أو

الدخول بواسطة حسابك بمواقع التواصل



عدلات

> الاقسام الأسرية

> فضفضة وحل المشاكل

مكسوفة اتكلم

إضافة رد  أضف للمفضلة
https://adlat.net/showthread.php?t=58273
10076 34
#1

افتراضي مكسوفة اتكلم

[FONT=""][COLOR=""][SIZE=""]السلام عليكم ورحمة الله وبركاته
انا كنت مترددة كتير اني اتكلم فمشكلتي بس اخيرا قررت اني افضفض معاكم وده لاني عارفة ان المنتدي بيضم كثير من العضوات المحترمات واللي لما افضفض معاهم مش هيزعلو مني ولا هيقولو عليا كلام وحش انا بس عاوزة نصيحتكم
انا ست متزوجة وعندي 3ابناءبنتين وولد زوجي متزوج من امرأة اخري منذ فترةتقارب السنتين ونصف وانا الزوجة الاولي بس هو مش موجود معانا دلوقتي هو مسافر لبلد اوروبي وزوجته الثانية تعيش معه
انا مش معترضة علي زواجة لان خلاص بقي امر واقع وكمان خايفة اربي عيالي لوحدي من غيره وخصوصا البنات هو مش مقصر معانا فالفلوس خالص كل ما نطلبه يلبيه فورا سواء بخصوص المدارس والمصاريف
المشكلة بقي تكمن فأني محتجاه معايا كزوج يحسسني اني ست انا بشر وليا احتياجات والاحتياجات دي فدينا بنلبيها بالزواج كعلاقة شرعية بين اتنين هو عنده مشاكل في شغله تمنعه من النزول ولو حتى اجازة ومن كتر بعده عننا قل الكلام بينا تماما في هذا الموضوع يكاد يكون مفيش اصلا كلام في هذه الناحية وانا اشعر كثيرا بالخجل من مصارحته باحتياجي ليه جنبي
انا الحمد لله بحبه وعمري ما حبيت غيره ولا عمري فكرت اخونه ولو بنظره الى اي رجل وفعلا مراعية ربي من هذه الناحية خوفا من ربي وحفاظا على زوجي وبناتي
مش عارفة اعمل ايه فمشكلتي اللي مش عارفة اتكلم فيها مع حد حتى مع زوجي وكل يوم بسأل نفسي ايه الحكمة من البعد دة وهل دة امتحان من ربنا ليا علي الصبر فغريزة ربنا خلقها فينا
هو عمره مابيتكلم معايا فالموضوع دة ابدا بحجة انه خايف عليا اني اكون ضعيفة يعني كانه بيمنع اني احس بالرغبة حتى ولو معاه لانه بعيد ومش هيقدر يشبع هذه الرغبة بس دي حاجة غصب عني انا بشر ولما بفكر واحتاج الرغبة دي مبتخيلش غيره
مش عارفة اعمل ايه هو دلوقتي غايب بقاله 3سنين ومينفعش اسافرله
دلوني ربنا يبارك لكم والله يخليكم متفهمونيش غلط[/SIZE][/COLOR][/FONT]


#2

افتراضي رد: مكسوفة اتكلم

لازم تتكلمى معاه بصراحة هو معندوش احتياج بسبب ان معه زوجته الثانية اما انت فبمفردك فلازم تتكلمى معه لان ممكن يكون بعد كده عواقب غصب عنك
#3

افتراضي رد: مكسوفة اتكلم

بصراحة مش عارفة انصحك بأيه
بس فعلا لازم تتكلمي معاه وتكسري حاجز الكسوف اللي بينكم ده
وربنا يصبرك لان ده برضه ابتلاء يحتاج الصبر
إظهار التوقيع
توقيع : وردة الحب الصافي
#4

افتراضي رد: مكسوفة اتكلم

انا عارفه ان موقفك محرج وبايخ بس افتكر 3 سنين كتيير جدا وانتى مبتطلبيش حاجه اكتر من حقك الشرعى يعنى حاولى تفهميه الموضوع بطريقه غير مباشره الاول عشان متتحرجيش اما بقى لو هو عمل فيها مش فاهم يبقى تقوليهالو صريحه وقوليلو كمان ان ربنا هيحاسبه على بعده وتقصيره فى حقك الشرعى وان انتى مش مسامحاه فى الحق ده وربنا معاكى وييسرلك الخير

