أو

الدخول بواسطة حسابك بمواقع التواصل



عدلات

> منتديات عامه وثقافيه

> حوارات اجتماعية مفتوحة

تعالوا اعرفكم على هى وهو

إضافة رد  أضف للمفضلة
https://adlat.net/showthread.php?t=59017
2544 9
#1

حوار تعالوا اعرفكم على هى وهو

هى بنت برئه توفى والدها وهى عندها 13 سنه حنونه لابعد الحدود وطيبه جدا
هو شاب صغير فى السن من اسره مفككه اب متزوج كام مره
هو كان بيعمل عند جيرانها سواق
[هى وقعت فى غرام هو وحبته باخلاص وكانت بتقابله من وراء اهلها
هم اهلها عرفوا بالموضوع وحاولوا يمنعوها من انها تشوفه او تعرفه
هى وقفت فى وشهم وقالت ياهو ياهموت نفسى





هم خافوا عليها من انها تهرب معه او تموت نفسها
اتجوزوا واهلها ضحوا على شانها كتير
عاشت هى مع اهل هو فى البيت وكانت بتخدمهم كلهم
بعد فتره من الجواز لم يحصل حمل
هو راح لدكتور فحص نفسه واطئن على نفسه وبعدين راح لاهلها وقال انا كويس شوفوا بنتكم عندها ايه
اهلها كشفوا عليها وصرفوا هما عليها
هى انشغلت فى خدمة اهله وكانت بتخدم الصغير قبل الكبير
هو كان بيعمل سواق وكان طبعا بيشوف اشكال كتيره من النساء
هو اتعرف على وحده وكانت هى كمان متزوجه وكان جوزها مسجون ومعاها ولد منه
هى عرفت ان هو بيخونها
وبعد 6سنين من الزواج الله اعطاها بنتين تؤام
هى فرحت كتير وفكرت انها كده هتعيش فى سعاده
هو سمى بنت منهم على اسم امه والثانيه على اسم عشقته
طبعا هى ماكانتشى تعرف
وبعد فتره تاكدت هى انه بيخونها طبعا كان كل تفكرها فيه وانها بتحبه وانها مش هتعيش من غيره
حاولت الانتحار ولعت فى نفسها كان عندها حريق فى اماكن مخفيه من جسمها وبقيت بالمستشفى شهرين وهى بتعذب من اثار الحريق وهو مع عشقته ومش حاسس بها ولما كان بيروح يزورها كان بيخدها معه ويسبها فى العربيه
هى كانت بتحس بالسعاده لما بيروح يقعد معها شويه
ولما جت تعمل عمليه تجميل اهلها طلبوا منه فلوس على شان العمليه قالهم هاروح اجيب واجى ومرحشى تانى
هى خرجت من المستشفى وراحت على بيتها وبعد فتره راح هو وقال لها انا هتجوز اليوم وجيت اقولك احسن ماتعرفى من حد تانى
هى الدنيا اسودت فى عيونها بس فكرت فى بنتها المره دى
طبعا هو عاش عند الزوجه التانيه وترك هى بس كانت لسه مراته وشتغلت فى كل حاجه واى حاجه على شان تربى بنتها وطبعا هو ماكنشى بيصرف عليها ولابناته
هى عاشت مع اهله فتره ولما امه ماتت طردوها
راحت عاشت عند اهلها وعلى شان تكون سعيده اخوها عمل لها بيت خاص فيها وكانت بتعمل على شان تربى بنتها
هو كان بيظهر فى حياتها كل فتره ولمده قصيره كان بيطمئن عليها وبعد كده بيختفى
ويوم راح قال لها انامعى مبلغ صغير تعالى كملى عليه ونشترى بيت نقعد فيه انا وانتى ومراتى الثاتيهb][/size]
[/color]


