للبشرة

السلام عليكم
(ردو السلام ياقمرات )
اخباركم أن شاء الله فى أحسن صحة وأتم حال
من غير رغى كتير
انا أمبارح قاعدة وبقلب فى التليفزيون لان كالمعتاد التليفزيون مفيهوش أى حاجة عدلة الواحد يشوفها ياناس عاملة مظاهرات ياناس بتموت يا أفلام ومسلسلات تجيب المرض وتشيل ذنوب وخلاص
المهم لقيت برنامج ومستضفين فيه خبيرة تجميل
هى مغربية لكن فاتحة مركز تجميل فى مصر وعايشة فى مصر
المهم قالت كام حاجة مهمة أوى انا هقولكم عليها
1: قالت ان الطمى المغربى ده أسمة الاصلى غسول مغربى وفى منه اتنين (أبيض_وأسمر)
وقالت ان الابيض ده اللى بيتحط على الوش (الوجه) فقط ونتيجة بتاعته مش بتقعد كتير يعنى بيبض البشرة لمدة يوم او يومين وقالت انها بتفضل انه ما يستخدمش اصلا لانه ليه أثار جانبية وحشة على البشرة
وقالت ان الطمى
الاسمر ده للجسم والشعر





وفى بنت أتصلت عليها وقالت لها عندى حبوب فى وشى ورؤؤس سودا وواحدة تانية كلمتها بردوا وقالت لها نفس الكلام بس قالتلها انا بشرتى حساسة
قالت لها على ماسك
قالت لها بتروحى الصيدلية وبتقولى للصيدلى عايز (طين أخضر ) وده موجود فى كل الصيدليات
والطريقة اهى (طين اخضر + ماء ورد ) بس بتعجنيهم لحد لما بتخلية عجينة لينة وبتحطية على وشك لمدة نص أو ثلث ساعة وقالت ان الماسك مابيقعدش اكتر من ثلث ساعة وقالتلها بتغسلية ويستخدم مرة فى الاسبوع
قالتها ده بينشف الحبوب وبيشلها تماما من البشرة وبينقى البشرة ويخليها نضرة

وقالت أن أى فاكهة حمرا حلوة اوى للوجه لانها بتخلى الوجه لونة وردى
ودى بعض الفواكهة
(فراولة _ بطيخ _ كرز _ طماطم )
وقالت طريقتهم بسيطة اوى الفراولة او ينوع من اللى انا كتبتهم بتهرسية بمعلقة وبتحطية على وشك لمدة 10 دقائق او ربع ساعة واغسلية ولو حابة تخرجى بعدها اخرجى لان بعد الماسك ده انتى مش بتحتاجى ولا كريم اساس ولا بوردة ولا اى حاجة من دى لان اى ماسك من دول بيدى لون احمر للبشرة حلو اوى

وقالت للهالات السوداء
كيوى أو باكيت الشاى ولاز م باكيت الشاى يكون ساقع أو قشر الخيار
ويتعمل اى حاجة من دول مرتين فى الاسبوع ومع المداومة عليه الهالات بتختفى بس لازم معاها النوم كويس واكل صحى
فى رعاية الله
ملحوظة :غير منقول
لا تنسونى بصالح دعائكم والتقييم