أو

الدخول بواسطة حسابك بمواقع التواصل

#1

مميز لكل عروسة..سنفره وصابون ببروتين اللبن لنعومة الجسم

نصايح لنظام غذائي صحي ومفيد:
اهتمي دايما في يومك إنك تشربي لبن وتاكلي زبادي خالي الدسم؛ لأن منتجات الألبان بتغسل معدتك من السموم وبتنضف جسمك من الداخل، وده طبعا بينعكس على صحتك وعلى بشرتك.

بالإضافة إلى تناول 3 : 4 ثمرات تفاح بدون تقشير، ويفضّل إن التفاح يكون أحمر؛ لأن من المعروف إن الفواكه كل ما لونها بيميل للون الأحمر أو البرتقالي بتكون أكثر فائدة.

وده طبعا إلى جانب تناول الفواكه التانية؛ زي: الفراولة والأناناس والكيوي بكميات كبيرة؛ لأن الأناناس والكيوي فيهم مواد حارقة للدهون، والأناناس بالذات بيعطي للبشرة نضارة وبيخلّي شكلها صحي جدا.

والنظام ده مناسب لجميع الأجسام، لكن طبعا كل شخص بيختار الحاجات المناسبة معاه؛ يعني مثلا مرضى السكر أو الضغط ما ينفعش ياكلوا فراولة بكميات كبيرة؛ لأنها بتحتوي على أملاح بنسبة كبيرة ممكن تتعبهم.

وممكن النظام ده تعمليه لمدة يوم واحد بس في الأسبوع، ويا ريت تعمليه يوم أجازتك أو يوم تكوني عارفة إنك مش هتقومي فيه بمجهود كبير أو أعباء كتير بره أو جوه البيت علشان ماتتعبيش.

ولو كل واحدة مشيت على النظام ده مرة أو مرتين في الأسبوع أكيد هيفرق معاها كتير، وهينعكس على بشرتها وهتبقى كلها نضارة وصحة.
ماسك سنفرة للجسم ببروتين اللبن
النهارده هنعمل سنفرة للجسم من بروتين اللبن والملح، وبروتين اللبن ده بنشتريه من السوبر ماركت وبيكون سعره ما بين 45 لـ60 جنيه مش هيزيد عن كده، وهو بيبقى شبه اللبن البودرة وفي منه نكهات كتير، وأنا اخترت النهارده بروتين اللبن بنكهة الفراولة.

المقادير:
  • فنجان بروتين اللبن
  • 3 ملعقة كبيرة ملح
  • ملعقة صغيرة زيت ورد
طريقة التحضير:
أول حاجة حطي معيار بروتين اللبن في طبق زجاجي، وضيفي عليه الملح، واخلطيهم كويس جدا، وبعد كده حطّي عليه زيت الورد، واخلطيه معاهم كويس جدا، واستمرّي في التقليب لحد لما يبقى قوامه متجانس، وفي النهاية حطي الخليط ده في برطمان زجاجي واحتفظي به في الحمام عندك.
طريقة الاستخدام:
تقدري تستخدميه بعد الاستحمام على جسمك وهو لسه مبلول، وتفركي به جسمك كله وبعد كده تشطفي جسمك، وممكن تستخدميه للوش كمان؛ بس أهم حاجة الفرك في الوش يكون بالراحة، وفي بداية استخدامك للماسك ده ممكن تستخدميه لمدة 4 أو 5 أيام متتالية، وبعد كده ممكن تستخدميه مرتين كل أسبوع، ومع المواظبة عليه هتحصلي على بشرة نضرة وبتلمع وشكلها صحي طول الوقت.
لوشن فازلين مرطب ومغذّي للبشرة
النهارده هنعمل لوشن مرطب ومغذّي لبشرة الجسم؛ علشان ترطبي بشرتك وتحميها من التشققات، وممكن تستخدميه بعد الحمام على طول.

المقادير:
ملعقة صغيرة فازلين
7 : 9 ملعقة صغيرة زيت لوز مر
ملعقة صغيرة زيت بندق

الطريقة:
سيّحي الفازلين على نار هادية، وبعد كده ضيفي معاه زيت اللوز المر؛ لأنه بيفتّح وبيدي نضارة ولمعان للبشرة وبيخلّي الجلد مشرق وبيمنع التجاعيد، وممكن تستخدمي كمان زيت لوز حلو.

استمري في التقليب على النار، وبعد كده ضيفي عليه زيت البندق علشان تعطّريه، وممكن تستخدمي حجر المسك في التعطير أو ممكن تضيفي نكهات تانية زي الفانيليا.

