أو

الدخول بواسطة حسابك بمواقع التواصل



عدلات

> الاقسام الأسرية

> فضفضة وحل المشاكل

تفتكروا ليه عملت معايا كده

إضافة رد  أضف للمفضلة
https://adlat.net/showthread.php?t=62963
7728 28
#1

تفتكروا ليه عملت معايا كده

السلام عليكم ورحمة الله وبركاته يااخواتى انا مضايقه اوى من امبارح علشان موقف حصلي من مرات اخوايا ومش عارفه هي عملت معايا كده ليه الأول اشرحلكم في عجاله سريعه اخويا حب مراته دى من سنتين تقريبا وكان قبل ما يحبها بيمشي مع بنات كتير جدا يعنى تسالي من بتاعت الشباب بعد ما شاف مراته وعرف ظروفها انها اتجوزت صغيره واطلقت بعد كام شهر من جوزها ومعاها طفل حبها اوى وقالنا انه عايز يخطبها وفعلا خطبها واتجوزوا من حوالى شهر ونص وكمان هي دلوقتى حامل في شهر ووالله العظيم انا وامى اتفقنا اننا نعملها با يرضي الله ونعوضها اللى شافته في جوزها الاول ونعامل ابنها كأنه ابن اخويا وفعلا طول الشهر ونص دول واحنا بنتودد لها عن طريق ابنها باللعب والهادايا والكلام الطيب واقسم بالله لدرجة ان امى فكت الكمبيوتر بتعها وراحت وديته للولد لما عرفت بالصدفه انه بيحب يلعب ويشوف كارتون على الكمبيوتر ومواقف كتير بس مش عايزة اطول عليكم امبارح بقى اتصلت بيا تسأل على سيف لانه تعبان شويه زى ما انتم عارفين وقعدت تجرجرني في الكلام على واحده معينه ساكنه هنا في منطقتنا الوحده دي كانت بتحب اخويا بجنون لكن هو رغم انه بتاع بنات عمرة ما ادها ريق حلو لان سمعتها مش كويسه انا رديت عليها وقلتلها يامها والله احمد اخويا عمره مامشي مع البنت دي حتى الاسبوع اللى فات كنت واقفه انا وهو وماما في الشارع وقعدت هي تعدى من قدامه والله ما التفت ليها وفعلا يابنات ده اللى حصل وبعدين مسكت واحده تانيه فاتحه بوتيك برضوا عندنا وعايزه تعرف كان ليها علاقه بأحمد اخويا برضوا قلت لها لأ يامها احمد بيحبك ومن ساعة ما عرفك قطع كل علاقه كانت قبل كده وقعدت يابنات اقولها انتى زى القمر واخوايا مكنش يطول يتجوز قمر زيك علشان اديها ثقه في نفسها وعلى فكره البنت التانيه اللي سألتنى عنها فعلا اخويا اتعرف عليها ومشي معاها شويه لكن طبعا عمري ما اقول لمراته كده وكل ده علشان احافظ على بيته واستقراره المهم بعد ساعه من مكلمتها دي ليا لقيت اخويا بيتصل بيا وبيقولي (منك لله) بسبب الكلام اللي قولتيه لمراتى اتخنقنا ومديت ايدي عليها ملكيش دعوة بمها تانى ومتتصليش بيها تاني وملكيش دعوة بينا قلت له ايه اللي حصل قفل السكه في وشي كانت ماما معايا الوقت ده اتصلت بيه وقالتله تعالالي عايزاك لما جه قالها مها بهدلتني واتخنقت معايا اول ما دخلت من الباب وقالتلى اختك فضحتك قالتلي على كل البنات اللي كنت ماشي معاهم
عرفتنى كل حاجه يقولها يابنتى محصلش تقوله يعنى اختك كدابه دى حكتلى كل حاجه بالتفاصيل
ماما عرفته الكلام اللى انا قلته بلظبط وقالتله كده مراتك يابني عايزة توقع الدنيا وعايزة تعمل مشكلة من مفيش ودلوقتى انا زعلت من اخويا وهو كمان زعلان منى وماما قالتلى لو طلبتك تانى اوعي تردي عليها نسيبها في حالها علشان متعملش مشكله من مفيش وفي الأخر يبقى احنا السبب واخوكي يقول خربتولى بيتي رأيكم ايه يابنات اسمع كلام ماما ولا أديها فرصه تانيه وتفسروا بأيه كذبها عن لساني وليه عملت كده انا هتجنن ومحروق دمي على الأخر


