أو

الدخول بواسطة حسابك بمواقع التواصل



عدلات

> الاقسام الأسرية

> فضفضة وحل المشاكل

فى عرضكوا- ردوا عليه بسرعة

إضافة رد  أضف للمفضلة
https://adlat.net/showthread.php?t=146567
2863 13
#1

افتراضي فى عرضكوا- ردوا عليه بسرعة

محتاجة ردكم فى أسرع وقت- انا جوزى طلب الطلاق فى لحظة عصبية- وكلم ماما فى كده- وفضل أسبوع مصر على طلبه الطلاق- برغم إن فيه ناس كتير حاولوا يهدوه- بس دلوقتى هوه حس بغلطته وعايز يتصالح- بس للأسف بعد ما خربت مالطة- وحصل شرخ كبير قوى بينه وبين اهلى وخصوصا ماما اللى هددتنى إنى لو وافقت على الصلح- فهيه هتقاطعنى- وللأسف هيه عندها حق- لأنه قال كلام كتير مش كويس فى فترة الأسبوع دى- أنا عدى على جوازى سنة واحدة بس- وسألت شيخ فى موضوع الطلاق ده- وقاللى ما اسيبش جوزى بعد الفترة القصيرة دى حتى لو هوه أسوا خلق الله- لازم ندى فرصة لبعضنا- سنتين ولا تلاتة وبعدين نقرر- سنة واحدة فترة قصيرة قوى عشان يتاخد قرار زى ده- قولولى بقى أعمل ايه واتصرف ازاى وخصوصا إن ماما واخواتى ضد قرار الرجوع- بجد جوزى حطنى فى موقف صعب مش عارفة أحله- ساعدونى بالله عليكم

غير موضوع الطلاق ده ولحظة العصبية- هوه فى خلال السنة دى كان دايما يتكلم عن إنه تسرع فى مسألة الجواز- وإنه طلع مش قدها- وإنه ظلمنى- بس بعد كده بيروق ويصلح كل الكلام ده- ولما قلت للشيخ الكلام ده- قاللى "سيبيه يقول اللى يقوله طالما ما بينفذش, واعملى نفسك مش سامعة حاجة"
وتقييمى ليه للأسف مش كويس- هوه إنسان متسرع ومتهور- ما بيحسبش حساب الكلمة قبل ما بيقولها- ضيع فلوسه كلها باستهتاره- ساب شغله من غير سبب حقيقى- لمجرد إنه شايف إنه ما ينفعش يكون موظف- بس خلاص هوه رجع الشغل تانى بعدما خسر فلوسه كلها فى عملية نصب- العلاقة الزوجية بيننا مش تمام بس بتحصل- يعنى ما فيش توافق بيننا فى الناحية دى- ده غير عدم رغبته فى إنه يجيب أطفال فى الوقت الحالى بسبب الخسارة المادية اللى حصلتله- وكل الكلام ده قاله لماما- وده اللى مخليها مش حاباه وعايزانى أخلص منه باى شكل- وخصوصا إنه مش مصرى- هوه من جنسية دولة عربية محتلة- اكيد طبعا عرفتوها.- يبقى انا كده غلطانة لو رجعتله؟؟؟؟


#2

افتراضي رد: فى عرضكوا- ردوا عليه بسرعة

بصى حبيبتى انتى الوحيده الى تقدرى تقيمى علاقتك بيه يعنى غير موضوع طلب الطلاق ده والعصبيه الاخيره كان عامل معاكى ازاى ؟ لو كان يتقى الله فيكى وبيعاملك بما يرضى الله خلاص سامحيه وخصوصوا انه ندم فى وقت العصبيه الواحد بيقول كتير
وفعلا اول سنه دى اصعب سنه جواز وكلنا مرينا بيها على فكره وبعد كده بتفهموا بعض وبتاخدوا على طبع بعض
والمفروض اهلك مش يحبوا الخراب حبيبتى وخصوصا لو كان انسان كويس يعنى يعدوا الفتره دى اكيد شيطان
وربنا يهدى
إظهار التوقيع
توقيع : هبه شلبي
#3