#5

افتراضي رد: مكسوفة اتكلم

يصي يااختي انا رأيي يمكن كتير هيعرضوني عليه جوزك شكله سايق فيها هو لو كان هناك من غير ست كان اتكلم معاكى في الحجات دي وكانت هيكون عنده نفس الأحتياج واكتر لكن هو معاه زوجه فرغبته واحتياجه العاطفي بيلاقيه بكل سهوله انا رأيي الأول تكلميه بمنتهى الصراحه والوضوح لأن هو اكيد مستغل فيكي نقطة الكسوف دي ابعتيله رساله على موبيله قوليله الرسول سأل ام المؤمنين عائشه ما المده التى تستطيع فيها المرأه بعد زوجها فقالت له 4 اشهر فأمر الجنود بالنزول الى زوجاتهم كل 4اشهر كلميه انك ست وزهقتى ومحتاجله جنبك في كل شئ في الرغبه والحب ولعشره حتى في قاعدته ياكل جنبك وفي مشيته معاكي في الشارع ايده في ايدك وفي صوت نفسه وهو نايم جنبك وكل حاجه انتى محتاجله فيها حسسيه ان بغيابه ده هيضيعك من ايده لكن طول ما انتى ساكته عن حقك عمرك ما هتخديه لان الحق لما يبعد ويتوه لازم تطلبيه وتعملي كل اللي في وسعك علشان تخديه وكمان ليه مكسوفه اوى كده وانتى بتكتبي المشكله وبتقوليلنا متفهمونيش غلط هو حد في الدنيا يقدر يحرم على انسانه الأحتياج لزوجها حد يقدر يحرم حلال ربنا وجهى زوجك يااختى بهدوء واركنى الكسوف شويه على جنب
#6

افتراضي رد: مكسوفة اتكلم

انا مع راى مرمورة وموش عاوزة اصدمك بس انا ليا واحدة قريبتى حصل معاها نفس اللى حصل معكى بس ما تتصوروش غبتة طالت اد اية اكتر من 20 سنة وهى صابرة وتقول يمكن ينز ل بناتة اتزوجو وخلفوا وهو ماجاش نهائى يادوب بالتلفونات والمصاريف اللى بيبعتها
ها تفضلى ساكتة لما تبقى زيها لازم يكون لك موقف بس بالحكمة والعقل علشان خاطر اولادك
ربنا يصلحلك الحال ويهدية ويرجع لبيتة واولادة
إظهار التوقيع
توقيع : توتى 1
#7

افتراضي رد: مكسوفة اتكلم

حبيبتي ما تزعلي مني جوزك مشبع رغباته وعنده البديل وشكله من الاخر حلقلك ع الناشف يعني مش عاوزك
وشرعا وقانونا انتي لو اشتكيتي عليه في المحكمه القانون حيكون بصفك
انا مش بحرضك لا والله ابدا بس انتي امرأة وبتجي ع بالك الحاجات الزوجية ون حقك ده يعني احكيله وبالعباره الصريحة انا عاوزاك انا عاوز ه كزا كزا ما فيها خجل
يعني لو ما بدك تجيني وانت حلالي عاوزني اروح فين اشحدها من جارنا مثلا
وتلات سنين كتير يعني حرام عليه
والله سبحانه وتعالى امر بالعدل بين الزوجات
هو فين من الدين
فين من القانون والشريعة الاسلاميه
فين من العادات والتقاليد
حررررراااااااااام عليه يخاف ربه شوي انتي مش عاوز هاكل وشرب اسفه للكلمه بس البهاين شبعانه اكل
انتي عاوزه جوز عاوزه حب عاوزه موده عاوزه حنان
إظهار التوقيع
توقيع : نسيم البحر
#8

افتراضي رد: مكسوفة اتكلم

انا رائيي من رائي البنات لازم تصارحيه مافيهاش كسوف هذا حقك
وهو حرام عليه اللي يعمله ربنا صرح تعدد الزوجات لكن بشرط العدل
ففهميه بالهداوة وربي يصلح الحال ان شاء الله
إظهار التوقيع
توقيع : ايمان المقصبي
#9

افتراضي رد: مكسوفة اتكلم

هو جاب من الاخر ولما احتاج لواحده ست راح جابها يعنى هو معندوش فكرة ع اللانتى حاسه بيه نهائى حاجه من اتنين يا تكلميه وتطلبى منه حقوقك وتفهميه مشكلتك ايه يا اما تنسى الموضوع
#10