#2

افتراضي رد: تفتكروا ليه عملت معايا كده

لا حول ولا قوة الا بالله انا برأيي مدام هي كده سيبيها بحالها لا تكلميها وحاولي تتجنبيها لانه واضح انها بتاعة مشاكل ولسا هاد اول الطريق يا ما رح تشوفي منها ما رح تخلصي فاحسن شي هلا انك تخلي علاقتك فيها رسميه
بس هلا بس يهدى اخوكي لازم تفهميه الي حصل وتواجهيها حتى يعرف انك ما غلطتي بحقها وبحقه ولو هي انكرت فوضي امرك لله وما تخليلها مجال تاخد منك حكي واذا التقيتوا ما تقعدي معها لحالكم خلي دايما في حدا معكم عشان اذا صار واتهمتك بشي تاني يكون معك شاهد
الله يصلحلك الحال يا رب
إظهار التوقيع
توقيع : عابره طريق
#3

افتراضي رد: تفتكروا ليه عملت معايا كده

عابرة لو وجهتها وطلعتها كدابه يبقى كده بعملهم مشكله واخويا عصبي جدا وهى حامل لو كدبتها قدامه هيتجنن وهيمد ايده عليها وهتبقى مشكله وده اللى مستحيل اقبله ربنا ما يجعلنى سبب في خراب بيت اعز انسان ليا
#4

افتراضي رد: تفتكروا ليه عملت معايا كده

انا رأيى زى عابرة طريق ملكيش دعوة بيها وشكلها مش سهله ممكن اوى تكون حرفت كلامك بس اللى اعرفه ان واحده بظروفها بتحافظ على بيتها اكتر من كده وبعدين حتى لو يعرف بنات قبل كده ايه يعنى مهو كل الرجاله كده دى حاجات وعدت وهى كانت متجوزه قبل كده يعنى مش موضوع تعمل عليه مشاكل واضح انها شكليه وقاصدة توقع بينك وبين اخوكى انصحك تخلى علاقتك بيها سطحيه وتحاذرى من الكلام معاها
#5

افتراضي رد: تفتكروا ليه عملت معايا كده

معناته احتسبي امرك لله وخليكي بحالك لانها اكيد بس تشوفك كده رح تسوق فيها اكتر
خليكي العلاقة رسميه جدا والله اريحلك
إظهار التوقيع
توقيع : عابره طريق
#6

افتراضي رد: تفتكروا ليه عملت معايا كده

حبيبتي الباب لي يدخل منو الريح سدوا و استريح،هناك بشر يصدق فيهم قول الرسول الكريم "اعوذ بالله من عبد لا يؤلف و لا يالف"و هذا ينطبق على هذه المراة
انا من رايي ان لا تتصلي بها ابدا و لا تجيبي على اتصالاتها يعني ليس هناك علاقة معها الا بحضور اخوك حتى لا تزيف كلامك و كفى الله المؤمنين شر القتال
إظهار التوقيع
توقيع : farcha
#7

افتراضي رد: تفتكروا ليه عملت معايا كده

لا حول ولا قوة الا بالله
معلش ياجميلة زى عابرة ماقالتلك حاولى تبقى بعيدة عنها
شكلها بتاعت مشاكل وانتى ماتديهاش فرصة تتكلم معاكى دلوقتى خالص
عشان تحس انها غلطت وماينفعش تعمل كده ابداً
اهم شئ روقى وماتخليش حاجة تحرق دمك
وربنا يصلحلك وييسرلك الحال
إظهار التوقيع
توقيع : dodo modo
#8

