أو

الدخول بواسطة حسابك بمواقع التواصل



عدلات

> منتديات عامه وثقافيه

> المنتدي الادبي

> قصص - حكايات - روايات

الواد نطق قبل اوانه ^ــ^

إضافة رد  أضف للمفضلة
https://adlat.net/showthread.php?t=58991
3552 8
#1

129873 الواد نطق قبل اوانه ^ــ^

الواد نطق قبل اوانه ^ــ^





الواد نطق قبل اوانه ^ــ^

الواد نطق قبل اوانه ^ــ^





الحلقة الأولى ( عمليات التجميل )


انتى يا ست هانم قومى ردى عليا ما تعمليش نفسك نايمة
عايز ايه يا اشرف
قومى يا هانم كلمينى زى ما باكلمك
ادينى قومت عايز ايه بقى
فين الشرابات النضيفه يا ست هانم




يعنى انت مصحينى من احلاها نومه علشان تسألنى عن شراباتك
امال اسأل مين امى يعنى
يا اخى حرام عليك ده انا ما باصدق اتخمد
و انا مالى بالكلام الفارغ ده كله

اصطبحنا و اصطبح الملك لله . هانبتدى خناقة كل يوم الصبح .
حد يقولى اعمل ايه فى الناس دى طيب

مالك ايه مش ابنك ده اللى سهرانه طول الليل بسببه و ما صدقت لسه نايم من ساعتين

و مادام انتى عارفه انى لسه متنيل نايم من ساعتين
مش تخلى عندك دم و تاخديه و تطلعوا تتخانقوا بره

اه صحيح قبل ما انسى احب اعرفكم بنفسى
انا ادم ابن اشرف و مها و كلها يومين و اكمل 9 شهور بالظبط ان شاء الله

انتى عايزة تجننينى . ما كل الستات بتخلف و بتعرف تاخد بالها من جوزها كويس
و لا هى اللى تخلف تتطلق بقى

و الله يبقى احسن

هو ايه اللى احسن يا ست مها

يا نهار ابيض معلش يا جماعه مضطر اسكتهم
لحسن الموضوع شكله هايكبر

انا اسف على الازعاج اللى هاعمله لكم بس غصب عنى و الله

عاجبك كده اديك صحيت الولد
انا برضه اللى صحيته و لا صوتك هو اللى صحاه

يا اخى حرام عليك بقى . معلش يا ميدو يا حبيبى حقك عليا انا يا قلبى
نام يا روح مامى خلاص
الحمد لله الخطة جابت نتيجة اكمل نومى بقى

فاتت ساعه و اتنين و تلاته و ادم نايم و مها صحيت تخلص اللى وراها

الواد نطق قبل اوانه ^ــ^



استغفر الله العظيم يا رب
يعنى لازم اعمل بى بى دلوقتى

حبكت بعد النوم ما حلى فى عينى
و كنت باحلم انى باكمل حلقة توم و جيرى اللى مالحقتش اكملها
بسبب الماتش الزفت بتاع امبارح ده

انا لازم بعد ما اكبر احوش و اجيب تليفزيون

اه مش قادر طب امسك نفسى ازاى بس
يالا بقى ما بدهاش ما انتوا مش غرب . بس اللى بيقرف يطلع بره

ايه ده ماما مش فى الاوضه . معلش مضطر ازعجكم تانى
علشان تيجي تغير لى . اصل بعيد عنكم ما باستحملش التسلخات

لامؤاخذه ما انتوا كنتوا عيال و فاهمين بقى

ايوه يا ادم جايالك يا حبيبى
ايه ده دى جايه ترضعنى
يا ادم ارضع بقى ما تغلبنيش ورايا شغل كتير

طب افهمها ازاى دى يا ستى انا مبلول .
حد يقولى اقولها لها ازاى طب اعيط اكتر يمكن تفهم

