موضوع هام لتربيه ولادنا صح
بداية الموضوعانا كنت فى منتدى من المنتديات ولاقيت واحدة كاتبه موضوع والله هزنى اوى وبجد استغربت انا قلت انقلكو اللى هى كاتباه بالحرف الواحد وكمان هانقلكو انا رديت عليها وقولتلها ايه وقولت راى كمان وياريت يا جماعة بجد تقولو رايكو لاحسن الموضوع فعلا مش يستنى
(الموضوع) اباء وامهات المستقبل 000 لحظة من فضلكوا
اخوانى واخواتى فى الله 0 0 انى احبكم فى الله
يمكن معظمنا دلوقتى فى سن الجواز وان شاء الله كمان كام سنه هنبقى اباء وامهات لاحلى اطفال فى الدنيا
احساس جميل اوى 00
بس مسئوليه صعبة صعبة اوووووى
زمان كانت بس المسئوليه مصاريف العيال وازاى نعلمهم ازاى نجيبلهم كذا
يمكن لحد ما يبقى عندهم 14- 15 سنه يبدأو يفكروا بقى العيال كبرت فى سن مراهقه
ازاى نحافظ عليهم ازاى نحتويهم
ازاى وازاى 0000000
لكن المشكله دلوقت ى بقت اكبر من كدة بكتير
دلوقتى الاطفال من وهما فى ابتدائى عارفين كل حاجة وفاهمين كل حاجة
اما بنت فى ابتدائى تقول ده احنا عندنا جمب المدرسه ورق جواز عرفى ومعرفش الولد ده بص ازاى والولد ده عمل ايه
لما بنات فى اعدادى ويمكن لسه اولى اعدادى تتجوز عرفى من السواق بتاعه واللى تتجوز عرفى من زميله فى مدرسه الاولاد اللى جمب مدرستها
انتوا مستوعبين انا قلت ايه
قلت بنات 7- 14 سنه متجوزين عرفه
دى كارثه والبنت المتربيه تقولك بعد ما اشوف كل ده مش عايزانى افكر مش عايزانى انحرف
تفتكر مهما تديها فى نصايح هتسمعلك
هيكون تاثيرك اكبر ولا تأثير صحباتها اللى فى سنها واللى عارفين عنها كتيييير انت متعرفوش
اصلها مهما حكيتلك ده ولا شئ بالنسبه للى تعرفه او بتعمله
هى محكتش غير مجرد قشور
انا يوم ما سمعت الكلام ده
انا اعدت يوم كامل حاسه بصداع وفوران فى دماغى
ده دلوقتى وبيحصل كدة بعد كام سنه وان شاء الله لو ربنا قدر لى اكون أم
هربى اولادى ازاى ؟
المسئوليه بقت اضعاف
القلق لازم يكون من وهما لسه 3- 4 سنين
مش هنتكلم كتير
احنا عايزين نفكر صح وننفذ صح
عايزين تربيه صح
عايزين اولاد ينشأوا على دين الله ورسوله
تكون قدوتهم اسمه بن زيد وعلى بن ابى طالب
السيدة عائشه والسيدة فاطمة
مش تامر وشيرين
لازم من 3 سنين نبدا نربى ونفهم ونوعى ومنقتصرش على الكلام لاء متابعه
لازم نكون مع اولادنا مصحصحين مفيش اى حاجة مهما كانت مهمة تشغلنا عنهم
لا فلوس ولا مركز
لا موضة ولا نادى واهم شئ 000 اننا نكون قدوة صح لأولادنا
ماشيين فى الطريق الصح بعيد عن الذنوب والمعاصى
ياجماعه ده مستقبل أمه أمه مسلمة احنا اللى بنخرجها
لازم نخرجها صح
عشان لما نجى يوم القيامة نقول لربنا احنا ادينا واجبنا صح عملنا اللى علينا
قال الرسول "كلكم راع وكلكم مسئول عن رعيته"
(((((((((((((((((((((((((((((((((انا رديت وقلت )))))))))))))))))))))))))))))))))))
يا خبر ابيييييييييييض
ايه ده والله مش عارفة ايه اللى بقى حصل
فعلا المسؤلية كبيرة عارفين لو احنا اتكدنا من دلوقتى اننا مش هنعرف نتعامل مع عيالنا يبقى بلاش نجيب عيال احسن
بدل ما نجيب وبعدين نقول ياريت اللى جرى ما كان
مهو كل ده بسبب الفضائيات والهباب والازفاف اللى بيبقى فى الافلام والبرامج وكمان كلمات الاغانى
بسبب ان الناس بقيت تقول احنا بقينا فى عالم مفتوح وكاننا فرحانين اوى بالكلمة
وبسبب بردو ان العيال مش اتعلمو من صغرهم ازاى يستخدمو النت صح