افتراضي رد: تفتكروا ليه عملت معايا كده

اولا الف سلامة على سيف ربنا يشفية ويعافية
اما بالنسبة لمرات اخوكى اعزريها علشان هى كانت مطلقة واكيد حاسة بالنقص وطبعا مفيش كلام بتحب اخوكى جدا
هى عملت كدة علشان بس توقعة بالكلام علشان لما يعرف انك قولتلها حاجة يعترف باللى هى عايزة تعرفة
انا رايى اديها فرصة تانية واحتسبى نيتها سليمة والايان جاية كتير لو كانت فعلا من نوع اللى بتوقع الدنيا ببعضها ابقى ابعدى عنها وخلصتى ضيرك

#9

افتراضي رد: تفتكروا ليه عملت معايا كده

راى انك تسمعى كلام ماما وتتعاملى مع مراه اخوكى فى حدود ويكون حدكمان موجود علشان متحرفش الكلام وواضح انها بتاعه مشاكل وربنا يهدى اخوكى وحاولى تصالحيه وربنا يوفقكم للى فيه الخير
#10

افتراضي رد: تفتكروا ليه عملت معايا كده


المشاركة الأصلية كتبت بواسطة عابره طريق
لا حول ولا قوة الا بالله انا برأيي مدام هي كده سيبيها بحالها لا تكلميها وحاولي تتجنبيها لانه واضح انها بتاعة مشاكل ولسا هاد اول الطريق يا ما رح تشوفي منها ما رح تخلصي فاحسن شي هلا انك تخلي علاقتك فيها رسميه
بس هلا بس يهدى اخوكي لازم تفهميه الي حصل وتواجهيها حتى يعرف انك ما غلطتي بحقها وبحقه ولو هي انكرت فوضي امرك لله وما تخليلها مجال تاخد منك حكي واذا التقيتوا ما تقعدي معها لحالكم خلي دايما في حدا معكم عشان اذا صار واتهمتك بشي تاني يكون معك شاهد
الله يصلحلك الحال يا رب
انا مع رأي عابرة واضيف هى الخسرانه
إظهار التوقيع
توقيع : نيڨين
#11

افتراضي رد: تفتكروا ليه عملت معايا كده

اللهم فرج كربها
#12

افتراضي رد: تفتكروا ليه عملت معايا كده


المشاركة الأصلية كتبت بواسطة دودو مودو
لا حول ولا قوة الا بالله
معلش ياجميلة زى عابرة ماقالتلك حاولى تبقى بعيدة عنها
شكلها بتاعت مشاكل وانتى ماتديهاش فرصة تتكلم معاكى دلوقتى خالص
عشان تحس انها غلطت وماينفعش تعمل كده ابداً
اهم شئ روقى وماتخليش حاجة تحرق دمك
وربنا يصلحلك وييسرلك الحال
ربنا يخليكي يادودو ان اللى مزعلنى انى كنت نفسي ابقى انا وهى اخوات واصدقاء وكنت
على الأثاث ده لكن هى قطعت حبال الود
#13

افتراضي رد: تفتكروا ليه عملت معايا كده


المشاركة الأصلية كتبت بواسطة نورى
اولا الف سلامة على سيف ربنا يشفية ويعافية
اما بالنسبة لمرات اخوكى اعزريها علشان هى كانت مطلقة واكيد حاسة بالنقص وطبعا مفيش كلام بتحب اخوكى جدا
هى عملت كدة علشان بس توقعة بالكلام علشان لما يعرف انك قولتلها حاجة يعترف باللى هى عايزة تعرفة
انا رايى اديها فرصة تانية واحتسبى نيتها سليمة والايان جاية كتير لو كانت فعلا من نوع اللى بتوقع الدنيا ببعضها ابقى ابعدى عنها وخلصتى ضيرك
انا وماما من اول يوم عزرنا انها مطلقه ده وقلنا نعالج الحته دي فيها بالمعامله الطيبه
وبالذات مع ابنها لان اكيد معملتنا لو حلوة مع ابها هتستقر كتير نفسيا لكن تقول كده لاخويا علشان توقعه يبقى برضوا هى بتاعت مشاكل والمشكله انها حجات قديمه مش عارفه بتفتحها ليه وبتعمل مشاكل ليه بصراحه مبقاش عندى ثقه اتكلم تانى معاها حتى لو هتعامل معاها تانى هحاس جدا على كلاي معاها اللى صعبان عليا ابنها لأنه اتعلق بيا جدا وبقى يندهلى ياعمتو
خايفه اتخلى عن الولد ده وربنا يعمل اللى فيه الخير
#14

