أو

الدخول بواسطة حسابك بمواقع التواصل



عدلات

> الاقسام الأسرية

> فضفضة وحل المشاكل

جديد موضوع( صدرى يحترق)

إضافة رد  أضف للمفضلة
https://adlat.net/showthread.php?t=84375
4169 11
#1

129835 جديد موضوع( صدرى يحترق)

بسم الله الرحمن الرحيم

هذا الموضوع كتبته قبل سابق وفيه أخوات أعزاء تفضلوا بالرد عليا لكن الجديد سوف أكمله عليكم الآن يوجد فاصل بين الموضوع القديم والحديث وقد وضعت الموضوع القديم لكى يؤخذ بعين الإعتبار ويكون الحكم فى النهاية صحيح

( الموضوع القديم )

أنا من النساء اللاتى لاتحب النكد أو الزعل لكن زوجى كلما ضاقت به الظروف فى شغله طبيعى إنه يتضايق لكنى وبسرعة أحاول جاهدة كى أخرجه من هذا الضيق ولاعجب فإنى أفرح لفرحه وأحزن لحزنه ولكن الذى يشعل النار فى صدرى أنه يكلم بنت ماأعرفها يواعدها بالزواج برده ماأعرف ؟؟؟ وقد سامحته من قبل على فعل مشابه وكان رده أنى السبب (أهملته) !!!!!!!!!!! ده من وجهة نظره ياجماعة أنا مش تاركة ورائى شئ إلا وعملته مهتمة جدا بمظهرى بلبسى بمكياجى فى البيت بيه هو فى كل شئ والله وبشهادة الناس والله كتير من الناس بيحسدوه على زوجة مثلى لكن هو مش مقدر ده ورايح يعرف عليا بنات
معلش حطول عليكم بس أنا مخنوقة ومحتاجة أفضفض مع حد ويعطينى رأيه بإخلاص .
أنا متزوجة من 6 سنوات ولم ننجب حتى الأن وفعلنا كل مايمكن لإنسان أن يفعله وكان زوجى هو السبب الرئيسى ورغم ذلك لم أبخل فى يوم على السعى وراء هذا الحلم فتسلفنا وعملت الجمعيات لكى نعمل عملية الحقن ولم تصلح وصبرت رغم زن أهلى أن أتركه ولكن مازال عندى أمل دائما هذا فى حين أنه دائما يحسسنى أنى السبب فى عدم الإنجاب بقوله لم أتزوج عليكى فأنا أحبك . فأرد ! وهل الطبيب قال لك أنى لم أنجب ؟؟؟ لو قالك إنى عقيمة سبنى يعنى أنا صابرة عليه وهو بيحسسنى إنه مستحملنى وجاى على نفسه حاجة تحرق الدم أنا بس زعلانة على عمرى إلللى ضاع
ياجماعة أعطونى رأيكم لما بيزعلنى بيخلينى أفكر فى الطلاق بقول ألحق إللى باقى من عمرى أنا تحت الثلاثين لكنى مثل أى إمرأة بحلم أكون أم وكان حلم حياتى أتزوج من إبن عمى ولكن لظروف عائلية وافقت على زوجى ولكن أقسم بالله أنا مابكلم إبن عمى خالص أن متدينة وأخاف الله واعرف أحكامه كويس ساعدونى أعمل إيه أتطلق وأتزوج إبن عمى ولكنى لاأعرف مشاعره تجاهى لأنى عمرى ماعرفته شئ عنى ........ أخلى زوجى يتزوج لأنه طالما زن عليا ومستنى رأيى بس أوافق .... وأنا أتكلم مع إبن عمى وأشوف رأيه ولاأعمل إيه أفيدووووووووونى جزاكم الله خيرا


( الموضوع الجديد)

الجديد فى الموضوع إن موضوع البنت دى خلاص كان لعب عيال كلام فاضى يعنى ***- المهم إنه كان فيه شراكة بين زوجى وإخوتى فى سيارة قد شارك زوجى بذهبى (شبكتى) بعد أن باعها يعنى لينا الربع فى السيارة وكتبت بإسم زوجى لأنه الوحيد من يستطيع القيادة وله رخصة ووافق الجميع على ذلك وأخذنا من شغل السيارة حوالى 3 شهور إيجارها وحصلت مشاكل مع من أجر السيارة من زوجى ولم نأخذ الثلاث شهور الأخرى مع العلم إن السيارة أشتريت من حوالى سنة يعنى من وجهة نظر إخوتى المشروع كدة خصران