وفى بقى نوعين من الاباء اول نوع اللى هو قافل على ولادو خمسين الف باب وعشرتاشر شباك ويقولهم لاء ده عيب وده حرام ويشفر قنوات كذا ومش عارفة عامل مفتاح للتليفون ويقولهم كل حاجة لاء لاء لاء حتى من غير ما يناقشهم
وبعد كدة نتفاجىء ان الاولاد لما طلعو للمجتمع طبعا انبهرو بيه وبى الحجات اللى فيه ولما هو شفر قنوات من غير حتى ما يناقش عيالة طبعا الابن شافها عند صحابه وبقيت خرباااااااانة بقى والعيال ضاعو والبنت تلاقيها خارجة بالازدال ولما تبعد عن البيت فك والبنطلون يطلع واوعى رجلك
والتربية اللى من النوع ده مش هتنفع فى 2024 خالص
وفى بقى نوع تانى اللى هو فاتح على الرابع وسايب عيالو يولعو بجاز اهم حاجة انو جايبلوهم احسن لبس واحسن عربية وموبايل وجايبلهم الفلوس ويجى يرميهالهم ويروح يسافر فى الخليج
ومش يدرى بقى ابنو بيعمل بالفلوس دى ايه ولا ولا ولا ولا ولا
ونتفاجىء ان فى مصاااااااااااااايب وكوااااااااااااااااااارث بتحصل ومش عارفين نتصرف فيها
لاكن الصح بقى اننا فعلا نصاحب والدنا فعلا بجد المفروض مش نربيهم زى ما جدة امى ربت امى
لاء
ومش ينفع نفس الاسلوب اربى بيه اطفال فى12 20 محاطين بالدش والفضائيات والنت وهيفاء ونانسى واليسا
لاء ده انا لازم اعمل حساب ان فى مجتمع بره مش بيرحم
لازم اخلى العلاقة اللى بينى وبين ابنى اساسها الثقة والصراحة والتفهم والمناقشة والاحترام
لازم مش استهون بيهم ولا بقدراتهم
لازم اعلمهم ان يكون عاندهم هدف ومن هم عانده 6 سنين
لازم اعلمهم رياضة واشغل وقت فراغهم واثقفهم ومن هم 3 سنين
ايوة الطفل على فكرة ذكى جداااااااا وخصوصا المصرى بس احنا اللى مش بنمى مهارتهم
لازم ومن هو عاندو 40 يوم اجبلو لعب خاصة بالسن ده واقوى مهاراتو واتابعو مش اتشغل بالنادى وصحابى وفلانة عملت وامى سوت
لاء وامشى معاه خطوة خطوة وممكن كمان نتابع برنامج يوم ورا يوم لان بجد بيقول حجات مهمة جدا هى اللى بتكون اساس العرقة بينا وبين عيالنا
العلاقة بتبدا ومن البيبى فى بطن مامتو
بيحس وبيفهم ويترجم كل حركة حوليه
لازم احسسو بالامان والحنان مش ارضعه وانا بتفرج على التلفزيون او ارميه فى حضانة عشان اروح اشتغل
لاء وكمان لما يوصل 3 سنين ابدا اقرالو قصص على ادو وفهمو وعلى فكرة بيفهم
لازم احاول اكتشف مهاراتو عشان انميها
واخليلو هدف واعلمو من وهو 6 سنين
وبكدة يكون الاساس صح الصح وكدة انا شغلت وقتو ونميت مهراتو فعلا وهو صغير
نيجى بقى لما يدخل المدرسه والبلاوى اللى بتبقى فى المدرسة
انا مش هاقدر احطلو قطن وفزلين فى ودانو عشان مش يسمع كلمة من هنا ولا هنا
لاء انا لازم اعودو انو يكون صريح معايا ويجى يحكيلى ويقولو ان اللى سمعو ده غلط
وطبعا مش هاسبلو فرصة يقعد يفكر فى اللى حواليه لاء انا قلت قبل كدة اشغل الوقت
لازم يكون فى ثقة
لازم احسسو انو حاجة كبيرة وانو راجل ويتحمل المسؤليه وانو يعتمد على نفسو
لازم يكون فى صراحة بلاش انى اشغلو اسط وانة الرعب لما يعمل حاجة غلط ولا انى السعو بالنار (زى ما فى امهات بتعمل)اه والله بجد طب انا قابلت طفل كدة عاندو3 سنين وانا كنت فى اسكندرية السنادى المهم هو كان فى الشليه اللى جنبنا وانا طبعا باحب الاطفال موووووووت واتصاحبت عليهم المهم فى يوم جالى وقاعد يعيط ويقولى شمعة لاء شمعة لاء المهم سالت اختو يعنى ايه قالتلى ان ماما بتلسعو بالشمعة عشان ينام !!!!!!!!!