إظهار التوقيع
توقيع : زهره التحرير
#2

افتراضي رد: تعالوا اعرفكم على هى وهو

شوقتينا للقصة ننتظر التكملة


رد: تعالوا اعرفكم على هى وهو
#3

افتراضي رد: تعالوا اعرفكم على هى وهو

اين الباقى
#4

افتراضي رد: تعالوا اعرفكم على هى وهو

طبعا هى صدقت كلامه ودفعت له المبلغ اللى كانت محوشاه لبنتها وضحك عليها بعد فتره تانيه قال لها انا عيز اسافر اكون نفسى بس لانى مش واثق فى مراتى الجديده عايزها تعيش معاكى طبعا هى لم توافق
ومرت الايام وهى وهو مابيشوفوش بعض لدرجة انها كانت بتمش فى الشارع على امل انها تشوفه لانه وحشها
مرت السنين والبنات كبروا ووحده منهم جلها عريس قريب لامها ولما حبوا يخدوا راى ابوها قال انا معنديش بنات
كل دا على شان يهرب من جهاز البنت ولما قالولوا فين الفلوس اللى امها اعطتهالك قال انا مختش حاجه
المهم بمساعده من اخوها ومنها البنت الاولى اتجوزت وابوها محضرشى الفرح ولا راح زرها مره البنت الثانيه هى كمان اتخطبت وامها بدات تجهزها
والبنت التانيه كانت بتسلى نفسها فى الشغل وفى يوم دخل عليها ابوها المحل اللى كانت فيه ولما شافتوا اغمى عليها وقالت له انا بكرهك ومش عايزه اشوفك
هو اعد يبكى امام الناس ويقول بنتى مش عايزه تشوفنى
وراح عند بنته المتزوجه وحب يصالحها وقال لها شوفى اختك ايه اللى نقصها وانا بجيبه لها على شان اكفر عن ذنبى ولما طلبت منه مش على شان هى عايزه بس على شان تشوفه هيجيب ولا لا وطبعا كاالعاده هرب من جهاز البنت التانيه
ولان اهلها محترمين عرفوامعاد كتب الكتاب لبنته ولما راح
الشهود بيسالوا البنت من وكيلك قالت خالى لانه هو اللى مربينى على الرغم ان خالها قال لها وكلى ابوكى بس البنت ما رضيتشى خالها ضربها بالالم على شان احرجت ابوها
البنت اتجوزت ويوم الفرح حضر ابوها زى اى واحد غريب ولما يمسك ايدها ويرقص البنت تزعل ولما خلها يمسك ايدها البنت تفرح وترقص
ولما البنات اتجوزوا واتجهزوا احسن جهاز هو حب يصالح هى لما شفها فى الفرح افتكر حبه لها بس هى ولاول مره قالت له لا والبنات قالوا لا
واخيرا هى طلبت الطلاق من هو بعد ماطمئنت على البنات ولسه من شهر واحد بس طلاقها
تفتكروا ايه احساس هو وهى
انتوا عرفين هى اقرب الناس لى وتعلمت منها انى اسمع كلام اهلى واتجوز اللى هما يختاروه لى والحمد لله اناسعيده فى حياتى
حبه اسئلكم سؤال الجواز عن حب افضل ام اللى اهلك يختاروا
الحب بينتهى بعد الجواز ولا بيبتدى
الحب بيجى مع العشره ولا لا
ردوا عليه
إظهار التوقيع
توقيع : زهره التحرير
#5

افتراضي رد: تعالوا اعرفكم على هى وهو

قصة جميلة جدا
وحزينة

شوفي انا ماشي متزوجة
لكني أؤمن بالزواج التقليدي وكل شي يجي بالعشرة يكون صادق مبني على الإحترام و التفاهم
إظهار التوقيع
توقيع : mahee
#6

