيف احفز ابنى واجعلة .كيف تعاملت مع ابنى وكيف جعلتة يفعل مااريد

إضافة رد أضف للمفضلة حذف من المفضلة

https://adlat.net/showthread.php?t=330016

بياناتي

ام مالك وميرنا

عضوة مـآسية

بيانات العضوة

رقم العضوية : 113267
تاريخ التسجيل: 123May 2016
الدولة : مصر
المدينة : عدلات
الحالة الاجتماعية : متزوجة
الوظيفة : تربية ابنى وبنتى
المشاركات: 16,794 [+]
الأصدقاء : 219
نقاط التقييم : 807

تحفيز الطفل.كيف احفز ابنى واجعلة .كيف تعاملت مع ابنى وكيف جعلتة يفعل مااريد

السلام عليكم عدولاتى الحلوين
اليوم حبيت احكى معاكم على نقطة مهمة فى تربية الاولاد وهية نقطة التحفيز بس طبعا دى من عمر3 سنوات علشان الطفل يستوعب طلباتك ويتفاهم مع كلامك
التحفيز شئ مهم جدا فى حياة الانسان وبالذات الاطفال
انا عن نفسي عملت كدة
اكيد كل ام عارفة اية الشئ الممتع لابنها
امثلة:
-النهاردة لو مزعلتش اختك وضربتها هجيبلك لعبة حلوة اوى ياسلام هتلاقى ملاك فالبيت .
-لو رجعت من المدرسة وغسلت ايدك بالصابون كويس وكتبت الواجب هتلاقى مفاجأة مستنياك طبعا بقي المفاجأة بالنسبة للطفل هية الحاجات الحلوة.
-لو لميت اللعب بعد ماتخلص لعبك هنرسم رسمة حلوة اوى واخليك تلونها لوحدك.
-لما نروح عند الناس بلاش تعمل دوشة واحترم الناس وبعد مانمشي من عندهم هجيبلك هتبقى ولد شاطر جدا وهقول للميس تعملك حفلة جميلة
طبعا انا بقول لابنى كدة علشان الحضانه بتاعتو بيبقى فيها حفلة كل يوه خميس هههه.
-لما تقوم من النوم وتغسل سنانك كويس هجيبلك كذا....

طبعا انا مقصدش ابدا انك كل شوية تجيبى حاجه بس عالاقل خلى عندك اى حاجة لو حتى بسيطة الطفل بيفرح بأى حاجه
ابعدى عن اسلوب الضرب شوية واتخذى اسلوب السياسة
لما الطفل يكبر هيعرف ان علشان يوصل الى مايشاء لابد من عمل كل ماعلية فعلة فى حدود الصح.
وعلى فكرة ياامهات دى مش رشوة دى تحفيز ودة لازم فى التربية ومع مرور الوقت ولما الطفل يكبر هيفهم كل حاجه بتتعمل علشان يبقى احسن
ومش هياخد الموضوع دة على انة حاجه اساسية فى حياته علشان يعمل بيها الصح والغلط ولازم التحفيظ يبقى فى حدود المعقول والسليم
وان الطفل لو انتى مخلتيش فى تحفيز يبقى هيبقى فى ضرب وفى الحالة دى عمرة ماهيتعلم شئ مفيد غى حياتة.

ام مالك