افتراضي رد: مكسوفة اتكلم

خليكى جريئه واطلبى منه وعارفيه ان مقصر معاكى وده حقك واشمعنى هى اللى عايشه معاه وانتى ام عياله سيبك فى بلد تانيه ليه ما يخدكش معاه هناك و تسفروله وتبقو اجمبه عا رفيه ان الفلوس اللى بيعتها مش كل حاجه وانك مش بس اللى محتاجه جمبك اولاده كمان محتجينه وعايزه تربيه الاولاد مش بالساهل عارفيه ان لازم يكون جمبك وجمب اولاده
وربنا يهيئلك خير
إظهار التوقيع
توقيع : ♥ احبك ربى ♥
#11

افتراضي رد: مكسوفة اتكلم


المشاركة الأصلية كتبت بواسطة مرمورة
يصي يااختي انا رأيي يمكن كتير هيعرضوني عليه جوزك شكله سايق فيها هو لو كان هناك من غير ست كان اتكلم معاكى في الحجات دي وكانت هيكون عنده نفس الأحتياج واكتر لكن هو معاه زوجه فرغبته واحتياجه العاطفي بيلاقيه بكل سهوله انا رأيي الأول تكلميه بمنتهى الصراحه والوضوح لأن هو اكيد مستغل فيكي نقطة الكسوف دي ابعتيله رساله على موبيله قوليله الرسول سأل ام المؤمنين عائشه ما المده التى تستطيع فيها المرأه بعد زوجها فقالت له 4 اشهر فأمر الجنود بالنزول الى زوجاتهم كل 4اشهر كلميه انك ست وزهقتى ومحتاجله جنبك في كل شئ في الرغبه والحب ولعشره حتى في قاعدته ياكل جنبك وفي مشيته معاكي في الشارع ايده في ايدك وفي صوت نفسه وهو نايم جنبك وكل حاجه انتى محتاجله فيها حسسيه ان بغيابه ده هيضيعك من ايده لكن طول ما انتى ساكته عن حقك عمرك ما هتخديه لان الحق لما يبعد ويتوه لازم تطلبيه وتعملي كل اللي في وسعك علشان تخديه وكمان ليه مكسوفه اوى كده وانتى بتكتبي المشكله وبتقوليلنا متفهمونيش غلط هو حد في الدنيا يقدر يحرم على انسانه الأحتياج لزوجها حد يقدر يحرم حلال ربنا وجهى زوجك يااختى بهدوء واركنى الكسوف شويه على جنب
أنا من رأيي مرمورة وبعدين ان كان على المصاريف فانتي تقدري تشتغلي وتجيبيها فهميه االكلام ده وهدديه لو منزلش يبقى يطلقك وتشوفي نفسك مع واحد تاني تهديد بس
ثم هو فيه حد بيشتغل في الخارج مالوش أجازات ، المفروض له شهر اجازة في السنة ويمكن أكتر
حبيبتي مرمورة هي مكسوفة لأن فيه أحد المنتديات النسائية لما واحدة تتكلم في موضوع حريمي بيشكوا انها راجل ويجيبوا لها حظر على طول
#12

افتراضي رد: مكسوفة اتكلم

حبيبتى لازم تكلمى معاه بكل صراحة ع اللى جواكى
هدديه لو ما نزلت كل واحد يروح لحاله هدديه بس ربنا ما يجيب اى حاجه وحشة
ان شاء يعملك مفاجأة ويقولك انه نازل قريب
إظهار التوقيع
توقيع : نجوم الليل
#13

افتراضي رد: مكسوفة اتكلم


المشاركة الأصلية كتبت بواسطة شمس لا تغيب
أنا من رأيي مرمورة وبعدين ان كان على المصاريف فانتي تقدري تشتغلي وتجيبيها فهميه االكلام ده وهدديه لو منزلش يبقى يطلقك وتشوفي نفسك مع واحد تاني تهديد بس
ثم هو فيه حد بيشتغل في الخارج مالوش أجازات ، المفروض له شهر اجازة في السنة ويمكن أكتر
حبيبتي مرمورة هي مكسوفة لأن فيه أحد المنتديات النسائية لما واحدة تتكلم في موضوع حريمي بيشكوا انها راجل ويجيبوا لها حظر على طول
اه حبيبتي شمس كسوفها مننا مقبول لكن تتكسف في حقها في ان زوجها يكون معاها
لا مفيش شرع ولا دين يقول كه وانا بصراحه معاكى ففكرت انها تهدده بطلب الطلاق ده
لأن جوزه الظاهر من قلة كلامها افتكر انها مع الوقت نسيت الحجا دي وتحولت لحته حجر
بارك الله فيكم يابنات
#14

