أو

الدخول بواسطة حسابك بمواقع التواصل

#1

افتراضي ♪♫♪ هتفرشى شقتكـ ازاى يا عروسه؟ تاخدى معاكى ايه ومين تعاااااااالى شوفى

هقدم للعروسه شويه نصايح
ويااااااااااارب تقدر تستفيد منها


اولا
فرش الشقه المفروض يتفرش قبل الفرح بفتره مش كبيره
يعنى ممكن قبلها بأسبوع وممكن قبلها بتلات ايام مثلا
وده حسب ظروف كل واحده فينا وعلى حسب الشقه جهزت ولالا
العفش وصل كله ولالا
وانا شخصيا افضل اننا نفرش حجات منها قبل اسبوع من فرحك وحجات تانيه قبل الفرح بيوم لو امكن
ونبدأ بقى





اولا كده متكتريش اوى ف الناس اللى هتاخديها تفرش

يعنى انتى واختك واتنين او تلاته من صحابك ومامك ومتكتريش عن كده عشان متبقاش الدنيا هيصه وتبقى مركزه معاهم وهما بيرصوا..

وكمان حاولى يكون ذوقهم وستايلهم زيك عشان يسهلوا المأموريه عليكى
كمان يفضل متاخدوش اى اطفال معاكم
يعنى لو اختك او حد من صحباتك عنده اطفال بلاش يجيبهم لان طبعا هيبهدلوا الدنيا

وانتى رايحه تجيبى اى اكل سريع او من البيت ليكم

لان حوار الفرش ده بيتأخر ومش معقول هتجوعى الناس اللى انتى واخداها
وكمان مش معقول هتطبخى ف حاجتك الجديده
هههههههههه
اما الميه عادى ممكن تجيبى ازايز فاضيه من البيت وتملوها وتحطوها ف تلاجتك
لان كده كده هنشغل التلاجه عادى

كمان خدى معاكى بيجاما او عبايه قديمه شويه عشان تلبسيها وانتى بتفرشى


وفى حاله لو حد من قرايب العريس جاى يفرش معاكو خدى عبايه حلوه البسيها زى بعضه ههههههههه




عشان المنظر العام بس



المستلزمات وادوات النظافه اللى هتاخديها معاكى

خدى كيسمن اي مسحوق الحجم الكبير وخدى بريل وخدى سفنجه مواعين وخدى جلانس وبخاخه فاضيه لو امكن
وياريت لو ديتول او اى مطهر

والحجات دى
ملهاش علاقه بأدوات نظافتك
يعنى مش هنقرب لادوات نظافه جهازك
دول خارج الحسابات

وخدى فوط مطبخ نظيفه وورق جرايد
اما المقشه
والزعافه والمساحه ممكن تستعملى بتوعك عادى مش هتفرق
وممكن كمان تستعملى جردل النظافه ابو شرشوبه لو مضحيه اوى ههههه

وكمان عدى على محل بلاستيكات زى الشطوره
وهاتيلك رول مفارش فضى او دهبى حسب ذوقك لان هنحتاجه لفرش المطبخ ودولاب اوضه النوم وبوفيه السفره من تحت
واماكن تانيه كتير


دلوقتى وصلتوا الشقه
هتدخلوا وتبدأوا تقسموا المهام
يعنى فلانه ف مطبخك فلانه ف النوم
ولو انى افضل ان اوضه النوم انتى اللى تفرشيها وترصى حاجتك بنفسك
ليه؟
اولا لان فيها متعلقاتكم الشخصيه انتى وجوزك وميصحش حد يطلع عليها
وكمان لان الهدوم دى زى حاجه المطبخ هتستعمليها كل يوم ومش معقول كل لماتحتاجى حاجه تسألى مكانها فين ولو الامر كان صعب عليكى خلى حد قريب يساعدك مامتك اختك المهم انك تكونى موجوده

و بالنسبه للستاير الخفيفه او لو عندك براويز للشقه هتتعلق او تتركب تركبى وتعلقى كللللللل ده قبل التنظيف
لان داضررق البراويز ممكن يبهدل الدنيا شويه
وستايرك متعلقه لميها على فوق كده وممكن تغطيها بملايه قديمه كده عشان متتعفرش


وهنبدأ
اوضه نومك


لان فيها شغل كتير
زى رص دولابك
وطبعا احرصى انك تقسمى الدولاب بالعدل بينك وبين زوجك
يعنى هو ربع وانتى تلات ارباع هههههههههه
نظرا لان حاجتك كتيره عنه طبعا

وبفوطه نظيفه كده امسحى ارفف الدولاب
هاتى بقى رول المفاارش وقسميها على ارفف الدولاب وكرريها وقصيها مره واحده
يعنى تاخدى مقاس رف واحد وتحطى عالرول كزا مره لحد ما تقصى العدد المطلوب
وافرشيها بقى وابدأى ف الرص وانتى وزوقك فيه
وعندنا هنا ف القسم افكار ووووعه لرص الدولاب ورص الفوط




