أو

الدخول بواسطة حسابك بمواقع التواصل



عدلات

> الديكور والاعمال اليدوية

> تأثيث المنزل

> افكار وتجارب منزلية

لست البيت

إضافة رد  أضف للمفضلة
https://adlat.net/showthread.php?t=131888
2426 9
#1

افتراضي لست البيت

للتخلّص من بقعة الزيت على الملابس.. حطّي كمية من بودرة التلك بسرعة على مكان البقعة، وسيبيها طول الليل لغاية ما البودرة تمتص الزيت، وبعد كده نفضيها من البودرة واغسليها بطريقتك العادية.

لتبييض الأسنان وتنظيفها من آثار الشاي والقهوة.. افركيها بثمرة فراولة مهروسة.

لتنظيف الأرضيات والأسطح عند سقوط الزيت عليها.. رشّي على مكان الزيت شوية بودرة تلك أو دقيق أو نشا، وسيبيه شوية لغاية ما البودرة تمتص الزيت، وبعد كده شيلي البودرة بالمكنسة أو بفوطة جافة، وامسحي مكان الزيت بالميه.





علشان تدخلي الخيط في إبرة الخياطة بسهولة.. اغمسي طرف الخيط في مُلمع الأظافر بتاعك، وبكده هتلاقيه بقى ناشف وتقدري تُلضميه في الإبرة بسهولة.

للحفاظ على جواربك الخفيفة أطول وقت.. اشطفيها بالماء البارد وهي جديدة، وبعد كده حُطّيها في الثلاجة لمدة ساعة أو ساعتين، وبكده تعيش معاكِ لوقت أطول من غير ما تتقطع.

لتنظيف فرش الماكياج.. انقعيها في خليط مكوّن من 3/ 4 كوب ميه، و1/ 4 كوب خل، وسيبيها لمدة ساعتين، وبعد كده اشطفيها ونشّفيها كويس.

لتنظيف الفرن من بواقي الطعام والدهون.. حُطّي إناء فيه كوب ميه مغلية، وولعي الفرن ودخّليه، وسيبي الميه تكمّل غليانها جوه الفرن لعدة دقائق؛ لأن البخار اللي بيطلع ده بيساعد في إذابة بقايا الطعام والدهون، وبعد كده امسحي الفرن بقطعة قماش مغموسة في الخل.

لو فيه نمل في البيت.. اخلطي خل التفاح مع قليل من الماء، ورشّيه في الأماكن اللي بيتجمع فيها النمل عندك في البيت.

للتخلّص من بُقع الحبر على الملابس.. حُطّي على مكان البُقعة عصير ليمون أو خل، وافركيها كويس لغاية ما البُقعة تختفي، وبعد كده اغسليها بطريقتك العادية.

للتخلص من آثار احتراق الطعام في الأواني.. حُطّي شوية ميه في الإناء مع بصلة سليمة، وحُطّيهم على النار وسيبيهم يغلوا مع بعض، وبكده هتقدري تنظّفي آثار الاحتراق في الإناء بسهولة.

لمعرفة البيض الطازج من الفاسد.. حطّي البيض في الميه، لو لقيتي إنها سقطت في الميه بشكل أفقي، يبقى البيض ده طازج، ولو البيض سقط بشكل مائل، يبقى عمره من 3 : 4 أيام، ولو سقطت بشكل عمودي يبقى عمرها 10 أيام، أما بقى لو البيض طفى على سطح الميه يبقى فاسد.

لو الأكل اتحرق منك.. ارفعي الحلة من على النار، وحطّيها في حلة أكبر تكون فيها مية باردة؛ علشان تمنعي طعم وريحة الشياط من إنه يتنقل لباقي الأكل، وبعد كده انقلي الأكل السليم في حلة تانية وحطّيه على النار لغاية ما يستوي.

لتنظيف الفضيات.. ممكن تستخدمي الميه اللي سلقتي فيها البطاطا أو البطاطس بالقشرة بتاعتها، والطريقة دي بتساعدك في إزالة الطبقة السوداء اللي بتكون على الملاعق أو الشوك الفضة.

