أو

الدخول بواسطة حسابك بمواقع التواصل



عدلات

> منتديات ترفيهيه منوعه

> منوعات x منوعات - مواضيع مختلفة

تاريخ الاخوان

موضوع مغلق  أضف للمفضلة
https://adlat.net/showthread.php?t=71005
8883 37
#1

افتراضي تاريخ الاخوان الأسود

وصلتنى هذه الرسالة البريدية عن جزء إسود من تاريخ الإخوان المسلمين ،وأردت أن أُطلعكم عليها .ولنتناقش حولها لو أردتم ذلك .
الرسالة .
فى مارس 1928 .. جلس شاب مع بعض رفاقه على أحد مقاهى الإسماعيلية ، مرتديا "بدلة وطربوش" .. لم يكن هذا الشاب سوى "حسن البنا" الذى قد تجاوز الثانى والعشرين من عمره .. ولم يكن يظن أحد أن يكون هو مؤسس أكبر خلية سرية للعنف فى مصر فى القرن العشرين .. وعندما سأله رفاقه عن إسم الجماعة السرية .. قال لهم "ألسنا مسلمين .. إذن فنحن جماعة الإخوان المسلمين!!" ... كان دستور تلك الجماعة هو القرأن والسيف والسياسة .. وكان شعارهم منذ البداية عبارة عن "سيفين بينهما مصحف" ..
** لم يكن أحد فى مصر يعلم شيئا عن تلك الجماعة ، أو مهتما بها .. ولم يلتفت أحد لنشاط "حسن البنا" الذى بدأ يتسع ليشمل معظم محافظات الوجه البحرى ..
** فى أكتوبر 1932 .. إنتقل "حسن البنا" إلى القاهرة ، وأصدر مجلة أسبوعية بإسم "الإخوان المسلمين" .. وأسس فروعا فى معظم المحافظات ، حتى وصل عددهم 120 جمعية .. ولأن السياسة هى الطريق إلى السلطة .. فقد بدأ الشيخ "حسن البنا" يلعب على كل الأحبال والقوى السياسية .. "الملك – الإنجليز – الأحزاب – الوفد – ضباط الجيش" ..
** إستدعى "فؤاد سراج الدين" .. "حسن البنا" .. وسأله "ياشيخ حسن .. هل أنتم جماعة دينية أم حزب سياسى؟!! .. لا مانع أن تكونوا حزبا سياسيا .. بشرط أن تعملوا فى النور ، لأنكم إذا رفعتم شعار "الله وأكبر .. ولله الحمد" .. فهذا غير معقول ، لأنه يخل بمبدأ تكافؤ الفرص بينكم ، وبين الأحزاب السياسية" ... ولكن "حسن البنا" خدعه ، وقال "نحن رجال دين فقط .. ولا نفكر فى السياسة" ...
** عندما تولى الوفد السلطة ، بعد حادث 4 فبراير 1942 .. نفذ الحزب خطة "سراج الدين" ، وتخلصوا من الإخوان ، ولم يسمحوا لهم بمزاولة نشاطهم إلا من خلال المركز العام فقط ..
** فى صباح أحد الأيام .. فى شهر مارس 1948 .. كان "أحمد الخازندار" .. وكيل محكمة إستئناف مصر ، ورئيس الدائرة الأولى للجنايات .. يخرج من منزله فى ضاحية حلوان ، فى ساعة مبكرة ، متمشيا بهدوء فى تلك الضاحية الجميلة .. وفجأة إنطلقت 11 رصاصة إخترقت ثلاثة منها قلبه وصدره ، وسقط على الأرض غارقا فى دمائه .. وسقطت ملفات القضايا التى يحملها وأسلم روحه لبارئها ...
** كانت جريمته أنه أصدر حكما ، قبل إغتياله بالسجن ثلاثة سنوات على بعض أعضاء الجماعة .. وكانت أدلة الإثبات دامغة ، وإستخدم معهم الرأفة .. فصدر حكم بإعدامه ، ونفذه شابان من أعضاء الجماعة ، أحدهما فى العشرين من عمره ، والأخر فى الثانية والعشرين .. وأثبتت تحريات البوليس أن الشابين قضيا ليلتهما فى أحد مقار جماعة "الإخوان المسلمين" ، وحملا السلاح ونفذا الجريمة ضد القضاء والعدالة والقانون ، لإرهاب قضاة مصر .. وتوجيه إنذار بالقتل إذا تجرأ أحدهم ، وأدان أية جريمة يرتكبها الإخوان ...
** فى صباح الثلاثاء .. 