وانا شخصياافضل ان ملاياتك وكوفرتاتك تكون فوق
اما هدومك والفوط تكون قريبه لايدك اما البطاطين بتوعك حسب مساحه دولابك
لو اخدها خير وبركه ماخدش يبقى تحت السرير
او فى دولاب اوضه الاطفال لو جايباها
وكمان احرصى على تعدد الالون ف الرص يعنى خليه شكله مبهر لما جوزك يفتح الدولاب كده
المساعد
كمان اللى بييجى مع اوضه النوم



ممكن
نستخدمه لرص شويه حجات خفيفه
زى شرابات جوزك ممكن طرحك ممكن اندراتك
ومن تحت كمان ممكن تستغليهم ف التخزين
وممكن تحطى عليه من فوق تلفزيون صغير ويبقى زى مكتبه ف اوضه النوم

ندخل بقى
عالتسريحه



امسحيها وامسحى المرايا بملع اللى جبناه وافرشي مفارشك ورصى الميك اب وحاجتك فيها واحرصى على تنوع الحجات اللى بترصيها مش الكميه
يعنى لو جايبه علبتين ايشادو كبار مش لازم تحطى الاتنين كفايه واحده وكذلك لو جايبه اقلام تحديد او كحل مش لازم نرص كله
هو مش معرض ياعروستنا
واعرفى دايما ان الرقه مطلوبه
ادراج التسريحه كمان استغليها ف رص باقى الميك اب وادوات عنايتك الشخصيه واى متعلقات ليكى او له

يتبع



#2

افتراضي رد: ♪♫♪ هتفرشى شقتكـ ازاى يا عروسه؟ تاخدى معاكى ايه ومين تعاااااااالى

ممكن نستغله ف تخزين اى حاجه
ومن فوق طبعا هنمسحه ونفرش المفارش
وعلى مزاجك تحطى اباجوره او متحطيش حسب ذوقك
ناقص لسه
سريرك

وده منصحش انك تفرشيه قبلها بفتره
يعنى يتفرش قبلها بيوم او يومين بالكتير عشان المفرش مش يتبهدل
وكده خلصنا رص اكنسي الاوضه بقى

وامسحيها

اما فرش مشايات النوم او السجاد كمان خليها قبلها بيوم او اتنين
وكده خلصنا من اوضه النوم

ندخل ع
اوضه اطفالك



هنضفها كويس ونفرش الملايات والمفارش بتوعها لو جايبين ونفرش دولابها بمفارش وممكن نرص فيه اى حاجه زايده عن اوضه النوم بتاعتك
ونحط انتيكاتها
ونمسحها

ونفرش سجادها او مشاياتها ونكنسها بالمكنسه ونقفلها


ندخل على
اوضه سفرتك

وطبعا دى بتاخد موال ف الرص
هنبدأ
بالبوفيه





برده هتفتحى البوفيه وتمسحيه بفوطه وتفرشي مفارشك البلاستيك وتحطيها ف الادراج من تحت
وابدئى برص البوفيه
وابدئى بطقمك الصينى
لييييه؟
اولا عشان كرتونته كبيره وواخد مساحه ومعطل المرور
ثانيا عشان نستغل كرتونته اننا نجمع فيها باقى الكراتين الفاضيه اللى هنفتحها او اى ورق بيطلع
وهنرص معظم
الصيني ف البوفيه
ونخلى حجات بسيطه للنيش على جنب يعنى طبقين من كل حجم
طقم الشاي والقهوه والسوسييره او سلطانيه الشوربه الكبيييييييره اللى بتتحط ف النص دى ههههه
والباقى ف البوفيه
وهنرص فيه اى اطقم مينفعش تترص ف النيش او زايده عن النيش وده حسب حاجتك
ادراج البوفيه رصى فيها اجزاء من شنطه المعالق لو ملهاش مكان
او رصى فيها اطقم معالق فردانيه قيمه كده مثلا
او ترصى اى حاجه تحبيها

ندخل على
النيش


هتمسحى ارففه بملمع الزجاج من بره ومن جوه وتمسحى الخشب بملمع الخشب
وتفرشي مفارش النيش
الشيك لو حابه
او ممكن لما تخلصى تحطى ورد مجفف ف الاركان وفى النص
وتبدئى ترصى كاساتك القيمه فقططط


مش كل كاساتك وكزلك طقم الشربات والخشاف والقهوه والشاى
وتكون كلها حاجات شيك وقيمه
وبلاش تكلكعى ف الرص النيش بالذات كل ما يفضى ينور كده ويبقى اجمل
وهنحط ف النص جزء الصينى اللى احنا سيبناه ع جنب
وزينيه
بالكريستالات وانتيكات صغننه كده والقسم مليان موضوعات لكيفيه رص النيش ممكن نرجعلها
وبعد مانخلص نقفل النيش بالراحه