وبعد كده سيبي الخليط لحد ما يبرد شوية، وبعد كده هتلاقي قوامه سايل مش زي الكريم، وبكده ممكن تستخدميه في عمل مساج لجسمك وهو مبلول بعد الشاور.
صابون ببروتين اللبن والجلسرين لتنعيم الجسم
النهارده هنعمل صابونة مناسبة لأصحاب البشرة الجافة والعادية، وممكن نستخدمها للبشرة الحساسة ولكن بعد ما تجرّبيها وتتأكدي إنها مش بتعمل لك حساسية، لكن الصابونة دي مش هتنفع خالص لأصحاب البشرة الدهنية والمركبة.

المقادير:
  • 3 : 4 ملعقة كبيرة بشر صابونة "دورا" بالجلسرين واللبن
  • فنجان بروتين اللبن بالفراولة
  • ملعقة صغيرة زيت ورد
  • 3 ملعقة زيت لوز مر
  • ½ كوب ميه
الطريقة:
حطّي الميه على النار، وضيفي عليها زيت الورد، وقلّبيهم مع بعض كويس.





بعد كده ضيفي 3 ملاعق من بشر الصابون، مع الاستمرار في التقليب، وبعد كده ضيفي الملعقة الرابعة، واستمري في التقليب لفترة طويلة علشان المكونات تتجانس مع بعضها، واهتمي جدا بالتقليب؛ لأن الصابون علشان يبقى ناجح لازم يتقلّب كويس على نار هادية.

بعد كده ضيفي عليهم بروتين اللبن وقلّبي كويس جدا، وبعدين ضيفي زيت اللوز المر علشان هو ده اللي بيفتّح البشرة ويغذّيها ويقوّيها، واستمري في التقليب على النار وممكن تستخدمي مضرب البيض في التقليب علشان يوفّر وقت معاكي.
بعد كده صبّي الصابون وهو ساخن في قوالب السيليكون لأنه بيتجمّد بسرعة، وهتلاقي لونه بمبي؛ لأننا استخدمنا بروتين اللبن بالفراولة.

والصابون زي ما إنتم عارفين بيحتاج لشهر تقريبا علشان ينشف ويبقى مناسب للاستخدام، والصابون ده بيساعد على تفتيح البشرة ونضارتها ونعومتها.


إظهار التوقيع
توقيع : ام نيرة
#2

افتراضي رد: لكل عروسة..سنفره وصابون ببروتين اللبن لنعومة الجسم

يسلمو
#3

افتراضي رد: لكل عروسة..سنفره وصابون ببروتين اللبن لنعومة الجسم

تسلمى على المعلومات
إظهار التوقيع
توقيع : رتوجى
#4

افتراضي رد: لكل عروسة..سنفره وصابون ببروتين اللبن لنعومة الجسم

رد: لكل عروسة..سنفره وصابون ببروتين اللبن لنعومة الجسم
إظهار التوقيع
توقيع : هبه شلبي
#5

افتراضي رد: لكل عروسة..سنفره وصابون ببروتين اللبن لنعومة الجسم

رد: لكل عروسة..سنفره وصابون ببروتين اللبن لنعومة الجسم
إظهار التوقيع
توقيع : nesrinaaa
#6

افتراضي رد: لكل عروسة..سنفره وصابون ببروتين اللبن لنعومة الجسم

تسلم
إظهار التوقيع
توقيع : Milla William
#7

افتراضي رد: لكل عروسة..سنفره وصابون ببروتين اللبن لنعومة الجسم

مشكوورة
إظهار التوقيع
توقيع : لؤلؤة الايمان
#8

افتراضي رد: لكل عروسة..سنفره وصابون ببروتين اللبن لنعومة الجسم

نوررررتم عدولاتى
إظهار التوقيع
توقيع : ام نيرة
#9

افتراضي رد: لكل عروسة..سنفره وصابون ببروتين اللبن لنعومة الجسم

شكرا ليكى اختى
بس لو مش لقيه بروتين اللبن استعمال ايه
إظهار التوقيع
توقيع : لحظة حنين


قد تكوني مهتمة بالمواضيع التالية ايضاً
الموضوع كاتب الموضوع المنتدى
تبيض الجسم, 5 وصفات تساعدك في تبيض الجسم,وصفات سريعة لتبيض الجسم ربي رضاك والجنة العناية بالجسم
اهم الصائح لانقاص الوزن والتخلص من الدهون الضارة والماء الزائد mycat طرق التخسيس وانقاص الوزن
طرق ونصائح مفيده 100 % بائعه الورد طرق التخسيس وانقاص الوزن
منتجات البحر الميت من سماره .. Samara For Dead Sea Products ساره سماره سوق عدلات النسائي العام
جوله موسعه لأروع حمامات الجسم الطبيعيه سوسو الامورة العناية بالجسم


الساعة الآن 01:35 AM

الاتصال بنا - عدلات - الأرشيف - أعلي الصفحة

جميع المشاركات تمثل وجهة نظر كاتبها وليس بالضرورة وجهة نظر الموقع


التسجيل بواسطة حسابك بمواقع التواصل