افتراضي رد: مكسوفة اتكلم

انا موش هقولك كلام اكثر من الى اتقال
وانصحك بدعاء ياحى يا قيوم اصلح لى شأنى كله ولا تكلنى لنفسى ترفة عين
#15

افتراضي رد: مكسوفة اتكلم

انا موش هقولك اكثر من الى اتقال
وانصحك بدعاء يا حى يا قيوم برحمتك اثتغيث اصلح لى شأنى كله ولا تكلنى لنفسى ترفة عين
#16

افتراضي رد: مكسوفة اتكلم

ياأختي اللي خلا تزوج من أخرى هناك ويصرف عليها كان أولى بيه يبعتلك انت تعيشي معاه
وانا من رأي البنات كلميه بصراحة واطلبي منه اما ينزل أو يبعتلك تروحيله وبلاش التهديد بالطلاق أحسن يكون تعوده على بعدك يسهل فكرة الطلاق عليه
وربنا يصلح الأحوال
إظهار التوقيع
توقيع : رحيق
#17

افتراضي رد: مكسوفة اتكلم

ياحبيبتى مفيش غير انك تكلميه بصراحه
وربنا ييسرلك الخير
#18

افتراضي رد: مكسوفة اتكلم

انا رأيى من رأى البنات
إظهار التوقيع
توقيع : dodo modo
#19

افتراضي رد: مكسوفة اتكلم

بصراحة البنات جابولك من الاخر
والاكتر مرمورة انا من رأيها
هوا مش حامل هم شئ لان رغبته شبعانه وبعدين من الواضح انه ميعرفش شئ فى الدين نهائى
فى حديث للرسول عليه الصلاة والسلام
فى ما معناه ان الراجل اللى عنده زوجتين ومفيش عدل بينهم يأتى يوم القيامة واحد شقيه مائل
عرفيه وكلميه ولازم تكلميه ده حقك ومفيش كسوف فيه
نهائى وبعدين انتى ماخرجتيش من بيت ابوكى عشان اكل وشرب
الزواج مش اكل وشرب ومكان ننام فيه
الزواج عفة للطرفين وهوا عافف نفسه بالزوجة التانية
وفين عفتك انتى
حل من الاتنين يا اما يتصرف وينزل او ياخدكم معاه ويعدل بينكم هناك
يا اما من حقك تطلقى وتعفى نفسك بزوج تانى احنا بشر
وده حقنا زى ماهو حقهم برده
اعملى استخارة وفكرى وربنا يهديلك حالك
إظهار التوقيع
توقيع : امينة
#20

افتراضي رد: مكسوفة اتكلم


المشاركة الأصلية كتبت بواسطة نسيم البحر
حبيبتي ما تزعلي مني جوزك مشبع رغباته وعنده البديل وشكله من الاخر حلقلك ع الناشف يعني مش عاوزك
وشرعا وقانونا انتي لو اشتكيتي عليه في المحكمه القانون حيكون بصفك
انا مش بحرضك لا والله ابدا بس انتي امرأة وبتجي ع بالك الحاجات الزوجية ون حقك ده يعني احكيله وبالعباره الصريحة انا عاوزاك انا عاوز ه كزا كزا ما فيها خجل
يعني لو ما بدك تجيني وانت حلالي عاوزني اروح فين اشحدها من جارنا مثلا
وتلات سنين كتير يعني حرام عليه
والله سبحانه وتعالى امر بالعدل بين الزوجات
هو فين من الدين
فين من القانون والشريعة الاسلاميه
فين من العادات والتقاليد
حررررراااااااااام عليه يخاف ربه شوي انتي مش عاوز هاكل وشرب اسفه للكلمه بس البهاين شبعانه اكل
انتي عاوزه جوز عاوزه حب عاوزه موده عاوزه حنان

