هقولكم الاول الخلطة دي أثرها ايه ومميزاتها وعيوبها :
بتفتح الاماكن الغامقة
بتوحد لون البشرة
بتشد الجسم لو فيه مناطق مترهلة
بتنعم بطريقة خيالية
ريحة الجسم بتفضل رووووووووعة
اعرقي زي مانتي عايزة لا مزيلات ولا سبريهات ..
عيوبها للناس اللي بتكون متسربعة ع رزقها [IMG]https://files.***- ***- *.com/bigsmilies/mood1.gif[/IMG] هي بتاخد فترة شهرين
بس اللي عايز الجمال الحقيقي هايستحمل طبعآ لان النتيجة فوق الرائعة
يعني لو عروسة وفرحك فاضله كام شهر ابدأي اعمليها واستمري عليها وهتلاقي نفسك
ليلة فرحك مش محتاجة غير حمام مغربي صغيور وبس مش تيجي قبل الفرح بأسبوع وتصوتي [IMG]https://files.***- ***- *.com/bigsmilies/mood1.gif[/IMG]
عارفاكم انا .,
طيب نيجي بئا للمكونات وهنشوف الصور وازاي نحضرها وازاي نستخدمها
الخلطة عبارة عن كريم يعني هنعمل كريم بيتي وحاجته متوفرة ومش هاتكلفك
والبشرة هتمتصه .,
هاتجيبي صابونة حلوة زيك كده وريحتها احلى واهم حاجة تكون ريحتها حلوة
عندك دوف نيفيا بالموليف كاميه اي نوع انتي حباه
وهاتجيبي 4 معالق زيت الزيتون
4 معالق جلسرين
ليمونة كبيررررررة
ماء ورد
الطريقة بئا ركزوا فيها ومحدش يكتر ف المقادير دي ويقولي علشان تجيب مفعول تبئا مظبوطة بالله عليكم .,
هانجيب الصابون وانا اخترت نيفيا بزيت اللوز
ونبشرها ف طبق او اي حاجة عميقة زي كده هيكون ده شكلها
وبعدين هنجيب زجاجة ماء ورد يعني مقدار الصابونة كلها = مقدار زجاجة ماء ورد كاملة
وهتخلطيهم كده هيكون ده شكلها
وبعدين هنعمل حمام ماء ازاي ؟؟ هتغلي مية وتحطيها ف حاجة عميقة وتحطي الطبق او المج
في المية دي وتفضلي تقلبي لحد لما تحسي ان الخليط ساح معاكي كده
وبعدين تضيفي زيت الزيتون ده اي نوع عندك وتضيفي الجلسرين اللي هو ده من اي صيدلية
وبعدين تعصري الليمونة ع الخليط وتقلبي تفضلي تقلبي لما تحسي مفيش كلاكيع وعمل كريم معاكي
هايبئا شكله كده
ولو انتي كسولة زيي ومش كل شوية تدخلي تعملي شوية اعملي كمية واحفظيها ف علبة كده وحطيها ف التلاجة
كده ده الشكل النهائي
مش هايحصلها حاجة
طبعآ الريحة هتكون روووووووعة من الصابون ومية الورد والنعومة من الجلسرين وزيت الزيتون
والتفتيح من الصودا اللي ف الصابون والليمون والشد لما تحطيه ف التلاجة وتستخدميه من التلاجة ده بيشد الجسم .,
طيب الاستخدام بئا ., طبعآ ده كريم وهيمتصه بشرتك يعني لا هي خلطة بتفضل ع الجسم ولا اي حاجة
انتي زي العسل كده تدخلي حمامك الصبح وتدهني جسمك كله بالكريم او لو عندك مناطق غامقة معينة ادهنيها
والبسي لبسك عادي خلصي شغل البيت وغدي العيال وغدي أسدك وادخلي خدي حمامك عادي
نزلي مية دافية ع جسمك وبالليفة المغربي وبحركات دائرية ونشفي وشوفي النعومة والريحة اللي مش هتطلع منك
الاستخدام ممكن 3 مرات ف الاسبوع لمدة شهرين هتلاقي نفسك قشطة .,
ملحوظتين بئا انا عارفة رغيت كتير استحملوني بس بحب ادي كل حاجة حقها
وبالذات ف الخلطات والحاجات دي لان دي مسؤلية ..
الليمون : اللي عندها حساسية منه او التهابات او بيحصلها منه حاجة الله يكرمكم بلاش منها ..
والصابون: فيه ناس ممكن لما بتحطه ع جسمها وتسيبيه ممكن يضايقها او يحمرلها جسمها
طبعآ انتي ادرى بجسمك وحساسيته تجاه الحاجات دي فخدي بالك كويس جربي ف منطقة صغيرة الاول
..
منقول من وحده اسمها
دلوعه زوجي مجربه الوصفه
ويارب يكون نقلي افادكم
تحياتي