28 ديسمبر 1948 .. وفى العاشرة صباحا .. وصل "النقراشى باشا" إلى المبنى الرئيسى لوزارة الداخلية ، وأثناء صعوده درجات السلم الذى يحيط به حرس الوزراء .. أطلق عليه "عبد المجيد حسن" ، أحد كوادر الإخوان .. وكان مرتديا ثياب ضابط برتبة ملازم أول ، رصاصتين ، قضتا عليه فورا .. وكان السبب أن "النقراشى باشا" أصدر أمرا عسكريا بحل جماعة الإخوان المسلمين .. وأمر بضبط أوراقهم ، ووثائقهم وسجلاتهم ، ومطبوعاتهم وأموالهم .. وتعيين مندوب خاص ، مهمته تسلم جميع أموال الجمعية ، وتصفية ما يراه .. وكان ذلك بموجب مذكرة تلقاها النقراشى من "عبد الرحمن عمار" وكيل وزارة الداخلية لشئون الأمن العام ... أما عن القاتل فقد كان طالبا بمدرسة الطب البيطرى ، بجامعة فؤاد الأول .. وإعترف أنه من أعضاء جماعة الإخوان المسلمين .. وإعترف على خمسة من شركائه ، ثم إعترف بعد ذلك على تسعة أخرين ، وأحيلوا جميعا إلى المحاكمة العسكرية ...
** وقال النائب العام .. المستشار "محمد عبد السلام" فى مرافعته .. "لقد نكب المسلمون بأمثال هؤلاء ممن إتخذوا دين الله حجابا لستر نواياهم وقتل ضحاياهم .. إنهم ليسوا فقط عصابة خارجة على القانون ، وثائرة على النظام .. ولكنهم عصابة ضمت أخطر العناصر التى بليت بها مصر فى العصر الحديث" ... وقال "إنهم أوسع وأشمل وأخطر من أن يوصفوا بلفظ جمعية .. وإنما هم جيش إرهابى ، من بين وثائقه أوراق معنونة "قانون التكوين" .. وتتضمن عن كيفية تكوين وتنظيم الجماعة الإرهابية على نظم الخلايا ، من هيئة قيادة وأركان حرب وجنود ، وتكون فى مجموعها جيشا" ...
** فى عام 1965 .. خرج "سيد قطب" من السجن ، وكان يقضى عقوبة الأشغال الشاقة المؤبدة لمدة 15 عاما .. ولكن لم يمضى سوى أسابيع قليلة ، حتى أعاده "عبد الناصر" للمعتقل مرة ثانية .. وكانت التهمة هذه المرة هى التخطيط لقلب نظام الحكم ، والتخطيط لتخريب البلاد ، والقيام بسلسلة من الإغتيالات ، وشق القناطر الخيرية ، وإغراق الدلتا ، والتسلل إلى القوات المسلحة بتجنيد الشباب من ضباط الإحتياط ، والتسلل إلى الشرطة .. وقد تم ضبط شحنة من الأسلحة وصلت من السودان للتنظيم السرى للإخوان الذى أعيد تشكيله لتنفيذ الإنقلاب ...
** وإنتهت المواجهة الدموية الكبرى بالزج بكل قادة الإخوان فى السجون والمعتقلات .. "مصطفى مشهور – كمال السنانيرى – عمر التلمسانى – أحمد حسين – عبد العزيز عطية – مأمون الهضيبى – شكرى أحمد مصطفى" .. وغيرهم .. أما "سيد قطب" فكان مصيره الإعدام شنقا .. وكان السجن مثل الصوبة التى أفرزت عقول المعتقلين أفكار أشد سوادا من ظلمة الزنازين ، وأكثر إيلاما من بطش السلاسل الحديدية ..
** فى بداية حكم السادات .. طلب ملفات الإخوان المسلمين .. وقرر الإفراج عنهم فى صفقة سياسية سريعة ، لم يفهم أحد حتى الأن أسبابها .. رأى البعض أن "السادات" أراد أن يبدأ صفحة جديدة مع كل القوى السياسية ، لتجفيف منابع الحقد فى النفوس .. والبعض رأى إنه أراد إستقطاب عناصر التيار الدينى ، لمناصرته فى حربه ضد الشيوعيين والناصريين ومراكز القوى .. وأيا كان السبب ، فقد إنفتح الباب على مصراعيه لتيارات العنف ونافورات الدماء من جديد .. وإنتهت التراجيديا بقتل السادات نفسه فى المنصة فى عام 1981 ...
** كان خطأ السادات الكبير أنه ترك نجوم الإخوان يحكمون السيطرة على عقول الشباب .. تسللوا إلى الجامعات ، وإحتلوا وسائل الإعلام ، كما إخترقوا الداخلية .. فقد جمعت صداقة بين الشيخ "عمر التلمسانى" ، وبين وزير الداخلية "النبوى إسماعيل" .. وكان يتمادى فى الهجوم على الدولة ، بينما يتظاهر برفض العنف .. ونفذ بدقة الخطة التى أقرتها الهيئة التأسيسية للإخوان التى إنعقدت فى موسم الحج عام 1975 .. وكان مضمون تلك الخطة هى إعادة إحياء تعليمات "حسن البنا" فى شكل جديد ، والسير بالدعوة فى عدة إتجاهات سياسية وإقتصادية وثقافية وإعلامية .. وظهرت المشروعات الإقتصادية الإخوانية ، وشركات توظيف الأموال ، وتغلغل الإخوان فى الأحزاب خصوصا الوفد والعمل ..