انا قلت يا نهاااااار ازرق م عقول دى ام
تفتكرو بقى الطفل اللى اتعامل معاملة الكلاب دى ومن هو صغير هيطلع حاجة؟؟؟؟؟؟؟ ده هيبقى معقد
عشان بس تعرفو ان الاساس فى الايام الاولى من عمر الطفل والعلاقة احنا نقدر نشكلها فى السن ده
يبقى المفروض يكون فيه ر حمة ولين وشدة وحزم بردو مش ادلع واطبط على راى الاخت نانسى بس
لاء ده لازم يكون فيه كدة وفيه كدة حبة جد وحبة دلع لما يعمل حاجة صح اشجعو ولما يعمل غلط افهمو الغلط فين وهو لوحدو طبيعى هيتمنع
يبقى خلاصة الكلام
ان من صغر الطفل اخى العلاقة قايمة على
الحب الثقة الصراحة وصدقونى عيالنا واولادنا ومستقبلنا هيبقى تمام ونقدر نواجه الغزو الفكرى اللى جايلنا من الغرب ده
ومعلش اسفة على الاطالة
قلولى بقى انتو ايه رأيكو
هنربى اولادنا ازاى ؟
يارب موضوع يعجابكم
إظهار التوقيع
توقيع : قوت القلوب 2
التوقيع لا يظهر للزوار ..
رد: موضوع هام لتربيه ولادنا صح
إظهار التوقيع
توقيع : ريموووو
التوقيع لا يظهر للزوار ..
رد: موضوع هام لتربيه ولادنا صح
إظهار التوقيع
توقيع : ريموووو
التوقيع لا يظهر للزوار ..
رد: موضوع هام لتربيه ولادنا صح
إظهار التوقيع
توقيع : حسناء
التوقيع لا يظهر للزوار ..
رد: موضوع هام لتربيه ولادنا صح
إظهار التوقيع
توقيع : حسناء
التوقيع لا يظهر للزوار ..
رد: موضوع هام لتربيه ولادنا صح
إظهار التوقيع
توقيع : زهرة الاميرة
التوقيع لا يظهر للزوار ..
رد: موضوع هام لتربيه ولادنا صح
إظهار التوقيع
توقيع : قوت القلوب 2
التوقيع لا يظهر للزوار ..
قد تكوني مهتمة بالمواضيع التالية ايضاً
|
||||
| الموضوع | كاتب الموضوع | المنتدى | ||
| بعض الأحاديث الضعيفة واشتهرت على ألسنة الكثيرين من العامة | هـــدوء | احاديث ضعيفة او خاطئة | ||
| موضوع هام للجميع ارجوا المرور والاستفادة ... | سورية حبيبتي | منوعات x منوعات - مواضيع مختلفة | ||
| نصائح لتربيه طفلك ,تربيه الابناء ,نصائح لتربيه طفلك | sendrela | العناية بالطفل | ||
| موضوع هام جدا لكل عضوات المنتدى ادخلو بسرعة | جوجل | فرفشة عدلات | ||
| موضوع هام قد يكون البعض غير منتبه له ......... | ♥ احبك ربى ♥ | المنتدي الاسلامي العام | ||
الساعة الآن 07:44 PM
جميع المشاركات تمثل وجهة نظر كاتبها وليس بالضرورة وجهة نظر الموقع