انا أتخنقت خلاص

حبيبتى متتعشميش فى اهل الزوج لانهم مش اهلك ولا من لحمك ودمك مش حيخافو عليكى ولا مشاعرك الا فى ما ندر انتى عامليهم بما يرضى الله ومتستنيش مقابل لان مش حيبقى فيه وكفايه ان جوزك يقدر وعلاقتك به تكون طيبه حتى لو فى شقاق بينك وبين اهله

هما قابلوكى بابتسامة انتى قابليهم بمليون ابتسامة واذا كانوا هما بيتكلموا من وراكى عليكى او على غيرك انتى مش تعملى زيهم
واعملى زى
انا بعامل الناس بما يرضى ربى ويرضى ضميرى
انما لو فكرتى بلى اللى يرضى الناس
الناس مفيش حاجة فى الدنيا ترضيهم وهتتعبى لو فضلتى تفكرى كتير
عاملى الناس بما يرضى ربك وضميرك
لان الناس كلهم بيحبوا الكلام ياحبيبتى
وربنا يصلحلك الحال

حبيبتى استغفرى ربك وادعيه يعونك على هؤلاء الناس - ولاتكونى مثلهم ولكن عامليهم معامله حسنه حتى لو ده ماكنش عاجبهم المهم انك ترضى ربنا وضميرك وربنا يهديهم 0

حبيبتى عامليهم بما يرضى الله واعلمى انهم ليسوا اهلك ومفيش حاجة هتعجبهم ابدا اعملى لله ولاتنتظرى رد جميل

حبيبتي بصي الافضل في الحالة دي هو الاقتصار يعني قلللي زيارتك لهم
يعني اقضي الواجب وخلاص وانتي لا تتدخلي في حياتهم يعني لو شفتي حاجة غلط هما عاملينها لا تعلقي اتركيهم يعملوا ال هما عايزينوا
والعكس صحيح لا تحاولي ان تففضي امامهم باي صورة من الصور خليكي دائما غامضة امامهم ولا تسمحي لاحد انه يدخل في حياتك
وبس عامليهم بما يرضى الله يعني لو جاءوا عندك اكرميهم
ولو عزموكي عندهم اقضي الواجب وروحي في اضيق الحدود
وربنا يهديهم وانا حاسة بيكي حبيبتي

حبيبتي رحاب و الله صعبتي علي كتير انا حاسة بيكي لاننا كلنا بنواحه نفس المشكل ..معليكي غير تسايريهم ومتزعليش نفسك وخصوصا انتي حامل اوكي حبيبتي

حبيبتي احب ان اقول لكي شيءا اولا ممكن انتي تكوني احسن من ناس كتيرة وفي حموات اصعب من كده بكتير اولا تجاهلي ضحكتهم الصفرا دي وعامليهم علي الظاهر والله سبحانه وتعالي هو الذي يعلم الباطن واتركي حساب القلوب لرب القلوب وايضا لاتقولي اولع في نفسي مافيش حاجة في الدنيا تستاهل ان اغضب ربنا ممكن تكوني في ابتلاء فالمطلوب منكي ان تتجهي الي الله وبالصلاة والدعاء وبالصبر تفوزي بكل شئ وتذكري قول الحبيب صلي الله عليه وسلم ( من كانت الدنيا همه فرق الله بها شمله ) وربنا يهدي اهل الزوج كلهم وياريت يعلموا ان كل شئ في الدنيا سلف ودين

حبيبتي كلهم هيك بتمر علي ليالي ما بتنشف دمعتي للصبح منهم ومن معاملتهن معي وخصوصا انا غريبة بيناتهم وكيف عاملوني وقسيوا علي وخلوا جوزي يعاديني والله يلي اتحملته انا ما حد بالكون بتحمله بس شو بدي اعمل بدي اصبر عشان الاولاد
ورح يدوب التلج ويبان المرج لو بعد حين

يا حبيبتى عاملى ربنا فيهم يا قمر ومتستنيش مقابل الا من ربنا

معلش يمكن انا اصغر واحدة ممكن ترد بس اقوللك حاجة علشان ترتاحى ماتشغليش باللك بمعاملتهم ليكى وعامليهم بما يرضى الله بس وسيبيها على الله واذا كانوا بيقولوا او مابيقولوش طالما هما مع كل الناس كده يبقى اكيييد الناس عرفاهم ربنا مابيجبش حاجة وحشة لحد الانسان هو اللى بيجيب لنفسه الاذية وبعدين ربنا بيبين للناس الكويس والوحش فما تزعليش من كلام حد ولاتفكرى فيه اصلا وثقى بالله

بصي اعملي زي انابطلع لحماتي كل يوم وبنفطرسواوبعدكدة بسالهالوعاوزةتعمل حاجة بعملهاموش عاوزة بنزل لشقتى بمعنى انك تكونى صح دائما وما تغلطيش في حد اوتجيبي في سيرة حد لمجرد ارضائهم وخليكي دائما مع الله ونصيحة منى لدينا علاج وراحة نفسية يوميا الاوهى الصلاة وعلى فكرة لاتستحي منهم واستحي من الله

تصدقى بالله انا اهل جوزى وحشين جدا وعندى مشاكل معاهم وههج من بيتى واسبلهم كل حاجة وقولت لجوزى اعصابى تعبت وقلتله يجبلى شقة برة ان شاله اوضة عشان هما مش عندهم ضمير مزورين واخوه زور ارض ملك جوزى وهما جاين على جوزى وعايزين يركبوا سلفتى عليا مع ان هيا شتمتنى كلهم زفت وطين