** فى أحداث المحلة .. 6 إبريل 2008 .. أشارت أصابع الإتهام إلى الجماعة المحظورة التى تسترت كعادتها خلف شعارات ومنشورات تاركة الساحة للبلطجية والمسجلين ليقوموا بأعمال التخريب .. لكن كان العمال فى المحلة يرفضون الخلط بين مطالبهم وإضراباتهم السلمية .. فلجأ الإخوان لإستخدام الميكروفونات لحشد الناس ، ثم فشلوا .. فإستخدموا أسلوب التهديد لإرهاب الناس بالمرور على أصحاب المحلات وتهديدهم بكسر محلاتهم وحرقها إذا فتحوها يوم 6 إبريل ليجبروهم على المشاركة فى الإضراب ...
** ورغم وجود إشارات على تورط الإخوان فى أعمال التحريض .. كان اللافت للنظر ، تلك الهتافات اليسارية التى رددها المتظاهرون والمخربون على السواء .. وقد عبر عن تلك الخلطة بين الحزب الناصرى ، والإخوان .. "جابر سركيس" .. أمين أول الحزب الناصرى بالمحلة الذى إعتبر ما حدث ، إنه لم يكن سوى حالة طبيعية للمعاناة التى يعيشها أهالى المحلة ..
** ومن نتائج ركوبهم لموجة الثورة المصرية .. أقول لكم .. النتائج هى الإستيلاء الكامل على مجلس الشعب ، ومجلس الشورى .. ثم يأتى الدور الأن على أهم شئ ، وهو إسقاط الحكومة ، وسرعة عمل حكومة توافقية من مجلس الشعب ، يعنى من مجموعة الإخوان ، ثم تعيين رئيس توافقى .. وبعد ذلك تشريع الدستور ، للإعلان عن دولة الخلافة الإسلامية .. وتحقيق حلم "حسن البنا" ..
** إقرأوا مانشيتات بعض الصحف الصادرة اليوم .. تابعوا القنوات المأجورة .. وهى تروج لكل مطامع الإخوان فى إحتلال مصر ، وضاعت مصر .. وكفاكم سلبية وصمت أيها الشعب .... نعم .. لم أرى مجلس عسكرى يكتف المظلوم ، ويترك الظالم .. يحاكم المجنى عليه ، ويترك الجانى ..
** ماذا تنتظرون ياشباب مصر الحر الطاهر .. قد قرأت عليكم تاريخ الإخوان ، وكيف واجهتهم السلطات ، وكيف أوقفوا خططهم ومؤامراتهم الدنيئة منذ 1928 وحتى الآن للسيطرة على الحكم فى مصر .. والآن .. لا دولة ، ولا سلطة تقف أمام أطماعهم ، أو أكاذيبهم ..
** لا أجد كلام أختتم به مقالى .. ولكنى أؤكد أن مصر تتعرض لأكبر عملية تسليم السلطة للإخوان ، وعملية نصب كبرى سوف نصحو منها جميعا على سراب.
إنتهت الرسالة .
وأزيدك أنهم هم من قتلوا (فرج فودة ) وتوضئوا بدمه وقال الغزالى أمام المحكمة أن فرج فودة مرتد وقتله واجب وان جريمة الجانى تنحصر فقط فى إفتئاته على الدولة فى قتله - أى انه تقمص دور الدولة فى قتله ..


