رمضانك مع حبات القلب
أطفالك براعم صغيرة لسه بتتعلم وتتربي
انتي بتبقي متخيلة انهم بيمنعوكي من العبادة ومتعرفيش انك معاهم في عبادة من أهم ما يكون انتي بتربي عباد لله بتطلعي جيل موحد لله دوشتهم وصداعهم مأجورة فيها.
تعالي نعيش أحلي رمضان مع حبات القلب ونخليهم يستنوا رمضان كل عام بفرحة.
تعالي نعيشهم رمضان صح ونربيهم علي سنة النبي صلي الله عليه وسلم
اعمليلهم بهجة
قبل رمضان اشتري لهم لبس مخصوص للصلاة الولاد بتفرح أوي بالاهتمام من سن سنتين بيفهموا الاختلاف
هاتي سجاد صغنن ألوانه مبهجة عشان يحسوا بخصوصيتهم
علميهم الصلاة واتعلمي معاهم فرصتك تبني نفسك مع ولادك
اعملي جدول كل اذان واحد فيهم حيسبق يفرش سجاد الصلاة
اعملي معاهم زينة بالورق وقصيها زي بتاعة زمان خليهم يعلقوها في اوضتهم وفانوس كمان
اعملي جوايز للصيام بلالين ملونة جواها أنواع مختلفة من الحلوي
مثلا لغاية الضهر بالونة صفرا جواها هدية
لغاية العصر بالونة خضرا جواها هدية
لغاية المغرب اعمليله تاج من الورق المفضض
وقت تحضير الفطار خلي دورهم يحطوا في الاطباق التمر بعدد فردي وفهميهم حنفطر زي سيدنا محمد صلي الله عليه وسلم
قوليلهم يلا نقرأ القرآن سوا ومسكيهم أجزاء صغيرة وخليهم يقروا رواكي
قرايتك معاهم حتخليهم يحبوا القرآن وده ثوابه أعلي ما تقري لوحدك وتسيبيهم قدام الشاشة يتفرجوا علي خراب العقول والدين.
اعملي بيهم دايرة وقوليلهم يلا نحوش كنز في الجنة ونقول لا حول ولا قوة الا بالله
ويعملوا سباق مين حيخلص 100 سبحان الله الاول.
احكيلهم قصص الانبياء او الصحابة في ميعاد ثابت يستنوكي زي ما بيستنوا الكارتون اللي خرب عقول العيال
لو مش عارفة القصص فرصة تتعلمي معاهم هاتيها من موقع ثقة زي قصة الاسلام مثلا او انزلي سور الازبكية او اي مكتبة اسلامية حتلاقي قصص اطفال اسلامية جميلة جدا ومصورة.
الاهتمام بيهم في رمضان اهم من الاهتمام بالتنضيف والعزايم وبرامج قنوات الطبخ.
الاهتمام بيهم وتربيتهم فرض والتراويح سنة والفرض أولي من السنة.
كل القيم في حياتنا مقلوبة.
أهم حاجة في حياتنا اننا نربي جيل مسلم موحد عارف دينه وسط زمن الفتن.
أم الأطفال عبادتها الاساسية هي تربية الاطفال.
فهي في جهاد معهم لو عرفتي انك راع ومسئول عن رعيته وانك محاسبة عن نشأتهم وعن أخطائهم لانك طلعتيهم مش عارفين دينهم وربهم ورسولهم.
خلي حبات قلوبنا أولوية في حياتنا.
منقول
رد: رمضانك مع حبات القلب
إظهار التوقيع
توقيع : جنا حبيبة ماما
التوقيع لا يظهر للزوار ..
رد: رمضانك مع حبات القلب
إظهار التوقيع
توقيع : بحلم بالفرحة
التوقيع لا يظهر للزوار ..
قد تكوني مهتمة بالمواضيع التالية ايضاً
|
||||
| الموضوع | كاتب الموضوع | المنتدى | ||
| ثقب القلب عند الأطفال حديثي الولادة أو الرضع | حياه الروح 5 | العيادة الطبية | ||
| السكري ومرض القلب: ثنائي استثنائي، وقاتل! | ЙǑŏƒ | العيادة الطبية | ||
| أمراض القلب ( اضطرا بات القلب وضعفه ) | لؤلؤة الايمان | العيادة الطبية | ||
| اسباب زيادة سرعة ضربات القلب (تسارع نبضات القلب) | البرنسيسة2000 | العيادة الطبية | ||
| هبوط القلب, مرض هبوط القلب, الهبوط فى القلب, ماهو هبوط القلب؟ | ريموووو | العيادة الطبية | ||
الساعة الآن 12:05 PM
جميع المشاركات تمثل وجهة نظر كاتبها وليس بالضرورة وجهة نظر الموقع