ومن هنا بدأت مشكلة مع أخوتى وزوجى أراد إخوتى أن يبيعوا السيارة ويبدأوا بمشروع آخر ولكن زوجى أستخصر بياعة السيارة مازالت جديدة بشوكها زى مابيقولوا وفى النهاية قرر الجميع بياعة السيارة

آه زوجى زعلان إتغير إخوتى معه فجأة بعد ماكانوا بيخططوا إنهم يجيبوا ميكروباص جايين يهدموا السيارة إللى لسة ماأخدناش منها حاجة ***- مش كدة بس تقريبا هدموا كل ترتيباتنا كنا عايزيين نعمل السنة الجاية عملية حقن مجهرى للمرة التانية على مانحوش فلوسها كان عايز يبقى جنبى ومايسافرش لكن كل دة طار فى الهوا كان دة الأمل إللى عايشة لية حاسة إن كل حاجة بتخرب أحلامنا وعلاقة زوجى بأهلى وعملى أنا لسة ماتسبتش يعنى أكيد مش حعرف أنقل لمكان تانى الدنيا كلها بتلف بيا وزوجى عايز يسافر ويبيع البيت خايف لو حصله حاجة أخواته يطردونى بره وبيقولى لو عايزة حأكتبه بإسمك عشان تطمنى لأنى واثق إنه إخواتى ممكن يرموكى من غير ولا حاجة لو مت

أما بالنسبة لأهلى والدى متوفى ..وأمى عايزانى أخلص أطلق منه وبعض إخواتى كذلك ماعدوش طيقينه هو لما بيروح هناك معى مابيكلمش حد بيسلم عليهم بس ولابياكل هناك ولابيشرب زى الأول. هو شايف إنه من حقه يزعل زى أى واحد عنده دم مع العلم إنه عمره ماقصر مع واحد فيهم وهما قلبوا عليه فجأة


طاب وأخرتها بقت العلاقة بينهم زفت مستحيلة والنهاردة أمى بتكلمنى فى الموبايل وزوجى كان قاعد بجوارى وبتقولى ( إوعى لزوجك ليروح يبيع العربية ويسافر بفلوسها ) المصيبة إنه سمع الكلام ده . صوت التليفون عالى ومقدرتش أقوم من جنبه ليحس بحاجة وعمالة أتوه فى أمى بالكلام عشان تسكت بس بعد إيه؟؟؟؟ ماسمع وخلاص زى مايكون نزلت عليه مصيبة فضل ساكت مانطقش بولا كلمة حسيت إنه حيموت منى وبعدين إتصل بواحد من إخواتى وقله على إللى أمى قالته فإعتذر له وهو دلوقتى عارض السيارة للبيع ومستنى تأشيرة السفر خلال شهر حيكون مسافر


أريد نصيحة أو حلا


دلوقتى أنا أعمل إيه ؟؟؟؟؟؟؟؟؟؟؟؟ أسيبه يسافر ويمكن يقعد بره أكتر من ثلاث سنوات ووقتها حيكون عمرى حوالى 31 سنة آه يمكن ساعتها نعمل العملية مرة وإتنين لحد ماربنا يرزقنا بطفل ...بس خايفة يعاقب أهلى فيا ويتزوج عليا ساعتها مش حلوم إلا نفسى لأن أهلى كتير قالولى أسيبه وأنا إللى مارضتش ياجماعة العشرة مابتهونش إلا على ولاد الحرام

ولاأمشى ورا أهلى وأطلق وأجبلى طفل صغير بس خايفة من الحياة الجديدة ( حمى وسلفة وإعملى وخلى وإصحى الساعة كذا وأنتوا عارفين بقى ) ده + إنى ممكن أنجب وأبقى أم

ويمكن إبن عمى مايرضاش يتزوج واحدة مطلقة وهو شاب عازب . بصراحة أنا مرتاحة مع زوجى وكان نفسى أنجب منه . ده أنا وهو بس والديه متوفيين وكمان بيجبلى كل إللى نفسى فيه مش مخلينى عايزة حاجة وزوق جدا معايا ولينا بيت دورين لوحدنا ملكه إحنا من الأرياف مش ناقصنا غير حاجة واحدة بس هى الخلف إللى منكد علينا حياتنا








