شوربة جميلة من إبتكار ماماتي

السلام عليكم ورحمه الله وبركاته

إزيكم يا جميلات

إن شاء الله بخير

ماما بتعمل شوربة جميلة أوووي

وبتعجبنا فقولت أجيبلكم طريقتها هنا في عدلات





المقادير سهلة خالص وبسيطة

4 معالق كبيرة شوفان ( بيتباع معلب علي فكرة في السوبر ماركت )

قطعتين مرقة فراخ أو لحمه أو خضار علي حسب الطعم إللي عوزينه

ميه ( حوالي 4 أكواب أو 2 حسب الكمية إللي حتعمليها )

معلقة كبيرة نشا

الطريقه سهله وبسيطة

حتجيبي الميه وتحطي فيها الشوفان وقطعتين المرقة والنشا

النشا بيديها سمك جميلة ويخليها طعمها جميل

والمرقه بتديها طعم جميل جداً

حتفضلي تقلبي لحد لما النشا يدوب خالص وكمان المرقه وتستني شويه عليها لحد

لما تغلي وبعدين إطفي عليها النار

وبالهنا والشفا

جميلة أوي يا بنات وعجبتنا كلنا

متنسوش تدعوا لماما ربنا يطول في عمرها

ومتنسوش تدعولي دعوة حلوة وتقييم

ربنا يخليكم

ومتمشوش وكأنكم مشفتوش الموضوع

والله مش حتخرجوا من الموضوع إلا وإنتم سايبين رد وتقييم ودعاء حلو

حلفتكم بالله