مالك بس يا حبيبى . بطل عياط و ارضع يا بابا

يالهوى على دى وليه . انا مش جعان أنا مبلول يا حاجة

على فكرة انا ناوى لما اكبر اخترع بامبرز بيصفر اول ما يتبل

طب اعمل لك ايه . انت عندك مغص و لا ايه

يا نهار اسود دى بتسألنى . ارد عليها ازاى
طب و النبى اى حد ابن حلال فيكم يقولها . هاموت يا ناس

ورينى كده يا ميدو تكونش مبلول يا حبيبى
ايوه كده . اخيرا فهمتنى
غيرت البامبرز . انام شوية بقى

وللحديث بقية



الواد نطق قبل اوانه ^ــ^


إظهار التوقيع
توقيع : ♥ احبك ربى ♥
#2

افتراضي رد: الواد نطق قبل اوانه ^ــ^

ههههههههههههههههه
موتيني ضحك يا بت
ههههههههههههههههههههه
إظهار التوقيع
توقيع : الـمـتـألـقـة
#3

افتراضي رد: الواد نطق قبل اوانه ^ــ^

والله حميل
ههه
شكرا ليكى
إظهار التوقيع
توقيع : لحظة حنين
#4

افتراضي رد: الواد نطق قبل اوانه ^ــ^

هههههههههههههه
حلوة كتير يلا كمليها عجبتني جداً
إظهار التوقيع
توقيع : لؤلؤة الايمان
#5

افتراضي رد: الواد نطق قبل اوانه ^ــ^

روعه حبيبتى
إظهار التوقيع
توقيع : هبه شلبي
#6

افتراضي رد: الواد نطق قبل اوانه ^ــ^

هههههههه جميله جدا والله برافوا عليكى جديده وعجبتنى جدا هتكمليها امته بقااااااا ما تخليكى جدعه وتكمليهالنا دلووووقتى
إظهار التوقيع
توقيع : ام نيرة
#7

افتراضي رد: الواد نطق قبل اوانه ^ــ^

هههههههههههههههه اولادي بتفرجوا علي قالوا مالها ماما انجت ههه بتضحك مع حالها
إظهار التوقيع
توقيع : عابره طريق
#8

افتراضي رد: الواد نطق قبل اوانه ^ــ^

هههههه دنا الشارع كله ارب يتلم هيقولو الوليه لاسعت من الصدمه هههههه
مستنينك

إظهار التوقيع
توقيع : عمرحبيب مامي
#9

افتراضي رد: الواد نطق قبل اوانه ^ــ^

الحمد الله انى عارفت ابسطكم شويه وخصوصا ام عمر
ربنا يجعل دايما الابتسامه لاتفارق وجوهكم
وشكرا لتواجدكم
وانتظرونى مع الحلقه الجايه
إظهار التوقيع
توقيع : ♥ احبك ربى ♥


قد تكوني مهتمة بالمواضيع التالية ايضاً
الموضوع كاتب الموضوع المنتدى
تدريب الطفل المعاق على نطق الأصوات المتحركة,تدريب الطفل المعاق,التدريب ربي رضاك والجنة ذوي الاحتياجات الخاصة
اضطرابات نطق الاصوات,ماهو اضطراب نطق الاصوات,ماهو علاج اضطراب نطق الاصوات ريموووو العيادة الطبية
الواد نطق قبل اوانه ^ــ^ ( فى بيت جدو ) ♥ احبك ربى ♥ قصص - حكايات - روايات
الواد نطق قبل أوانه ^ــ^ الحلقه 3 ♥ احبك ربى ♥ قصص - حكايات - روايات
الواد نطق قبل اوانه ^ــ^ الحلقه التانيه ♥ احبك ربى ♥ قصص - حكايات - روايات


الساعة الآن 08:24 AM

الاتصال بنا - عدلات - الأرشيف - أعلي الصفحة

جميع المشاركات تمثل وجهة نظر كاتبها وليس بالضرورة وجهة نظر الموقع


التسجيل بواسطة حسابك بمواقع التواصل