#2

افتراضي رد: تاريخ الاخوان

منقول للأمانة
#3

افتراضي رد: تاريخ الاخوان

بقى بالله عليكى بيقتلوا الناس بالشكل ده
دول خسارة فيهم حتى لقب المسلمين
ده ربنا حرم القتل وهما حللوه عادى كده
حسبى الله ونعم الوكيل
إظهار التوقيع
توقيع : dodo modo
#4

افتراضي رد: تاريخ الاخوان

نعم حسبي الله ونعم الوكيل
نورتي حبيبتي
#5

افتراضي رد: تاريخ الاخوان

على فكره ده ابسط شىء ممكن يعملوه انا كان ليه قريب كان منهم ولما رجع عنهم ومشى صح مثلووووووووو بجسده ليكون عبره ولغايه الان مقيده ضد مجهول وكان شاب وحيد ابوه وامه
#6

افتراضي رد: تاريخ الاخوان

لا حول ولا قوة الا بالله
الله يرحمه ويصبر أهله
ويبعد عننا و عن مصر الغالية شرهم
مشكورة حبيبتي
#7

افتراضي رد: تاريخ الاخوان

كان دستور تلك الجماعة هو القرأن والسيف والسياسة

متى كان الاسلام بالسيف؟!
هل تعلمون .. ان القرآآن لم يذكر و لا مرة السيف؟!
بخلاف الكتاب المقدس الذي ذكره اكثر من سبعين مرة!
إظهار التوقيع
توقيع : الـمـتـألـقـة
#8

افتراضي رد: تاريخ الاخوان

ده غير سياسة التشكيك اللي ماشيين بيها دلوقت
عايزين يشككوا الشعب في أي شئ و كل شئ
ده وصل بيهم الهبل انهم يشككوا في نتايج الانتخابات من قبل ماتظهر النتيجة
والمجلس العسكري اللي عايزين يكرهوا الشعب فيه علشان لما ينفردوا بالحكم يضمنوا ان الشعب يرفض تدخل الجيش وبالتالي مفيش حد بعد كدة يوقف في وشهم ويمنعهم من تنفيذ مخططاتهم الارهابية الدنيئة
وحكومة الجنزوري اللي أشاعوا ان قرار حل مجلس اللعب بتاعهم موجود في درج مكتبه
وده كله علشان يضمنوا الطاعة العمياء من الشعب ليهم
وحسبي الله هو نعم الوكيل فيهم
#9

