حد يقولي أنا غلطانة ولا لأ

ازايكم يا عدولاتي
عايزة آخد رأيكم في موضوع كدة
أنا ليا أخ في ايطاليا وهو متزوج من 4سنين ومراته الحمدلله أخيرا ربنا كرمها بالحمل وهي اللي بتشيل مصاريف نفسها لما بيكون مسافر المهم أخر مرة كلمت أخويا كنت جايبة سماعة كمبيوتر جديدة هو عجبه صوتها جدا وطلب نقول لمراته على ماركتها عشان تجيب زيها
أنا لما قلت لجوزي قال لأ بدل هي ما تشتري احنا نجبهالها هدية
قلتله ماشي عشان أنا عارفة انه معجب جدا بتفكيرها وعقلها
بعد ما جبناها قلتلها عشان تعمل حسابها وماتشتريش قالت لأ مش حاخدها والكلام ده يعني وبعدين وديتها لمامتي عشان توصلهالهالأني ساكنة في العجمي وهي في محطة الرمل ومامتي في محرم بك يعني مسافتي بعيدة جدا وعشان أروح لازم جوزي يكون معايا علشا الولاد المهم بقى لما بسأل ماما النهارده عن السماعة قالتلي مارضيتش تاخدها وقالتلي أديها لأخويا الصغير قلتلها لأ خليها لما أنا أروح لها حاخدها معايا بس ومن هنا كان الخلاف وقفلت السكة في وشي لأن ماما بيصعب عليها جدا اني أودي حاجة عندها وأرجع أخدها يعني الحاجة اللي تخش جيب السبع لاممكن تطلع منه أبدا ههههههه




أنا بقى وجهة نظري ان ده مال جوزي وهو محدد ان اللي ياخدها مرات أخويا اللي هي ياما جابت لنا حاجات هي وأخويا يبقى ما نساعدهاش بحتة سماعة لا راحت ولاجات وازاي أتصرف فيها وأديها لأخويا اللي أساسا مهمل في كل حاجة وبعدين هو معاه واحدة بتاعته
يبقى أنا صح ولا غلط؟؟؟؟؟؟؟؟؟!!!!!!!