انا معاكي يانسوم
إظهار التوقيع
توقيع : عمرحبيب مامي
#21

افتراضي رد: مكسوفة اتكلم

المراة دايما تتعدب.هو عندو زوج واحدة في بلادو و واحدة في الخارج باش يتحصن ما يقدرش مسكين على المغريات لكن المراة متزوجة اسميا فقط.و الله هدا مشكل انا عندي حاجة و اعلاش ما تكونش علاقة عبر النت ممكن تقدري تاخدي شوية اشباع مع انو غير كامل و لكن خير من لا شيء
إظهار التوقيع
توقيع : farcha
#22

افتراضي رد: مكسوفة اتكلم

حبيبتي انا سترني ربي من واحد مغترب خطبني على اساس ياخدني معاه عامين و انا مخطوبة و يتحجججججججججججج انو ما يقدرش يهبط للجزائر و بعدها خرجهالي صراحة يا اما نتزوجو و تبقاي عند اهلك يا اما الطلاق لاني عقدت معاه باش يخدملي الوثائق و اخترت الطلاق و تزوجت لاني فكرت بعيدا كيف اعيش متزوجة على الورق فقط و انا في 24سنة هدا غير معقول.يا اختي لي يروح للخارج ما بقاتلو حتى حاجة يفكر فيها في بلدو.ما تسكتيش على حقك و ما ضاع حق وراءه طالب رجال اليوم المراة تشتكي من الم الراس يقولها ماراكيش قادرة نعاود نتزوج و المراة تصبر على ما لا يطاق.و كيفاش حكاية ما نقدر ناخد اجازة هادو اعدار كادبة لانو ماحابش ياتي اليك بعبارة اخرى راهو شبعااان
إظهار التوقيع
توقيع : farcha
#23

افتراضي رد: مكسوفة اتكلم

انا مع اخواتي كلام حلو لكن الرجل بيجي بالكلام الحلو حتي لو زودها لكن علشان مصلحتك ومصلحت الاولاد عادي ما في خجل يعني بتتصلي فيه وبتواصلي معاه وبتءولي له انا محشني صوتك وووجودك معنا في البيت حسك معنا بيعطيني قوه وحب للحياه انت نسيتنا احنا لاء ومن هلكلام وكتري والحي با اتصالات والمسجات الغزل الحلوه وبالتوفيق
#24

افتراضي رد: مكسوفة اتكلم

ربنا يقويكى ويصبرك بس لازم تيجى على نفسك وتكلمية انا عارفة انها حاجة هتجرح احساسك بس انتى ليكى حق علية قولى انك محتاجة له وكمان اولادة لازم يشوفوه عشان ما يتعودوش على كدة وانا متاكدة انهم محتاجين يحسوا الامان وياة وانتى مرة بمرة ممكن يستجيب وربنا يهدية عشان دة شرع ربنا وواجب وفرض علية
#25

افتراضي رد: مكسوفة اتكلم

انا مع راىء مرمورة لانة هو مش حساس بالى انتى فية لانة فعلا عندة البديل كمان هو حرمك من حق الشرعى ليكى وكمان مبيتكلمش معاكى فى الموضع دة لانة عارف انه مقصر معاكى وانا اسفة فى اللى هاقولة خايف يتكلام معاكى فى الموضع علشان ميعرفكيش انك ممكن تبص لاى حد بس لنتى حفطة ربك وصينة عرضك وكمان انتى لازم تشيل الكسوف الللى انتى فية لانه هو جوزك ومن حقق عليه انك تكلمى معه وتعرفية بكل اللى انتى بتحسى بيه وربنا يهديلك الحال
#26

افتراضي رد: مكسوفة اتكلم

رأيى من رأى البنات
اعملى استخارة وفكرى وربنا يهديلك حالك
إظهار التوقيع
توقيع : bassouma
#27

افتراضي رد: مكسوفة اتكلم

اللهم فرج كربها
#28

افتراضي رد: مكسوفة اتكلم

السلام عليكم انا كمان مع راى البنات واية اللى مصبرك على كل دى وكمان اية ولادك مش واحشينة وقال الله تعالى عاشروهن بالمعروف او سرحوهتن باحسان ربنا يصلح حالك اتكلمى معاة وانصحية لوجة الله لو فعلا بتحبية علشان ربنا هيسالوا عن ذنبك انت وولادك يوم القيامة
#29