افتراضي رد: تاريخ الاخوان

؟؟؟؟؟؟؟؟؟؟؟؟؟؟؟؟؟؟؟؟
علامة استفهام كبييييييييييييييرة
#10

افتراضي رد: تاريخ الاخوان

شكرا
#11

افتراضي رد: تاريخ الاخوان

انتوا خالص كفرتوهم حرام عليكوا اتقو الله انتو مش شايفين تاريخ احمد شفيق وحسني مبارك والنظام السابق تاريخهم اسود بمعنى الكلمة اسود خالص
مش عارفة مالكوا كده مش سايبين الاخوان في حالهم حاسة انها غيره والله منكو لله
باذن الله الله سوف ينصر المسلمين سوف ينصرنا باذن الله
#12

افتراضي رد: تاريخ الاخوان

أولا : أحنا مكفرناش حد لأن التكفير حرام
ثانيا : لو عند حضرتك تكذيب لأي كلمة موجودة في الموضوع
قوليه
ثالثا : أصلا مفيش أي حاجة موجودة في الموضوع كذب
رابعا : حنغير منهم على ايه يعني
فيهم ايه زيادة عننا
بالنسبة للتدين دي حاجة بين العبد وربه
ومش من حق حد انه يقول فلان متدين أكتر من علان لأن الله وحده الأعلم بتدين كل مسلم
خامسا : لما سيادتك تقولي " باذن الله الله سوف ينصر المسلمين سوف ينصرنا باذن الله "
ده مايبقاش تكفير لينا على أساس ان انتو المسلمسن واحنا الكفرة
مشكورة مرتين
مرة لمرورك
ومرة لتكفيرنا
#13

افتراضي رد: تاريخ الاخوان

تسلمي اوي اوي لانك مش فاهما الكلام ارجو انك تقرائي تاني وتحاولي تفسري وبعدين انا مكفرتكوش لان ده حرام والكلام واضح
وشكرا
#14

افتراضي رد: تاريخ الاخوان

لا تعليق
#15

افتراضي رد: تاريخ الاخوان

صح لاتعليق thanks
#16

افتراضي رد: تاريخ الاخوان

لا حبيبتى انا عاوزه اعلاق

خليكم دفعو عن الفلوووووووول حسبى الله ونعم الوكيل فى قاتل الشهداء
#17

افتراضي رد: تاريخ الاخوان

طيب
#18

افتراضي رد: تاريخ الاخوان

أنا عارفة ان المواضيع اللي زي موضوعي بتستفزكم
وبتفضلوا ورا صاحب الموضوع علشان تستفزوه لحد الموضوع ما يتقفل
أنا بقى مش حنولهالكم
أولا لأني مش حرد على حد فيكم
ثانيا لأن فيه ملاك مكلف بالرد عليكم
ثالثا لأني صايمة ومش حبوز صيامي بسبب مهاترات تافهة
رابعا لأني من دلوقت مش حرد غير على أصحاب الردود المهذبة لكن اللي حيغلط مالهوش عندي غير التجاهل
#19

افتراضي رد: تاريخ الاخوان


المشاركة الأصلية كتبت بواسطة حبيبت الاخوان المسلمين
لا حبيبتى انا عاوزه اعلاق

خليكم دفعو عن الفلوووووووول حسبى الله ونعم الوكيل فى قاتل الشهداء

المشاركة الأصلية كتبت بواسطة احبك ربي من كل قلبي
صح لاتعليق thanks
رد: تاريخ الاخوان
رد: تاريخ الاخوان
#20