لو عايزة تعرفي البيكينج باودر مُنتهي الصلاحية ولّا لأ.. حطّي ملعقة منه في كوب ميه لو حصل فوران يبقى البيكينج بودر ده سليم، أما بقى لو ماحصلش تفاعل أو فوران يبقى مُنتهي الصلاحية.

لو بتعاني من عسر الهضم.. ضيفي ملعقة كبيرة من خل التفاح على نصف كوب من النعناع المنقوع في الماء، وتناوليه بعد الأكل على طول.

لو الجزمة ضيّقة عليكي.. ادعكي المنطقة اللي بتضغط على رجلك من جوه بالصابون المبشور.

لتنظيف المرايات.. استخدمي البنطلونات الجينز القديمة، وقصّيها على شكل فوط صغيرة؛ لأن الجينز بينضف المرايات، ومش بيترك وبر عليها زي الأقمشة التانية.

لترطيب البشرة.. اشربي كل يوم من لترين إلى ثلاثة لترات من الميه والأعشاب، والطريقة دي هي أفضل مرطب للبشرة، وكمان بتنقي الجسم من السموم.

للتخلّص من بقعة مستحضرات التجميل على الملابس.. رشّي مكان البقعة قبل ما تغسليها بمنظف الزجاج، وبعد كده ادعكيها مكان البقعة بفرشة السجاد، ونشّفيها بفوطة صغيرة.

للتخلّص من رائحة الثوم.. افركي إيدكي ببواقي البن اللي بتتبقى بعد ما تشربي فنجان القهوة، ولو بتعاني من رائحة الثوم في الفم امضغي بعض عيدان البقدونس


إظهار التوقيع
توقيع : امووول
#2

افتراضي رد: لست البيت

ما شاء الله موضوع رائع
الى المفضلة
#3

افتراضي رد: لست البيت

[IMG]https://www.**- /f/uploads/images/sunna.362ffac404.gif[/IMG]
#4

افتراضي رد: لست البيت

للحفاظ على جواربك الخفيفة أطول وقت.. اشطفيها بالماء البارد وهي جديدة، وبعد كده حُطّيها في الثلاجة لمدة ساعة أو ساعتين، وبكده تعيش معاكِ لوقت أطول من غير ما تتقطع.

معلومه جميله قوي دي
والموضوع راااااااائع والى المفضله

#5

افتراضي رد: لست البيت

موضوع في القمة مشكورة
إظهار التوقيع
توقيع : أم التوأم
#6

افتراضي رد: لست البيت

موضوع رااااااااائع ويهم الكثير
إظهار التوقيع
توقيع : nesrinaaa
#7

افتراضي رد: لست البيت

[IMG]https://www.**- /f/uploads/images/sunna.362ffac404.gif[/IMG]
إظهار التوقيع
توقيع : حبى الوحيد
#8

افتراضي رد: لست البيت

رد: لست البيت
إظهار التوقيع
توقيع : رتوجى
#9

افتراضي رد: لست البيت

تسلم ايدك حبيبتى نصائح مفيدة شكرآ
#10

افتراضي رد: لست البيت

تسلمي حبيبتي
إظهار التوقيع
توقيع : غرام18


قد تكوني مهتمة بالمواضيع التالية ايضاً
الموضوع كاتب الموضوع المنتدى
القواعد الاساسية لست البيت هـــدوء استشارات ونصائح مطبخية
خبرات منوعة لست البيت ملآك ولكن.. افكار وتجارب منزلية
احلى عروض لست البيت او العروسة لسه بتجهز اجمل الاشياء دودة 2012 سوق عدلات النسائي العام
صور مطابخ بسيطة و انيقة لست البيت شوشو السكرة مطابخ 2022
نصائح ذهبية لست البيت الذكية 1 dreaming girl افكار وتجارب منزلية


الساعة الآن 04:18 PM

الاتصال بنا - عدلات - الأرشيف - أعلي الصفحة

جميع المشاركات تمثل وجهة نظر كاتبها وليس بالضرورة وجهة نظر الموقع


التسجيل بواسطة حسابك بمواقع التواصل