أطلق موقع البلكونة دوت كوم فيديو ساخر يتهكم على أصحاب دعوات ارجع ياريس، وانتشر الفيديو على موقع التواصل الاجتماعي الفيس بوك تحت اسم ” كليب تعبيري من ميدان التحرير” .
ويصور الفيديو ــ من خلال الفوتو شوب ــ مجموعة من الشبان في ميدان التحرير يحملون لافتات تطالب بعودة الرئيس، على خلفية أغنية راجعين نعشق و ندوب و نعيش مع بعض حياتنا للمطرب عمر دياب .
و من العبارات التي حملها الشباب في لافتاتهم بالكليب “لإقناع” الرئيس بالعودة.
ارجع يا ريس .. لما مابيعجبناش وزير بنغيره الشعب اتدلع خلاص
ارجع يا ريس .. أنا خايف رغيف العيش يكبر و مقدرش اشيله
ارجع ياريس .. إسرائيل حيوحشها الخيار الاستراتيجي
ارجع يا ريس .. مرتضى منصور من زمان مطلعش في التلفزيون
ارجع يا ريس .. يرضيك يعني يرضيك نختار اللي هيحكمنا
ارجع يا ريس.. ولادك في مصطفى محمود مش لاقيين حتى الايس كريم
ارجع يا ريس.. تامر بتاع غمرة ميس يو
ارجع يا ريس.. منتخب مصر مبقاش كويس
ارجع يا ريس.. مين حيقف يتصور قدام غيط القمح
ارجع يا ريس .. العيال الصغيرة بقا يعرفوا يعني ايه تكنوقراط .. مسخرة وقلة أدب
ارجع يا ريس .. شارع صلاح سالم من كتير مبيوقفش
ارجع يا ريس .. الوزراء مش عارفين يقولوا بناء على توجيهات الرئيس
ارجع يا ريس .. بيطبخوا على الفحم في اسرائيل
ارجع يا ريس .. انا بتكلم في السياسة براحتي
ارجع يا ريس .. الاخوان بقوا بيطلعوا في القناة الاولى
ارجع يا ريس .. المصريين اتبهدلوا وبقوا يقفوا في طوابير الاستفتاء
ارجع يا ريس .. مش لاقيين اسم لمحطة رمسيس في المترو
ارجع يا ريس .. الاستقرار اتيتم من غيرك.. والفوضى بتاخد تان في مارينا
ارجع يا ريس.. مين في عيد العمال حنقول له المنحة يا ريس
ارجع يا ريس .. دكاترة السكر والضغط والقلب مش هيلاقوا شغل
ارجع يا ريس.. و اللي أتفرم يتصلح
ارجع يا ريس .. الخونة بيفكروا يزرعوا قمح بدل الكانتلوب
ارجع يا ريس .. أمن الدولة اتبهدل من غيرك
ارجع يا ريس.. شكلنا حنبقى دولة متقدمة
ارجع يا ريس .. القلة المندسة بقوا يطلعوا في التليفزيون
ارجع يا ريس.. عايزين نشوف سيد و هناء
ارجع ي ريس .. بقالنا شهرين عايشين من غير الحنكة والحكمة
ارجع يا ريس .. عشان ننزل التحرير تاني وناكل كنتاكي
ارجع يا ريس .. وحشتني كرافاتاتك
ارجع يا ريس .. مينفعش دورات رمضانية من غير جمال وعلاء
فيديو كليب تعبيرى من ميدان التحرير ارجع ياريس
رد: فيديو كليب تعبيرى من ميدان التحرير ارجع ياريس
قد تكوني مهتمة بالمواضيع التالية ايضاً