افتراضي رد: تاريخ الاخوان

الرجاء الحفاظ على الحوار الهادىء منعا لغلق الموضوع
#21

افتراضي رد: تاريخ الاخوان

عسل يا شمس والله بس انا نفسى افهم انتو ليه بتسيبوا اصل الموضوع وتدخلوا فى كلام الفلول ومش الفلول ولا علشان مش لاقيين رد

إقتباس
طيب:y ahoo:
ههههههههه هلكتينى من الضحك يا شمس

إقتباس
باذن الله الله سوف ينصر المسلمين سوف ينصرنا باذن الله
ان شاء الله ربنا هينصرنا على تجار الدين والخوارج من الاخوان ان شاء الله ربنا هينصرنا على الاخوان المتأسلمين
وميرسى يا شمس على الموضوع الجمييييييييل ده
واحلى تقييم للقمر
#22

افتراضي رد: تاريخ الاخوان

نورتوا يا قمرات
#23

افتراضي رد: تاريخ الاخوان

بمناسبه الفيديوهات يا شمس قولى لى ايه رأيك فى ده

حقيقه علاقه الاخوان بأمريكا
#24

افتراضي رد: تاريخ الاخوان

لا حول ولا قوة الا بالله
ربنا يهدى ويصلح الاحوال
وينصر مصر فوق الجميع باذنه
إظهار التوقيع
توقيع : حسناء
#25

افتراضي رد: تاريخ الاخوان

آمين يا سنسن
نورتي
#26

افتراضي رد: تاريخ الاخوان

معلش ياسراب الفيديو في موسيقى ماشي وده غلط لان ده من قوانين المنتدى ان الفديويهات ميكنش فيها موسيقى
انا نصحتك لاني احتسب النصيحة دي حسنة عند الله
كان في عندي كلام كتير اوي
بس خلاص انا مش هقولكم حاجة وكل واحد يرشح العاوزو بس كلمة اخيرة ياريت لو كلنا نبطل نتكلم عن الاخوان او الفلوول بالطريقة دي وحسابهم عند ربهم عشان مش نعمل مشاكل في المنتدى
وشكرا
مع العلم اني مش من الاخوان ولاكن احب ان اساعدهم لكي يجعلو مصر احسن من السابق
#27

افتراضي رد: تاريخ الاخوان


المشاركة الأصلية كتبت بواسطة احبك ربي من كل قلبي
معلش ياسراب الفيديو في موسيقى ماشي وده غلط لان ده من قوانين المنتدى ان الفديويهات ميكنش فيها موسيقى
انا نصحتك لاني احتسب النصيحة دي حسنة عند الله
كان في عندي كلام كتير اوي
بس خلاص انا مش هقولكم حاجة وكل واحد يرشح العاوزو بس كلمة اخيرة ياريت لو كلنا نبطل نتكلم عن الاخوان او الفلوول بالطريقة دي وحسابهم عند ربهم عشان مش نعمل مشاكل في المنتدى
وشكرا
مع العلم اني مش من الاخوان ولاكن احب ان اساعدهم لكي يجعلو مصر احسن من السابق
أولا مشكورة على النصيحة لأن الفيديو أنا أصلا ماشفتوش ومش حشوفه لأني قرفت من سيرة الاخوان والفلول والحالة اللي البلد فيها
ثانيا بأييدك على مقاطعة الكلام عن الاخوان والفلول لأني قرفت بجد من سيرتهم وعن نفسي اللي حيتناقش في أي موضوع من مواضيعي ويجيب سيرتهم خارج حدود الموضوع وخارج حدود الذوق واللياقة أنا بنفسي اللي حبلغ عنها وألغي لها مشاركتها
علشان مش عايزين نكون صورة من منتدى زفتات
مع العلم اني مش بقبل الاخوان من أساسه
وكفاية ان الحاجة اللي كُلللنا متفقين عليها هي صالح البلد وبس
وربنا يقدم ما فيه الخير لبلدنا
#28

