.gif)
قصه جميله للاطفال قصه السمكه العنيده قصه مغامرات بالغه العاميه
في بحر ازرق و هادي كانت تعيش سمكه كبيره مع بنتها الضغيره وفي مره شافت السمكتين 3 سفن
في البحر بعيد قالت السمكه الام لبنتها انهم البشر زعقت السمكه الصغيره وقالت كان نفسي اشوفهم واعرف هما بيروحوا فين
كان نفسي اعمل رحله معاهم واشوف بحار ومحيطات تانيه
فردت امها وقالت لها هسيبك تروحي في يوم تاني ولكن لما تكبري شويه
فردت السمكه الصغيره وقالت انا مبقتش صغيره
قالت امها اقصد لما تكبري كمان شويه مش دلوقتي فردت البنت ازاي ومفيش حد يساعدني اصلا
سمعت الكابوريا كلام السمكه الصغيره مع امها وقالتلها انتي بتزعقي ليه
فقالت نفسي اروح اتفسح لوحدي وماما بتقول لما اكبر
جاء طائر النورس واتكلم معاهم وقال امك عندها حق
فقالتله هو انت كمان هتقف ادام رغبتي
قالها ممكن تتوهي ولا تضيعي والبحر كبير وواسع
فقالت لهم انا مش هضيع ولا هتوه انا كبرت خلاص واقدر اتفسح لوحدي
صممت البنت علي رأيها ومن غير متعرف حد شافت واحده من السفن وجرت وراها فضلت تجري ورا السفينه
وطبعا اختفت السفينه من قدامها لانها اسرع منها لحد مالسمكه تعبت وقررت انها تروح تاني
بس بصت حواليها لقت نفسها تايهه في حته متعرفهاش فضلت تعوم لحد ملقت اخطبوط
سألته عي الطريق ولكنه مردش عليها واعدت كل متقابل حد تسأله عن بيتها وطبعا محدش يجاوب
فقعدت تقول في بالها ماما كانت عندها حق انا لسه صغيره ومش عارفه البحر كويس
وفجأه لاحظت ان السمك اللي كان حواليها بقي بيعوم بسرعه كبيره قبل متسأل حد لقت البحر فاضي
فعرفت ان اللي جاي هو سمك القرش
وطبعا حاول انه يمسكها بس حشرت نفسها في الصخور عشان ميعرفش ياكلها
واول ماحست انه مشي خرجت واعدت تعوم بأقصي قوه لحد ملقت نفسها في بيتها
متعرفش هي وصلت ازاي بس الاهم انها عرفت انها لسه صغيره علي المغامره وانها تخرج لوحدها
تمت صياغه القصه من اللغه العربيه الي العاميه
قد تكوني مهتمة بالمواضيع التالية ايضاً
|
||||
| الموضوع | كاتب الموضوع | المنتدى | ||
| قصه هاني وسلة الفاكهة قصه جميله للاطفال | جويريه | حواديت وقصص الاطفال | ||
| قصه جميله للاطفال قصة العصفوران سنبل وسوسو قصه للاطفال بقلمي | جويريه | حواديت وقصص الاطفال | ||
| قصة البطه بانو قصه جميله للاطفال قصه للاطفال بقلمي | جويريه | حواديت وقصص الاطفال | ||
| قصه محمد والغول بالغه العاميه | العدوله ندي | حواديت وقصص الاطفال | ||
الساعة الآن 04:28 PM
جميع المشاركات تمثل وجهة نظر كاتبها وليس بالضرورة وجهة نظر الموقع