افتراضي رد: مكسوفة اتكلم

ربنا يكون معاكى بجد لانك موافقه تكونى زوجه تانيه بس احتياجاتك كست لازم يراعيها ولازم العدل بينك وبين الزوجه التانيه فهميه انك باقيه عليه وبتحبيه ومش عاوزة اى حد غيرة بس لازم يديكى حقوقك والحقوق مش مجرد فلوس بس الست بتحتاج زوجها جنبها يحميها ويحبها ويضلل عليها اهم مليون مرة من الفلوس
ربنا معاكى يصبرك ويعينك على حالك
#30

افتراضي رد: مكسوفة اتكلم


لا طبعا لازم تتكلمى معاه من حقك انه يحصنك هو عايش حياته طيب وانتى اكيد فيه حل لازم ينزل
#31

افتراضي رد: مكسوفة اتكلم

الأخوات متزوجات آن شاء الله يفيدوك
الله يسير آمرك
إظهار التوقيع
توقيع : جمون
#32

افتراضي رد: مكسوفة اتكلم

مفيش ظروف عمل تمنع الواحد من اخذ ولو اجازة اسبوع بعد عمل سنة او اكثر
الحي عليه لينزل ليراكم و لو ليومين ولما يجي اتكلمي معاه بصراحة وم حتشوفي ان اجازة يومين راح تبقى شهر ولا شهرين
إظهار التوقيع
توقيع : tinhinane111
#33

افتراضي رد: مكسوفة اتكلم

قوليله انك تبغى تسافري معه وخلاص
#34

افتراضي رد: مكسوفة اتكلم


المشاركة الأصلية كتبت بواسطة مرمورة
يصي يااختي انا رأيي يمكن كتير هيعرضوني عليه جوزك شكله سايق فيها هو لو كان هناك من غير ست كان اتكلم معاكى في الحجات دي وكانت هيكون عنده نفس الأحتياج واكتر لكن هو معاه زوجه فرغبته واحتياجه العاطفي بيلاقيه بكل سهوله انا رأيي الأول تكلميه بمنتهى الصراحه والوضوح لأن هو اكيد مستغل فيكي نقطة الكسوف دي ابعتيله رساله على موبيله قوليله الرسول سأل ام المؤمنين عائشه ما المده التى تستطيع فيها المرأه بعد زوجها فقالت له 4 اشهر فأمر الجنود بالنزول الى زوجاتهم كل 4اشهر كلميه انك ست وزهقتى ومحتاجله جنبك في كل شئ في الرغبه والحب ولعشره حتى في قاعدته ياكل جنبك وفي مشيته معاكي في الشارع ايده في ايدك وفي صوت نفسه وهو نايم جنبك وكل حاجه انتى محتاجله فيها حسسيه ان بغيابه ده هيضيعك من ايده لكن طول ما انتى ساكته عن حقك عمرك ما هتخديه لان الحق لما يبعد ويتوه لازم تطلبيه وتعملي كل اللي في وسعك علشان تخديه وكمان ليه مكسوفه اوى كده وانتى بتكتبي المشكله وبتقوليلنا متفهمونيش غلط هو حد في الدنيا يقدر يحرم على انسانه الأحتياج لزوجها حد يقدر يحرم حلال ربنا وجهى زوجك يااختى بهدوء واركنى الكسوف شويه على جنب

الله ينور عليكى
إظهار التوقيع
توقيع : Frawla
#35

افتراضي رد: مكسوفة اتكلم

rabna ysabbarik yakhti amiiiiin


قد تكوني مهتمة بالمواضيع التالية ايضاً
الموضوع كاتب الموضوع المنتدى
مكسوفة من مقاس رجلك . من قصرك . او طولك . من سمارك . او بياضك ربي رضاك والجنة فتيات تحت العشرين
عاوزه اتكلم مع حد Sara y.ebrahi فضفضة وحل المشاكل
محتاره اتكلم والا اسكت؟بالله عليكم الحقوني الى الله سائره فضفضة وحل المشاكل
باتكسف اتكلم مع زوجي كلام حلو غير مسجل فضفضة وحل المشاكل
مكسوفة منكم جورى خان فضفضة وحل المشاكل


الساعة الآن 02:16 AM

الاتصال بنا - عدلات - الأرشيف - أعلي الصفحة

جميع المشاركات تمثل وجهة نظر كاتبها وليس بالضرورة وجهة نظر الموقع


التسجيل بواسطة حسابك بمواقع التواصل