افتراضي رد: تاريخ الاخوان

ياريت فعلا نكون متفقين على صالح البلد
ربنا يسترها ويحفظ مصر من كل سوء
إظهار التوقيع
توقيع : حسناء
#29

افتراضي رد: تاريخ الاخوان

والله احنا لاشفنا حاجه كويسه من شفيق ولا من مرسي علشان ناكل في بعض كده علشانهم
ياريت كفايه هو لازم حاكم ظالم يستعبدنا زي مبارك علشان نتجمع شمس ارجوكي
انتى اكبر من كده
#30

افتراضي رد: تاريخ الاخوان

مشكورة يا قمر
أصلي اتخنقت من الحوارات اللي شغالة بسببها
وفي الآخر لا بتقدم ولا بتأخر
ده غير صورة المنتدى اللي حتتغير لو استمرينا على دي الحالة
#31

افتراضي رد: تاريخ الاخوان

جزاكي الله عنا خير الجزاء
إظهار التوقيع
توقيع : ام هنا
#32

افتراضي رد: تاريخ الاخوان

نورتي يا ام هنا
#33

افتراضي رد: تاريخ الاخوان

ده كلام كبير ولازم تكون فيه ادلة كافية لانوا ممكن يتلفق اي خبر في هذا القرن
لانوا دي جرائم كبيرة وفيها اساءة كبيرة اقترفوها باسم
الاسلام والاسلام منها براء
تسلمي

إظهار التوقيع
توقيع : ام الاء وبيان2
#34

افتراضي رد: تاريخ الاخوان

اللى ايده فى الميه مش زى اللى ايده فى النار يا ام الاء انتو بعيد ومشفتوش حاجه واى حد مش على ارض المحروسه مش ممكن يكون حكم ولا يحس اصلا بينا

شكرا يا شموسه
#35

افتراضي رد: تاريخ الاخوان

معلش يا ام الاء
انتي سنك اصغر مننا وما حضرتيش الفترة اللي سبقت المخلوع او بدايات حكمه
والعمليات الارهابية اللي كانت بتحصل في حق السياحة
منها تفجير فندق طابا والاقصر وغيرهم كتييييير
بس لو عملتي بحث عنهم حتلاقي بلاوي مالهاش حصر


نورتوا يابنات
#36

افتراضي رد: تاريخ الاخوان

لا اله الا الله تسلمي ياشمس علي الموضوع
إظهار التوقيع
توقيع : لولو حبيب روحي
#37

افتراضي رد: تاريخ الاخوان

نورتي حبيبتي
#38

افتراضي رد: تاريخ الاخوان

يمنع مناقشة الأمور السياسية في هذا المنتدى. كما يمنع سب لدولة إسلامية محددة أو سب شعب مسلم بعينه.

من قوانين المنتدى

https://adlat.net/rules.html
إظهار التوقيع
توقيع : ريموووو


قد تكوني مهتمة بالمواضيع التالية ايضاً
الموضوع كاتب الموضوع المنتدى
تاريخ مصر الخرافي اماني 2011 شخصيات وأحداث تاريخية
إسلام الكتاتني المنشق عن الاخوان : أيادي أعضاء مكتب الإرشاد ملطخة بالدماء وقيادا شمس لا تغيب اهم الاخبار - اخبار يومية
مرسي " أعطى لنفسه كافة الأوسمة والنياشين التي تعطى لرئيس دولة راجية الفردوس الأعلى اهم الاخبار - اخبار يومية
اللى خايفين من الاخوان سمسم20 منوعات x منوعات - مواضيع مختلفة
شهداء البحرين بحرينية وبس اهم الاخبار - اخبار يومية


الساعة الآن 06:00 AM

الاتصال بنا - عدلات - الأرشيف - أعلي الصفحة

جميع المشاركات تمثل وجهة نظر كاتبها وليس بالضرورة وجهة نظر الموقع


التسجيل بواسطة حسابك بمواقع التواصل