أفيدونى جزاكم الله خيرا



#2

افتراضي رد: جديد موضوع( صدرى يحترق)

مش عارفه مشكلتك معقده
واحده واحده كده لو على علاقة جوزك باهلك انتى راضيهم وراضى زوجك والافضل ميكونش بين الزوج واهل الزوجة اى ماديات لانها دايما بتعمل مشاكل
لكن من وجهة نظرى لو مكانك حتمسك بجوزى وبحياتى معاه لان ده اللى ربنا قسمهولى وحصبر لان ربنا حيعوضنى ومبدا السفر من وجهة نظرى مرفوض لانه زى ما قلتى اول ما يبعد ممكن يفكر يتجوز تانى لان هما الرجاله كده لما بيمسكو الفلوس بايديهم ده غير انه حيبقى بعيد عنك لمده لا يعلمها الا الله

انا قلتلك اول مرة شوفى مستقبلك على اساس ان جوزك مش متعاون ولا متمسك بيكى لكن واضح العكس فحرام تسيبيه وانتو الاتنين بتحبو بعض واى جوازه تانيه زى البطيخه يا تطلع حمرا يا تطلع قرعه فليه تسيبى حياتك اللى بتحبيها وتفكرى فى سمك فى مية؟
#3

افتراضي رد: جديد موضوع( صدرى يحترق)

الله يكون فى العون
إظهار التوقيع
توقيع : اوزاريس
#4

افتراضي رد: جديد موضوع( صدرى يحترق)

وانا مع لافالانتينا

يابنتى بشهادتك انتى انه مش مخلى بنفسك حاجه وبيت كبير ماشاء الله
اتمسكى بجوزك وحاولى تكسبيه
وحاولى تحلى مشاكلكم مع اهلك
خلى جوزك يبيع العربيه وياخد كل واحد حقه
ولو اصر على السفر حاولى تلحقيه متنسيش انه بالبلاد التانيه فى علاج افضل وحياه افضل
يمكن ربك يكتب لكم العلاج فى الدوله الللى هو رايح لها
إظهار التوقيع
توقيع : ريموووو
#5

افتراضي رد: جديد موضوع( صدرى يحترق)

حبيتي انا رأيي انك تسافري معاه بعد ما يرتب أموره ويجهز لكم حياه مستقرة هناك
ووجودكم بعيد عن الأهل ههيهدي المواضيع كتير وممكن كمان يصلح العلاقات
انما افتكر لو سابك وسافر هتزيد المشاكل
معلش شغلك مش هيكون أهم من استقرار حياتك الزوجية وربنا يصلح الأمور انشاء الله
إظهار التوقيع
توقيع : رحيق
#6

افتراضي رد: جديد موضوع( صدرى يحترق)

الأفضل انك تسافري معاه لأنه لو سافر وسابك
أهلك أكيد حيستفردوا بيكي ويسخنوكي عليه
ويخلوا الشيطان يلعب بدماغك لحد ما يحصل الطلاق
وهو ده اللي هما عايزينه
فانتي حرصي على بيتك و جوزك بكل السبل
لأن رضا الزوج أولى من رضا الأهل
طب تقولي ايه في واحدة مرتاحة مع جوزها ومخلفين ولد وبنت
وأهلها عايزين يوجدوا أي مشاكل بينها وبين جوزها
والسبب انه شورته من دماغه
وهما عايزين يخططوا له وهو ينفذ ؟
#7

افتراضي رد: جديد موضوع( صدرى يحترق)


المشاركة الأصلية كتبت بواسطة شمس لا تغيب
الأفضل انك تسافري معاه لأنه لو سافر وسابك
أهلك أكيد حيستفردوا بيكي ويسخنوكي عليه
ويخلوا الشيطان يلعب بدماغك لحد ما يحصل الطلاق
وهو ده اللي هما عايزينه
فانتي حرصي على بيتك و جوزك بكل السبل
لأن رضا الزوج أولى من رضا الأهل
طب تقولي ايه في واحدة مرتاحة مع جوزها ومخلفين ولد وبنت
وأهلها عايزين يوجدوا أي مشاكل بينها وبين جوزها
والسبب انه شورته من دماغه
وهما عايزين يخططوا له وهو ينفذ ؟
دى مش عايزة تفكير دى أسرة موجودة بالفعل حرام أوى هدها طبعا ماتسمعش كلام أهلها لأن حياتها هى جوزها وعيالها أما المشكلة الأساسية تبع الزائرة فهى ملخبطة أوى ربنا يحلها من عنده
إظهار التوقيع
توقيع : بوحة
#8