ندخل على
طرابيزه السفره


ننفض كراسيها كويس
ونلمع السفره ونفرش مفرشها
ونحط انتيكاتنا


عالبوفيه وعالسفره
اما سجاده
سفرتك
طبعا المفترض انها تتحط قبل السفره ولو مش حطينها
هنمسح
ونفرشها ونكنس بالمكنسه الكهربائيه
ونقفل الاوضه
ده لو كانت السفره ف اوضه
لو السفره مفتوحه ع رييييسبشن
يبقى نخلى المسح كله مع بعضه


وندخل علي الريسبشن

ع حسب شقتك


هتنضفى الكنب بالراحه كده وترصى
الخداديات وتمسحى الطرابيزه اللى ف النص وتفرشي مفرشها
وتمسحى مكتبه التليفزيون
وتمسحى التلفزيون وتفرشى مفارش فيها ورصى انتيكاتك فيها او كتب اى حطى الريسيفر او اى جهاز عندك
لو جايبه ال سى دى يبقى تمسحيه وبس كده
وهنمسح الاوضه

ونفرشها بالسجاد لو حابين ونكنسها بالمكنسه
ونحط اخيرا الانتيكات على الترابيزه

وتذكرى دايما ان الرقه مطلوبه



ندخل
علي الصالون



ومش هيختلف كتير
هننفضه بالراحه ونمسح الجراندات اللى عالجنبين لو جايبه
او تمسحى
الاباجورات لو جايبه وزى ما حفظتم
هههههههه
نمسحها

ونفرش السجاده ونكنس بالمكنسه
وف الاخر نمسح الترابيزه ونحط مفرش الصالون وانتيكاتك

ونقفل الصالون


فى هذه الاثناء هيكونالمطبخ بيترص


واحرصى انك تكونى عارفه مكان كل معلقه فيه
وطبعا هنظف الارفف والادراج ونمسح الخشب او الالوميتال من بره
ونفرش مفارشنا ونبدأ نرص وعلى حسب حاجتك وكمياتها
والاجهزه اللى جايباها
وحجم مطبخك
كل ده انتى ادرى بيه
بس عامه حاولى متكركبيش فيه اوى لانك بتقضى فيه نص عمرك تقريبا
ولانه هيغنيكى عن بهدله الشقه لو حبيتى تاكلو فيه
وحاولى تبقى الحجات اللى هتستخدميها ع طول تبقى تحت ايدك وقريبه منك زى
الخلاط
طقم توزيع
طقم توابل
حامل مجات


ورصى بقى تلاجتك ورصىالتوابل والخزين
واطقم الحلل والصوانى تبقى تحت ف التقفيله
المقشات والمساحه ف دولاب النظافه
بلاستيكاتك وزعيها حسب اهميتها ليكى
خلى باسكت الزباله جنب ايدك قدر الامكان
هتنظفى
البوتجاز وتمسحيه
وهتغسلى الحوض كويس وتنشفيه
وتمسحى الرخامه
وتمسحى المطبخ

وتفرشي مشايته

تابعوني

#3

افتراضي رد: ♪♫♪ هتفرشى شقتكـ ازاى يا عروسه؟ تاخدى معاكى ايه ومين تعاااااااالى

جزء مهم كمان ف الشقه



تركبى الاحبال وتحطى علبه المشابك ع جنب كده وفيهاالمشابك طبعا
ننفض الشيش طبعا كويس او ممكن نخليه مع تنفيض شيش وشبابيك الشقه كله
وبعدها نغسله بميه بس عشان ميجيرش
او ممكن تغسليه ع طول لو تحبى

وياسلام لو جايبه زرع هيديكى منظر كمان
وتمسحى البلكونه كويس وتقفليها


واخيرا ندخل
علي الحمام



عشان نروقه مش حاجه تانيه
ههههه

وهتبدئى بتنظيف البانيو و
التواليت
ومسح السيراميك
وتلميع مرايه الحمام
وترصى الحجات على الاستاند بتاع الشامبوهات اللى ع جنب او المتعلق فوق

وطبعا هتكون ستاره الحمام والبانيو راكبه هتفرديهم كده

وهتبدئى تتشطفى انتى واللى معاكى عالسريع كده
وف الاخر اما تخلصوا تمسحوا الحمام بديتول

عشان التعقيم وتحطى ف التواليت ديتول
واستنى اما الحمام ينشف شويه وافرشي طقم الحمام

