اعرفى معانا افضل انواع مرطب البشرة حسب نوع كل بشرة
اعرفى معانا افضل انواع مرطب البشرة حسب نوع كل بشرة
مرطبات البشرة بتعتبر من مستحضرات التجميل الاساسية اللى لازم تكون موجودة بين ادوات تجميل اى بنت بتعتنى ببشرتها و وشها، و ده لانه جمال البشرة و تألأقها لازم يبدأ من بشرة رطبة و صحية . و علشان ترطيب البشرة خطوة مهمة و ضرورية جدا لجمال بشرتك و نضارتها فى المقال ده ” بنات حوا ” هتقولك ايه هو نوع الكريم المرطب المناسب ليكى على حسب نوع بشرتك علشان تلاقى نتيجة افضل كل مرة ..
اعرفى معانا افضل انواع ” مرطب البشرة ” حسب نوع كل بشرة
1- لو بشرتك من النوع الجاف :
لو انتى من اصحاب البشرة الجافة اللى دايما بتعانى من خشونة بشرتها او من التشققات يبقى انتى محتاجة لترطيب كبير جدا لبشرتك ، بس حاولى تبعدى عن كريمات الترطيب اللى بتبقى كثافتها عالية زى جيل الترطيب او لوشن البشرة ، حاولى و انتى بتشترى مرطب البشرة الخاص بيكى انه تكون من مكوناته ” زيت الافوكادو ” لانه النوع ده من كريمات الترطيب بيكون غنى بالمكونات اللى بتفيد و تعيد اصلاح البشرة الجافة و فى نفس الوقت بيبقى خفيف على بشرتك و هتلاقي بشرتك بتتشربه اسرع و بتمتصه كويس زي كريم “Garnier Light Moisturizer” و” نيفيا” و”دووف” و”بوندس” .
2- البشرة الدهنية :
من اكتر الاخطاء الشائعة بخصوص البشرة الدهنية انه البشرة الدهنية مابتحتاجش ترطيب ولا مرطب البشرة انك مش مضطرة تشترى كريمات ترطيب البشرة ، و جه غلط جدا لانه مهما كان نوع بشرتك فأتتى لازم ترطبيها و تهتمى بيها ، فلو انتى من اصحاب البشرة الدهنية اختارى كريم مرطب تكون تركيبته خالية من الزيوت و مكوناتها خفيفة زى كريم “جارنيير اسينشيال Garnier essential oil free “، “ كريم Pond’s oil- free ” و ” Neutrogena Oil Free Moisture” و من اهم المناطق اللى تطبقى عليها كريم الترطيب الخاص بالبشرة الدهنية هى منطقة الجبهة و خط الانف .
3- البشرة الحساسة :
مرطب البشرة من اهم المستحضرات اللى لازم تستخدميها لو بشرتك حساسة ، رغم انه اصحاب البشرة الحساسة هما اكتر ناس بيلاقوا صعوبة فى الاهتمام بجمال و صحة بشرتهم لانه بشرتهم بتبقى متعضة للحساسية و انها يظهر فيها حبوب لو استخدمت اى مستحضر تجميل او مستحضر للعناية بالبشرة ، علشان كده و انتى بتختارى كريم مرطب لبشرتك اختارى الكريم اللى بتبقى مكوناته عددها قليل ، واحرصى كمان انه يكون الكريم داخل فى مكوناته الصبار او الشوفان زى كريم “فاتيكا ديرموفيفا بالصبار، كريم كلير اند كلير للبشرة الحساسة ” لانها بتعتبرمكونات مثالية لبشرتك . و كمان حاولى يكون الكريم اللى بتختاريه خالى من الروائح علشان المكونات العطرية ممكن تسبب تهيح لبشرتك خصوصا لو بتاعنى من حب الشباب.
4- البشرة المختلطة :
ترطيب البشرة المختلطة
ترطيب البشرة المختلطة
اصحاب البشرة المختلطة هما اكتر ناس بيحتاروا فى ايه هى نوعية الكريمات المناسبة لبشرتهم ، و بيبقوا دايما مش عارفين يستخدموا كريمات البشرة الجافة و لا البشرة الدهنية ! بس الحل بسيط جدا ، لو انتى من اصحاب البشرة المختلطة يبقى الطريقة الوحيدة للاهتمام بترطيب بشرتك هى انك تستخدمى انواع مختلفة من كريمات الترطيب ، فهتستخدمى كريم الترطيب الخاص بالبشرة الدهنية على منطقة الجبهة و خط الانف ، و كريم ترطيب البشرة الجافة على المناطق الجافى فى وشك و بكده تكونى ضمنتى الترطيب لبشرتك.
إظهار التوقيع
توقيع : بياض الثلج
التوقيع لا يظهر للزوار ..
رد: اعرفى معانا افضل انواع مرطب البشرة حسب نوع كل بشرة
رد: اعرفى معانا افضل انواع مرطب البشرة حسب نوع كل بشرة
إظهار التوقيع
توقيع : ام مالك وميرنا
التوقيع لا يظهر للزوار ..
قد تكوني مهتمة بالمواضيع التالية ايضاً
|
||||
| الموضوع | كاتب الموضوع | المنتدى | ||
| العناية بالبشرة سر للتألق والجاذبية | i miss you | العناية بالبشرة | ||
| خلطات طبيعية لتفتيح البشرة خلطات اكيدة لتفتيح البشرة السمراء | فلسطين | العناية بالبشرة | ||
| اهتمى ببشرتك | رتوجى | العناية بالبشرة | ||
| إليك أفضل طرق تنظيف البشرة طبيعياً في البيت | فتاة أنيقة | العناية بالبشرة | ||
| نصائح هامة لاختيار مرطب البشرة | angel girl | العناية بالبشرة | ||
الساعة الآن 07:27 AM
جميع المشاركات تمثل وجهة نظر كاتبها وليس بالضرورة وجهة نظر الموقع