افتراضي رد: تعالوا اعرفكم على هى وهو

[QUOTE=mahee;500786][COLOR="DarkRed"]
قصة جميلة جدا
وحزينة

شوفي انا ماشي متزوجة
لكني أؤمن بالزواج التقليدي وكل شي يجي بالعشرة يكون صادق مبني على الإحترام و التفاهم
[/COLOربنا يرزوقك بابن الحلال
صح كلامك وعن تجربه
إظهار التوقيع
توقيع : زهره التحرير
#7

افتراضي رد: تعالوا اعرفكم على هى وهو

حبيبتى انا حاسه ان القصه دى حقيقيه واحب اشكر هى على كل التضحية اللى عملتها علشانك انتى واختك وياريت تخليكوا دايما فاكرين كل اللى هى عملته عشانكم وتشيلوها فى عنيكم اما هو فليس له فيكم حق لكن لابد من صلة الرحم حتى لاتغضبى ربك فبرضه اسالو عليه وشوفوه لو عايز حاجه .

اما بالنسبه للزوج اللى بيختاره الاهل فى معظم الاحيان بيكون اختيارهم صح وبيكونوا شايفين ان ده هو المناسب ليكى وبالنسبه للحب فهو بيجى بالعشرة الطيبة والمعاملة الحسنة بين الزوجين ومادام فيه تفاهم بينهم وصراحه فباذن الله ربنا حيكرمهم ويعيشوا فى سعاده دائما.
وعايزه اقولك مش كل اللى بيحب قبل ان يتزوج بيكون سعيد فى حياته - انا اعرف ناس واخدين بعض على حب ومع ذلك دائما ما يتشاجروا ومفيش بينهم تفاهم وممكن توصل للطلاق فى اوقات كثيره .
فاذا دى كانت حكايتك وانتى تزوجتى برغبه اهلك وتقولى انك سعيده والحمد لله - فعلى بركه الله وربنا حيكرمك انشاء الله طالما نيتك سليمة وزوجك صالح وربنا يهدى سركم ويسعدكم دائما باذن الله.
#8

افتراضي رد: تعالوا اعرفكم على هى وهو

حبيبتى هى اختى الكبرى والحمد لله هى عيشه الان لاحفدها وانا مكنتش عايزه اكرر نفس الحكايه معى لذلك انا اتجوزت وعملت اللى هى معرفتشى تعمله وهى فخوره بكده
إظهار التوقيع
توقيع : زهره التحرير
#9

افتراضي رد: تعالوا اعرفكم على هى وهو

يااه صعبة اوى
انا كمان مع ماهى الحب بييجى بعد الجواز
#10

افتراضي رد: تعالوا اعرفكم على هى وهو


المشاركة الأصلية كتبت بواسطة لافالانتينا
يااه صعبة اوى
انا كمان مع ماهى الحب بييجى بعد الجواز
شكرا لمرورك حبيبتى بس دا على شان نتعلم ازاى نختار شريك الحياه
إظهار التوقيع
توقيع : زهره التحرير


قد تكوني مهتمة بالمواضيع التالية ايضاً
الموضوع كاتب الموضوع المنتدى
اسماء اولاد من القرآن 2024 واسماء جديدة جدا ونادرة مع معانيها اجمل اسماء الذكور المهاجرة اسماء اولاد
موسوعة الأغذية المفيدة, فوائد دوائية في أغذيتنا اماني الغالية الطب البديل
دليل الحاج والمعتمر والزائر على حسب الطريقة الشرعية الموافقة للسنة النبوية krimboch المنتدي الاسلامي العام
سلبيات ادم فى عين حواء عـدلات الثقافة والتوجيهات الزوجية
اول روايه لي انا الورده المخمليه (عيناه تبوح بماعجز عن نطقه لسانه ) الورده المخمليه أقلام عدلات الذهبية


الساعة الآن 05:25 AM

الاتصال بنا - عدلات - الأرشيف - أعلي الصفحة

جميع المشاركات تمثل وجهة نظر كاتبها وليس بالضرورة وجهة نظر الموقع


التسجيل بواسطة حسابك بمواقع التواصل