افتراضي رد: تفتكروا ليه عملت معايا كده

حسبي الله ونعم الوكيل والله صفت موضة انه الكناين يبلشوا يحكوا ع بنات الحمى
ويألفوا حكي عليهن
هاي مو سهله والحق مو عليها الحق ع جوزها هو لازم اجا جمعكن مع بعض
وع اساسه يحكي معك ويصرخ عليكي مو بناء ع كلام الست يعطي الحكم
حسبي الله ونعم الوكيل اسمحيلي كان لازم اخوكي يكون موقفه غير كده لانها هلا شافت ردة فعله ورح تتمادى باكتر من هيك لانه راخيلها الحبل جوزها وحتى لو حكيتيلي ضربها وبهدلها بس مو لازم يزعل من اخته منشان مرته الكزابه المفتريه
الله يصطفل فيهن بس يلي من شكلها لك هدول افاعي سامه ديري بالك بس منها وما تحكي معها لا بالمنيحة ولا بالعاطله والباب يلي بجيك منه الريح سده وستريح لك هاي ماشيه ع مبدأ هي بتكزب والكلاب بتركض
فوضي امرك لربك وبس
لك واللهي يمهل ولا يهمل هو كبيييييير
إظهار التوقيع
توقيع : نسيم البحر
#15

افتراضي رد: تفتكروا ليه عملت معايا كده

ايه بعدين سبحان الله لو كان فيها خير ما رماها الطير
اكيد فهمتي هالمثل ما هيك
فلا عتب ع وحده متل هاي
معرووووووووووفه مين هي
إظهار التوقيع
توقيع : نسيم البحر
#16

افتراضي رد: تفتكروا ليه عملت معايا كده

حبيبتي اللي زي دي انسانة اما سيئة التصرف أو سيئة النوايا وفي الحالتين
اللي زي دي مكان ما تروح تعمل مشاكل
واخوكي مع الوقت هيعرف الموضوع ده لما توقعه هو في مشكلة من بتوعها وربنا يستر
تجنبيها ومتفتحيلهاش قلبك ولا تفضفضي معاها باي شيء في يوم من الايام
وواجهيها قدامة في وجود والدتك حتى لو ده هيسبب لها مشكلة مع اخوكي
عشان تبقى قرصة ودن وتتعلم من اللي حصل انها تبطل (عك) في الكلام وتلم على بيتها
إظهار التوقيع
توقيع : رحيق
#17

افتراضي رد: تفتكروا ليه عملت معايا كده

ولا تعبريها تاني ابدا خلي معاملتك معاها رسمي حتي بعد ما تتصالحي انتي واخوكي ان شاء الله لانها نفسيه غير سويه واتراضي انتي واخوكي وخلي علاقتك بيها محدوده ربنا يكفيكي شرها
#18

افتراضي رد: تفتكروا ليه عملت معايا كده

انا بقى حالتي اسوأ منك بكتير ونفس الموضوع برضة مع مرات اخويا وللاسف مع عليتنا كلها
وجعيتنا للاسف مينفعش احكيها ولا تتوصف بس هاقولك حاجة ربنا مش بيسيب حد واللي بيظلم اكيد ربنا مش هيسيبه خليكي وربنا هينصرك ومهما حصل عمرك مهتخسري اخوكي مهما حصل
الدنيا هتهدى بينهم وانتي خليكي بعيدة ومتدخليش تاني ابدا ولا حتى برمي السلام عليها لان ممكن تفسره بطريقة غلط وربنا يصبرك ويصبرنا
إظهار التوقيع
توقيع : وردة الحب الصافي
#19

افتراضي رد: تفتكروا ليه عملت معايا كده

الباب لي يجي منوا ريح سدوا وستريح لا تعبريها.
إظهار التوقيع
توقيع : هبة الرحمان2
#20