افتراضي رد: فى عرضكوا- ردوا عليه بسرعة

انا من راي انك ترجعي لجوزك يا قمر

لان اي اتنين متجوزين بيحتاجوا سنة واتنين وتلاتة كمان عشان يعرفوا طباع بعض

وتبدا الحياة تمشي

وزي ما قلك الشيخ سنة دي فترة قصيرة

حاولي تهدي مامتك واخواتك وتقنعيهم

لان صدقيني لو حصل الطلاق ممامتك هي اكتر واحدة في الدنيا هتكون زعلانة عليكي

وهتلوم نفسها كتير

وبعدين لازم ندي لبعضنا فرصة واتنين وتلاتة يعني مش عشان جوزك غلط مرة تقوم الدنيا ومتقعدش

حاولي بس تكلمي اهلك براحة وتقنعيهم

وتقولي لجوزك كمان يجي ويجيب معاه راجل ولا اتنين يكونوا كده ناس كبيرة في السن وعاقلة

ويجي يراضي اهلك ويستسمحهم
إظهار التوقيع
توقيع : منال ناصر
#4

افتراضي رد: فى عرضكوا- ردوا عليه بسرعة

زى ما البنات قالو انا معاهم ف رائيهم
خراب البيوت مش بالساهل
كل البيوت بيحصل فيها مشاكل وتتعرض للاانهدام بيكون وقت شيطان
بس طالما هو رجع فااديله فرصه تانيه وماتجريش ع خراب بيتك وخليه يسترضى مامتك واخواتك
وبالتراضى ان شاء الله الامور تتحل وتسير افضل من الاول انتم لسه ف الاول وطبيعى بيحصل مشاكل ف السنين الاوله
وبعد كده بتكون اتعود ع طباع بعض وفهمتم بعض
الله يصلحلك الحال ويهيئلك الخير
إظهار التوقيع
توقيع : ♥ احبك ربى ♥
#5

افتراضي رد: فى عرضكوا- ردوا عليه بسرعة

غير موضوع الطلاق ده ولحظة العصبية- هوه فى خلال السنة دى كان دايما يتكلم عن إنه تسرع فى مسألة الجواز- وإنه طلع مش قدها- وإنه ظلمنى- بس بعد كده بيروق ويصلح كل الكلام ده- ولما قلت للشيخ الكلام ده- قاللى "سيبيه يقول اللى يقوله طالما ما بينفذش, واعملى نفسك مش سامعة حاجة"
وتقييمى ليه للأسف مش كويس- هوه إنسان متسرع ومتهور- ما بيحسبش حساب الكلمة قبل ما بيقولها- ضيع فلوسه كلها باستهتاره- ساب شغله من غير سبب حقيقى- لمجرد إنه شايف إنه ما ينفعش يكون موظف- بس خلاص هوه رجع الشغل تانى بعدما خسر فلوسه كلها فى عملية نصب- العلاقة الزوجية بيننا مش تمام بس بتحصل- يعنى ما فيش توافق بيننا فى الناحية دى- ده غير عدم رغبته فى إنه يجيب أطفال فى الوقت الحالى بسبب الخسارة المادية اللى حصلتله- وكل الكلام ده قاله لماما- وده اللى مخليها مش حاباه وعايزانى أخلص منه باى شكل- وخصوصا إنه مش مصرى- هوه من جنسية دولة عربية محتلة- اكيد طبعا عرفتيها.- يبقى انا كده غلطانة لو رجعتله؟؟؟؟


المشاركة الأصلية كتبت بواسطة هبه شلبى
بصى حبيبتى انتى الوحيده الى تقدرى تقيمى علاقتك بيه يعنى غير موضوع طلب الطلاق ده والعصبيه الاخيره كان عامل معاكى ازاى ؟ لو كان يتقى الله فيكى وبيعاملك بما يرضى الله خلاص سامحيه وخصوصوا انه ندم فى وقت العصبيه الواحد بيقول كتير
وفعلا اول سنه دى اصعب سنه جواز وكلنا مرينا بيها على فكره وبعد كده بتفهموا بعض وبتاخدوا على طبع بعض
والمفروض اهلك مش يحبوا الخراب حبيبتى وخصوصا لو كان انسان كويس يعنى يعدوا الفتره دى اكيد شيطان
وربنا يهدى