افتراضي رد: جديد موضوع( صدرى يحترق)

انا مه رأيهم لان نادرا لما تلاقى حد تفهميه وربنا يحفظهولك ولو على الشغل ممكن تأخدى اجاوة مراعاة والدين واسألى فى لائحة الاجازات عندك وخلى بالك البعيد عن العين بعيد عن الفلب وربنا يرزقك الذرية الصالحة وعليكى بالاستخارة
إظهار التوقيع
توقيع : سكاسك
#9

افتراضي رد: جديد موضوع( صدرى يحترق)

ياااااااااااااااارب يرزقك الذرية الصالحة عاجلا
ويبعد عنك المشاكل وىيخليكو لبعض انتى وزوجك ويبعد عنكو الشر ويرزقكوا السعادة وراحة البال
اللهم اااااااااااميييييييين
#10

افتراضي رد: جديد موضوع( صدرى يحترق)

انا مع لافالتينا في كل كلمة قالها ربنا يرزقك ويرزقني الذرية الصالحة الي تطفي نارك وناري
إظهار التوقيع
توقيع : لولو حبيب روحي
#11

افتراضي رد: جديد موضوع( صدرى يحترق)

ياست الكل اول اساس المشكله ان مفيش خلفه ودى اصل سبب المشاكل والخلافات كلها تمام كده
تانى مشكله هيا تصرفاته الطايشه هو وقت ما يتصرف كده بيتصرف علشان خاطر 2 سبب اول سبب هو جدد من روتين حياته هو نفسه فى رجاله تحسبها كده 2 سابب وهو انه يحاول يكون له طفل تمام كده .
تالت مشكله عندك حكاية العربية الصراحه قرار بيع العربية اصلا قرار غلط لنى اى مشروع لسه فى اوله بيكون له مشاكل ومواقف بتحصل فا المفروض والاصول ان يكون فى صبر شوية قبل قرار البيع ده وبعدن المشكله مع اللى بيسوق العربية او الى بيشتغل عليها حلها انه يجيب واحد جديد وياخد الفلوس او المصارى المتاخره من ع الراجل القديم وخلصت المشكله على كده وبعد كده يشتغل مع واحد جيد بس يمضيه على وصل امانه بمبلغ كبير علشان يقدر يحكمه ويسيطر عليه مش بقى هو تحت رحمة اللى بيشتغل على العربيه تمام كده .
رابع مشكلة وهيا حكاية البيت الافضل لو فعلا خايف عليكى انه يكتب البيت باسمك فى الجزء الشرعى المسموح ليكى بيه ليييه علشان مفيش اولاد لو كان فى طفل واحد ع الاقل كان حفظ ليكم انتم الاتنين لى اسمكم فى البيت وبقى كان ليكم جدر فيه اكتر من كده فا الافضل من الناحيه القانونيه انك توقفى على حكاية انه يكتب نصيبك باسمك وموثق فى الشهر العقارى .
خامس مشكله ياست الكل حكاية السفر دى هو خيار اى حد مننا بيختاره وقت ما تكون الظروف فى البلد اللى حانا عايشين فيها زى الزفت وانتى زى ا قولتى هيكون ع الاقل 3 سنين سفر حلو كده يبقى انتى وجوزك كده تتفقوا انه لما يسافر يرتب اموره هناك لمدة سنه يثبت وجوده الاول واول 6 شهور من السنه التانيه يكون باعت ليكى تاشيرة السفر على البلد اللى هو شغل فيها وبعد كده تعيشوا مع بعضكم هناك وبعد كده تدورى على شغل ليكى هنا فى البلد دى
ويبقىك ده ياستى انتى قريبه من جوزك وكمان تعرفى ان كان يتجوز عليكى ولا لا وكمان تعملوا عملية الحقن املجهرى بره انضف واامن من هنا تمام كده يا ست الكل .
فى حاجه بقى عن اصول الحياة معلش اى نعم اكون اصغر منك بس فى حاجه اسمها الاصول اصول انتى قولتى ان العشره مش بتهون الا على ولاد الحرام تمام كده وان كل حاجه بايد ربنا وان الخلف ده رزق من ارزاق ربنا على خلقه فى الارض تمام كده وانتى بتقولى انه بيلبى ليكى كل طلباتك وكل اللى نفسك فيه ومش حارمك من اى حاجه خالص يبقى الحل ليكم انتم الاتنين الصبر وانكم تتقربوا بعضكم اكتر من كده وتقفوا وتساندوا بعضكم وتدعموا بعضكم مش تقولى طلاق بطلى لعب العيال انتى مش صغيره مدا عايشه مبسوطه وراضيهبحاياتك مش ضرورى ترضى الناس على حسابك المهم انتى نفسك بيتك جوزك كل دى حاجات لو خسرتيها مش هتقدرى انك تعوضيها فى اى يوم من الايام تانى حتى لو بقى عندك فريق كوره من العيال ياستى انتى قولى الحمد لله على السراء والشكر لله على الضراء وقدر الله ما شاء فعل وان لله ما اخذ وان لله ما اعطى خلى عندك ثقه وعشم فى ربنا اكتر من كده وبلاش تقلى طلاق تانى انتى فاهمه كلمة الطلاق دى لوحدها كبيره وبداية كل المشاكل كل اللى قبلها ده كلام فاضى مجرد سوء تفاهم بسيط اول ما يقول اولاحد انتى طالق خلاص كده اصل كل المشاكل والفضايح تكتر والمستخبى يطلع وربنا امر بالستر مش امر بالفضيحه فكرى وراجعى نفسك تانى واختارى انك تكونى مع جوزك .
ولو ياستى على اسوا الفروض اتجوز عليكى حدش يقدر يقول لشرع ربنا له بس لو بيحبك اكتر هيرفض من جواه حكاية انه يتجوز واحده تانيه عليكى بس الناس كلها مش لايكه ع فكره على حسب قدلرة تحمل وصبر الانسان نفسه بيكون قراره
لو فى اى حاجه انتى عاوزه تفهميها او اوضحها ليكى اكتر من كده تحت امرك بس اهم حاجه شيلى فكرة واسم الطلاق ده دماغك خالص كانه مشم وجود فى قاموس الكلمات كلها
#12

