فــــى حبكـ يَ بلاااادى
يا مصر نجم عالي في السما فوق
يا شمس بتنور كل الدروب
يا اسم بيحرك أمواج بحر الشوق
ياحب عشقته كل القلوب
يا أرض ارتوت بدم ولادها
ضحوا بنفوسهم علشان ترابها
يامصر يا جوهرة من الماس
ساحرة بجمالها كل الناس
قلبي بحبك يا بلدي ولهان
غنّي باسمك أحلي الألحان
مين ده يا مصر اللي يقدر يهينك
وانتي ضمَّة الكل علي أرضك ومغرقاه بخيرك
الكل يا بلدي عينه عليكي
وانتي يا مصر ربي حميكي
إسمك يا مصر مذكور في القرآن
عِزَّة وشرف ليكي من الرحمن
ربي خلاكي بلد الأمن والأمان
يتمني يبوس ترابك كل انسان
مش ذنبك انه مش عارفك الجاهلين
انك مهد وموطن لكل دين
شعبك يا بلدي شعب من أسود
مش بين الشجر يتنطط زي القرود
لو حد حاول يكسر بابه
هيبقي جثة بين انيابه
جنودك يا بلدي رسولنا عظّمهم
من بين جنود الأرض وصَّي وأختارهم
اسمك يا مصر في السما عالي
في قلب كل انسان عزيز وغالي
بهديكي يا بلدي روحي هدية
يا اغلي عندي من نور عنيه
[IMG]https://files.***- .com/2010/1/1264715108.gif[/IMG]
طبعا دي كلمات رقيقة جدا جدا في حقك يا بلدي .
.لكن اعذريني حبيت اعبرلك عن اللي في قلبي ليكي ..
اتمني ان تنال الكلمات اعجابكم..
واتمني ان تشاركونا ولو بكلمة في حب مصر..
رد: فــــى حبكـ يَ بلاااادى
بَحِبِّكْ يا مصرْ ..
وبعشقْ ترابكْ .
وألِفْ المداينْ ..
وأرْجعْ لبابِكْ .
وأحِسْ بكيانى ..
وكرامتى فْ رحابِكْ .
يقولوا فقيره ..
يقولوا أسيره ..
بشوفِكْ أميره ..
وأحبِّكْ يا مصرْ .
بحبِّكْ ملايه .. ومنديلْ بِقُويا .
مقالبْ من أختى .. وغتَاته مْنْ أخويا .
ودعوه مِنْ أمى .. تنسينى همِّى ..
وحِكْمَه مْنْ أبويا.
وأحبِّكْ صبيِّه .. على البحرْ جايَّه ..
فى ساعةْ عصَارى .
ونسمه قُبَالْها .. تطيَّرْ فى شالْها ..
تبَيِّنْ جمالها .. وتِرجعْ تدارى .
وأحبِّكْ مراكبْ .. تعدِّى إللِّى راكبْ ..
لبرْ الأمانْ .
يدوبْ جوَّا نيلكْ .. ويعطشْ يجيلكْ ..
يقوللِّكْ كمانْ .
وأقابلِكْ ببُوسه .. فى زفِّةْ عروسه ..
ولَمَّه فى بيتنا ..
مع ولادْ حارتْنا ..
تدُقْ المزاهرْ .. ترُدْ المزامرْ ..
تزَغْردْ جارتْنا .
نهلِّلْ .. نغنى ..
وحلمْ التمنِّى ..
ينورْ ليليتنا .
وأحبِّك زياره لبيتْ عمْ سيدْ ..
ده أصله فقير مِشْ حيقْدرْ يعَيِّدْ ..
نعَيِّدْ عليه .. نفرَّحْ عنِيهْ ..
ويدعيلْنا دعوه بمليونْ جنيه .
فى أرضِكْ يحِسْ الغريبْ إنُّه مصرى ..
وإحنا الأجانبْ .
ويلْقَى الرعايهْ .. ويلْقَى الحمايهْ ..
على كلْ جانبْ .
ويمشى ف ربوعِكْ .. ويشبعْ بجوعِكْ ..
ويعملْ مصايبْ .
ويرحلْ وينسى .. جِميلِكْ ويقْسَى ..
ويطْلَعْ يعايبْ .
ويرْجعْ تسامْحى .. يا ساكنه فْ ملامحى ..
يا سِتْ الحبايبْ .
ولادِكْ بَنُوكى .. بروحْهُمْ فَدُوكى ..
ويِشْهدْ عليهمْ ترابكْ فى سينا .
ومنهُمْ با عوكى .. عشانْ الشِيروكِى ..
وفيللَّا فْ مارينا .
يعيشوا فى خيرِكْ .. ويدُّوهْ لغيركْ ..
ولادْ اللَّذِينا .
ولوْ جارْ زمانْهمْ .. يعودُوا لْمكانهمْ ..
يلاقوا السَكينَهْ .
وتِنْسِى جحودْهمْ .. وتبكى عليهمْ ..
عنيكى الحزينهْ .
فى أرضكْ سرَحْتْ .. فشَلْتْ ونَجَحْتْ ..
وعشْتْ بْبساطَهْ .
صاحِبتْ الحمَامْ .. ونِمْتْ فْ سلامْ ..
ولوَْ عَ البلاطهْ .
تِغَيَّرْ فى شَكلى ..همومى ومشَاكْلى ..
لكِنْ روحى لأْ .
أعَبَّرْ بغنْوهْ .. وأقولْ نُكتهْ حلوهْ ..
لكِنْ يأسْ لأْ .
ما طيقْشْ الغَتاتهْ ..
وقلبى المسالمْ ما يعرفْ شّماتهْ ..
وأقولْ بالتلاتهْ ..
بحبِّكْ .. بحبِّكْ .. بحبِّكْ .. يا مصرْ
رد: فــــى حبكـ يَ بلاااادى
رد: فــــى حبكـ يَ بلاااادى
إظهار التوقيع
توقيع : حسناء
التوقيع لا يظهر للزوار ..
رد: فــــى حبكـ يَ بلاااادى
إظهار التوقيع
توقيع : زاد ابراهيم
التوقيع لا يظهر للزوار ..
رد: فــــى حبكـ يَ بلاااادى
رد: فــــى حبكـ يَ بلاااادى
قد تكوني مهتمة بالمواضيع التالية ايضاً
|
||||
| الموضوع | كاتب الموضوع | المنتدى | ||
| سمــــكة فــــى ثــــوب الــــعروس | ندى ام | عالم البحار والمحيطات | ||
الساعة الآن 07:24 PM
جميع المشاركات تمثل وجهة نظر كاتبها وليس بالضرورة وجهة نظر الموقع