.
واقفلى الحماااااااااام


وكده تقريبا خلصنا فرش الشقه وهتكون واقفه على فرش السرير والسجاد لوكنتى لسه مبقياه للاخر
واخيرااا
قبل ماتمشوا بقى لموا كل متعلقاتكم من اكل وادوات نظافه وورتبوا مكانكم
وبخروا الشقه وشغلى اذاعه
القران



واقفلى شقتك ياعروسه



والف مبروووك

#4

افتراضي رد: ♪♫♪ هتفرشى شقتكـ ازاى يا عروسه؟ تاخدى معاكى ايه ومين تعاااااااالى

مشكوووره جداً أفدتي
بس انا دخت من كثر الكلام
الله كان في عونك وانتي بتكتبي

إظهار التوقيع
توقيع : قدوتي رسول الله
#5

افتراضي رد: ♪♫♪ هتفرشى شقتكـ ازاى يا عروسه؟ تاخدى معاكى ايه ومين تعاااااااالى

مشكورة
#6

افتراضي رد: ♪♫♪ هتفرشى شقتكـ ازاى يا عروسه؟ تاخدى معاكى ايه ومين تعاااااااالى

مشكوره ياقمر
إظهار التوقيع
توقيع : زهره التحرير
#7

افتراضي رد: ♪♫♪ هتفرشى شقتكـ ازاى يا عروسه؟ تاخدى معاكى ايه ومين تعاااااااالى

رد: ♪♫♪ هتفرشى شقتكـ ازاى يا عروسه؟ تاخدى معاكى ايه ومين تعاااااااالى
إظهار التوقيع
توقيع : zozoweza
#8

افتراضي رد: ♪♫♪ هتفرشى شقتكـ ازاى يا عروسه؟ تاخدى معاكى ايه ومين تعاااااااالى

نورتووووووووووني

#9

افتراضي رد: ♪♫♪ هتفرشى شقتكـ ازاى يا عروسه؟ تاخدى معاكى ايه ومين تعاااااااالى

اختيار رائع

روووووووعه

شكرا حبيبتى

رد: ♪♫♪ هتفرشى شقتكـ ازاى يا عروسه؟ تاخدى معاكى ايه ومين تعاااااااالى

إظهار التوقيع
توقيع : ريموووو
#10

افتراضي رد: ♪♫♪ هتفرشى شقتكـ ازاى يا عروسه؟ تاخدى معاكى ايه ومين تعاااااااالى

جزاك الله خيرا
استفدت فعلا والله

#11

افتراضي رد: ♪♫♪ هتفرشى شقتكـ ازاى يا عروسه؟ تاخدى معاكى ايه ومين تعاااااااالى

راااااااااااااائع يسلموووووووووو ياقمر
إظهار التوقيع
توقيع : بائعه الورد
#12

افتراضي رد: ♪♫♪ هتفرشى شقتكـ ازاى يا عروسه؟ تاخدى معاكى ايه ومين تعاااااااالى

جزاكى الله الف خيييييييييير
#13

افتراضي رد: ♪♫♪ هتفرشى شقتكـ ازاى يا عروسه؟ تاخدى معاكى ايه ومين تعاااااااالى

رد: ♪♫♪ هتفرشى شقتكـ ازاى يا عروسه؟ تاخدى معاكى ايه ومين تعاااااااالى
#14

افتراضي رد: ♪♫♪ هتفرشى شقتكـ ازاى يا عروسه؟ تاخدى معاكى ايه ومين تعاااااااالى

تسلم ايديكي يا قمراية
إظهار التوقيع
توقيع : زهرة الأوركيدا
#15

افتراضي رد: ♪♫♪ هتفرشى شقتكـ ازاى يا عروسه؟ تاخدى معاكى ايه ومين تعاااااااالى

جزاك الله خير يسلمو
#16

افتراضي رد: ♪♫♪ هتفرشى شقتكـ ازاى يا عروسه؟ تاخدى معاكى ايه ومين تعاااااااالى

بجد جزاكى الله كل خير على مجهودك
#17

افتراضي رد: ♪♫♪ هتفرشى شقتكـ ازاى يا عروسه؟ تاخدى معاكى ايه ومين تعاااااااالى

تسلمي ياقمر
إظهار التوقيع
توقيع : لولو حبيب روحي
أدوات الموضوع


قد تكوني مهتمة بالمواضيع التالية ايضاً
الموضوع كاتب الموضوع المنتدى
مدونتي ~إبتساامه~ تسنيم عادل مدونآت الاعضآء!
تعالى ااقولك يا عروسه تاخدى معاكى ايه و انتى رايحه للكوافير يوم الفرح ام جنى وبس نصائح وترتيبات


الساعة الآن 05:17 PM


جميع المشاركات تمثل وجهة نظر كاتبها وليس بالضرورة وجهة نظر الموقع


التسجيل بواسطة حسابك بمواقع التواصل