افتراضي رد: تفتكروا ليه عملت معايا كده


المشاركة الأصلية كتبت بواسطة مرمورة
ربنا يخليكي يادودو ان اللى مزعلنى انى كنت نفسي ابقى انا وهى اخوات واصدقاء وكنت
على الأثاث ده لكن هى قطعت حبال الود
معلش حبيبتى
ربنا يهديها ان شاء الله وتبقوا احسن من الاخوات
إظهار التوقيع
توقيع : dodo modo
#21

افتراضي رد: تفتكروا ليه عملت معايا كده

انا شايفة انها عملت كده لانها مش لاقية حل عشان تعرف اخوكي كان بيعرف مين
يعني خالليكي مكانها يعني لو تعرفي ان زوجك كان يعرف بنات قبلك كتير والله اكيد كنتي حتفكري دي كان بيحبها ولا دي كان شكلها احلي مني وحاجات كتير بتيجي في دماغ الست لما تكون الغيرة مشعللة قلبها
وممكن هو يكون رفض ان يحكي لها اي شيء فطبعا اتغاظت اكثر وبدأت تشك وعشان كده لجأت لكي انتي ولا تنسي انها حامل وممكن تكون كمان سنها صغير وفي وقت الحمل بتكون الواحدة حساسة جدا وتصرفاتها مضطربة شوية وممكن انها مش مدركة لنتيجة ال هي عملته هي كانت عايزة توقع اخوكي في الكلام وخلاص علشان تعرف كل حاجة وممكن تقول انتي اخته هو مش ممكن يزعل منك
يعني انا شايفه تصرفها عيالي شوية
وكمان هي مطلقة يعني ممكن تكون لسة بتعاني من اثار سلبية من زواجها السابق انا من رأيي انك تواجهيها وتسأليها هي ليه قالت لأخوكي كده وعرفيها كمان انك زعلتي منها جدااااااا وشوفي ردها ممكن يقنعك بس وضحي لها انك مش ممكن تقبلي منها اي تصرف مثل كده مرة تانية ولو هي خايفة علي صداقتكم مش ممكن حتكرر كده تاني واديها فرصة تانية وتالتة كمان لأن انا شايفاكي انتي وامك بتعملوها بما يرضي الله يعني خذيها من باب كسب الحسنات ورضاء الله وبعد كده رضاء اخوكي كمان ولو وقفتوا جنبها هي اكيد مش حتنسي كده وكمان هي لما ابنها بيكون مريض بتتصل بيكي انتي خصوصا عشان تسألك معني كده انها بتحبكم وبتعتمد عليكم
وممكن توضحي لاخوكي الحقيقة وتقولي له اعذرها هي ممكن تكون عملت كده عشان بتغير وعلي فكرة يومين كده واخوكي حينسي اصلا لان دي طبيعة الرجالة وحيصالح مراته وانتم ال حتبقي المشاكل بينكم بس وده حيأثر علي علاقتكم بأخوكي

وبلاش تبدأوا الحياة مع اخوكي وزوجته بمشاكل ومقاطعات جربي التسامح اولا ممكن تكون اول غلطة منها واخر غلطة
وان شاء الله يهدي بينكم
إظهار التوقيع
توقيع : nesrinaaa
#22

افتراضي رد: تفتكروا ليه عملت معايا كده

بصراحة ... رأي من رأي امك كلامها مزبوط مية المية
خليها على حالها وارتاحي من المشاكل ووجع الراس
وربي يعينك وترجع علاقتك مع اخوك احسن من قبل
بس حاليا خليك بعيدة عنها احسن
إظهار التوقيع
توقيع : salwa libya
#23

افتراضي رد: تفتكروا ليه عملت معايا كده

حبيبتى هى كدة وقعتك بالكلام وجرجرتك لحد ما عرفت
المهم حبيبتى اسمعى كلام ماما وادعيلها ربنا يهديها وواحدة واحدة اخوكى حبيبك هيرجع الاخوات عمرهم ما يهونوا على بعض واللى داخل بينهم خسران
إظهار التوقيع
توقيع : أم التوائم
#24