#6

افتراضي رد: فى عرضكوا- ردوا عليه بسرعة

انتى عرضتى اسباب مختلفه
بس بردوه مافيش مانع انكم تدو لبعض فرص تانيه
ولازم طبعا يكون فى قاعده وكلام ناس كبيره تحكم بنكم وتراضيكم
وبعدين فين اهله من موقفه ده
وطبعا اهلك خايفين عليكى وشايفين اللى بيغملو ف مصلحتك وده اكيد
بس خلينا نبص للموضوع من زاويه تانيه واكيد ف حاجات كويسه حصلت منه حاولى تفتكريها
إظهار التوقيع
توقيع : ♥ احبك ربى ♥
#7

افتراضي رد: فى عرضكوا- ردوا عليه بسرعة

انتي ارجعيلوه المره ده واديلوه فرصة بس لازم يجيلك ويعتذرلك ويعتذر لاهلك ويستسمحهم وهو بنفسة الي يجي من غير وسيط عشان يتذل شوية
إظهار التوقيع
توقيع : الملكة نفرتيتي
#8

افتراضي رد: فى عرضكوا- ردوا عليه بسرعة

ربنا يهديكم لو بتحبة اوعى تسيبية الراجل لمل يتسرع بيندم اديلة فرصة تانية
إظهار التوقيع
توقيع : طم طم 2013
#9

افتراضي رد: فى عرضكوا- ردوا عليه بسرعة

والله رأئى من رأى البنات
إظهار التوقيع
توقيع : dodo modo
#10

افتراضي رد: فى عرضكوا- ردوا عليه بسرعة

ربنا يهديلك الاحوال واكيد مامتك زعلانة منة علشان شيفاكى متستاهليش كدا
معلش ياما بيحصل بالبيوت يا قمر
ارجعيلة ومعلش شكلة مدلع شوية وجربية المرة دى
#11

افتراضي رد: فى عرضكوا- ردوا عليه بسرعة

ربنا يهديه ويسعدك
اكيد دايما اول سنة في الزواج بتكون كدة اديه فرصة وان شاء الله الامور بتكون احسن
إظهار التوقيع
توقيع : فلسطين
#12

رد: فى عرضكوا- ردوا عليه بسرعة

حبيبت قلبى انا رائى من راى البنات كمان قومى صلى ركعتين وادعى الله يفك كربك ومامتك واخواتك هاتى حد كبير يتكلم معاهم زى عمتك عمك خالك اواى حد كبير
#13

افتراضي رد: فى عرضكوا- ردوا عليه بسرعة

ربنا يصلح الحال
#14

افتراضي رد: فى عرضكوا- ردوا عليه بسرعة

ربنا يشرح صدرك الى الخير


قد تكوني مهتمة بالمواضيع التالية ايضاً
الموضوع كاتب الموضوع المنتدى
ردوا بسرعة يا نفسيين ويا اصحابى سكاسك فضفضة وحل المشاكل
بلييييز ردوا عليا وردة الافق فضفضة وحل المشاكل
ارجوكم ردوا علي والله تعبااااانة كتييييييير عضوية خاصة فضفضة وحل المشاكل
ردوا عليَّ الصبا منْ عصريَ الخالي,قصيدةلمحمود سامى البارودى شقاوة آنثى المنتدي الادبي
عايزة اخس ردوا علية ليلة عشان اذا فية خطا بغير رجيمي بكرا اخت الجميع طرق التخسيس وانقاص الوزن


الساعة الآن 12:14 PM

الاتصال بنا - عدلات - الأرشيف - أعلي الصفحة

جميع المشاركات تمثل وجهة نظر كاتبها وليس بالضرورة وجهة نظر الموقع


التسجيل بواسطة حسابك بمواقع التواصل