افتراضي رد: جديد موضوع( صدرى يحترق)

رايي هو السفر مع زوجك اذا كان السفر لابد منه
لا تتركي المجال لاهلك ليقرروا حياتكما لانه اذا حدث طلاق لا قدر الله فستكونين الخاسرة خاصة و انه زوج طيب معك
كوني قوية فلديك كل الحق في الدفاع عن بيتك و زوجك فهذا الاخير هو الاولى بطاعته
يسر الله امرك و نصيحتي الاخيرة لك سافري مع زوجك فوجوده لوحده في بلد احر يجعله يفكر فيما لا يرضيك و يخلفك الله في عملك
إظهار التوقيع
توقيع : farcha


قد تكوني مهتمة بالمواضيع التالية ايضاً
الموضوع كاتب الموضوع المنتدى
بعض الأحاديث الضعيفة واشتهرت على ألسنة الكثيرين من العامة هـــدوء احاديث ضعيفة او خاطئة
مئه حديث من الاحاديث الضعيفه لكنها شائعه menna saied احاديث ضعيفة او خاطئة
هام جداً: 200 حديث ضعيف وكلنا يردد هذه الأحاديث على أنها صحيحة عہاشہقہة الہورد احاديث ضعيفة او خاطئة
أستطلاع مسابقة أحسن موضوع عن العناية البشرة semsemahasan العناية بالبشرة
موضوع حلو....الي بدو يضحك ....يدخل.... ام البنوتات رسائل وتوبيكات


الساعة الآن 04:27 PM

الاتصال بنا - عدلات - الأرشيف - أعلي الصفحة

جميع المشاركات تمثل وجهة نظر كاتبها وليس بالضرورة وجهة نظر الموقع


التسجيل بواسطة حسابك بمواقع التواصل