افتراضي رد: تفتكروا ليه عملت معايا كده

مرمورتى بصى ياقلبى
انتى عارفة أنك اختى وانا بحبك قد أية ولو حصل لك أى حاجة انا بكون مدايقة علشانك
المشكلة دى حلها فى كلمتين
الباب اللى يجيلك منه الريح سده واستريح
انتى كان نيتك خير وعماله تمدحى فيها وتشكرى فيها وهى ضربتك فى ظهرك ووقعت بينك وبين أخوكى يبقى سورى دى واحدة مش ساهلة لان اللى بيوقعو بين الناس دول بيكونو مش مظبوطين ومش ليهم أمان
فريحى دماغك منها خالص هى قابلتك ورمت عليك السلام ردى السلام وبس
وصباح الخير ياجارى انت فى حالك وانا فى حالى بس كدة
إظهار التوقيع
توقيع : semsemahasan
#25

افتراضي رد: تفتكروا ليه عملت معايا كده

الله يهديها
#26

افتراضي رد: تفتكروا ليه عملت معايا كده

حبيبة قلبي مرمورة
انا اعاني من زوجة الاخ هذه
نتكلم عادي تحرف الكلام علي مزاجها
ومن رايي تتجاهليها تماما لانها مش كويسة
وحاولي مايكنش بينك وبينها اي صدام من اي نوع
واحذرك منها ممكن تقلب الدنيا في ثانية
اما اخوكي كلميه واوعي تديها فرصة انها تبعدك عنه
وربنا معاكي
إظهار التوقيع
توقيع : sho_sho
#27

افتراضي رد: تفتكروا ليه عملت معايا كده

هقولك كلمة لله نادرا لما تكون مرات الاخ تحب اهل جوزها والغالبية مايحبوش الزوج يحب اهلة وخصوصا الاخت والافضل المعاملة معاها بحذر لانها عمرها ما هتحبك والله اعلم اتطلقت لية
#28

افتراضي رد: تفتكروا ليه عملت معايا كده

من الافضل انك تبعدى عنها خالص والله صدقينى كده هيكون احسن لك دانا لو حكتلوكم ع قصص مراتات اخواتى تتكتب ف مجلدات والله عاملين مشاكل معانا كتيرر جدا وفى الاخر انا واخواتى مبقناش نجتمع معاهم خالص هههههههه ربنا يهديهم جميعا متزعليش نفسك
إظهار التوقيع
توقيع : ام نيرة
#29

افتراضي رد: تفتكروا ليه عملت معايا كده

أنا من رأي نسرينا مع الحرص ف التعامل معاها
يعني تمسكي العصايا من النص
ولا تقاطعيها خالص و لا تخلي علاقتك معاها زي الأول لحد ما تتأكدي نيتها كانت ايه بالزبط
والرسول الكريم بيقول ما معناه ان الواحد يلتمس لأخيه سبعين عذرا
والتماس الأعذار ده بيحل مشاكل كتييييييير جدا
وربنا يهديكم لبعض يا رب


قد تكوني مهتمة بالمواضيع التالية ايضاً
الموضوع كاتب الموضوع المنتدى
اجازة الأولاد بدأت.. تعالوا لهذا الدرس الهاااااام أم أمة الله العناية بالطفل
فوازير صعبة جدا وجديدة جدا 2024 واجابتها فوازير مضحكة جدا هتمووت م الضحك yasmen ali الغاز وفوازير
بتحبي ربنا؟؟ طب ليه بعيده عنه؟؟ اومال ليه مش عايزة تدخلي دلوقتي؟؟ نسمه الكون المنتدي الاسلامي العام
هى البنات عملت كدا ليه !!!! حبيبة أبوها منوعات x منوعات - مواضيع مختلفة
غلاسه سكر زياده هبه شلبي فرفشة عدلات


الساعة الآن 10:50 PM

الاتصال بنا - عدلات - الأرشيف - أعلي الصفحة

جميع المشاركات تمثل وجهة نظر كاتبها وليس بالضرورة وجهة نظر الموقع


التسجيل بواسطة حسابك بمواقع التواصل