.gif)
طريقة عمل كريم كراميل بالفرن
طريقة عمل كريم كراميل بيتي
مكونات تكفى قالبين كبار الحجم
المكونات
1/2 كوب سكر زبدة غير مملحة لدهن القوالب للكريمة
1 ليتر حليب كامل الدسم
8 بيضات + 4 صفار بيض
1 ملعقة كبيرة روح الفانيلا أو 1/2 ملعقة صغيرة فانيلا بودرة خام
3/4 كوب سكر ناعم الحبيبات (( مش بودرة ))
الطريقة
أولا : نسخن الفرن على درجة حرارة 150 مئوية ، ونحط فيه القوالب اللى هنستخدمهم لخبز الكريم كراميل لحد ما تدفى للكراميل
1) نحط السكر فى كاسرول عميقة مع 2 ملعقة كبيرة ماء , نقلبه بملعقة خشب على نار هادية لحد ما يدوب السكر بالتدريج
2) بعد مايدوب السكر خالص نوقف التقليب ونسيبه من غير تحريك على النار لحد مايغلى ويتحول لونه للنحاسى الغامق
3) نرفعه فورا عن النار عشان الكراميل مايتحرقش ونصبه بسرعة فى القوالب بعد مانخرجها من الفرن
4) نسيبه على جنب لحد مايبرد ويكون طبقة قاسية على الوش .. مانحطوش فى التلاجة لأن السكر هيمتص الرطوبة وهايبقى لزج عند الخبز
5) بمجرد ما يكون طبقة قاسية على الوش , ندهن القوالب بالزبدة لحد الأطراف للكريمة
6) نخفق البيض والفانيليا مع بعض .. فى حلة عميقة نحط السكر مع الحليب على النار مع التقليب لحد السكر مايدوب ويدفا الحليب شوية بس مانسخنوش لدرجة عالية .. سخنيه بس لدرجة ايدك تقدر تتحملها , ويفضل نبرده شوية قبل ما نضيفه للبيض
8) نصفى خليط البيض والحليب بمصفاة ناعمة قبل صبه فى القوالب (( خطوة مهمة جدا ))
9) نقلب الحليب والبيض مرة تانية بعد تصفيتهم عشان نتأكد انهم اختلطو كويس والخليط بقى ناعم ومافيهوش أى تكتلات .. صبيهم بعد كدة فى القوالب
10) نحط القوالب فى صينية مرتفعة الجوانب ونملا الصينية دى بالماء المغلى لحد نص القوالب من برة
11) نخبزها فى الفرن مدة 30 – 40 دقيقة أو لحد ماتلاقيها مسكت نفسها , اختبريها بإنك تهزيها , إذا كانت بتتهز من الوسط بثقل كدة يعنى قربت تبقى متماسكة فكدة تكون استوت كويس .. يراعى اننا مانبالغش فى خبزه
12) لما يوصل للمرحلة دى نخرجه من الفرن ونرفعه من حمام الماء ونسيبه على جنب يبرد فى درجة حرارة الغرفة , بمجرد ما يبرد نحطه فى التلاجة مدة ليلة كاملة عشان يتشرب الكراميل جوة الكريمة
13) للتقديم : بمعلقة صغيرة نضغط على جوانب الكريمة على خفيف بحيث تسيب القالب ونحطه فى ماء سخن شوية صغيرين وبعدين نقلبه فى طبق التقديم وبألف هنا وشفا
إظهار التوقيع
توقيع : سألت الله فأعطانى
التوقيع لا يظهر للزوار ..
رد: طريقة عمل كريم كراميل بالفرن
إظهار التوقيع
توقيع : ام سيف 22
التوقيع لا يظهر للزوار ..
قد تكوني مهتمة بالمواضيع التالية ايضاً
|
||||
| الموضوع | كاتب الموضوع | المنتدى | ||
| ميني تارت كريم كراميل الشوكولاتة,طريقة تحضير ميني تارت كريم كراميل الشوكولاتة | ربي رضاك والجنة | سلطات ومقبلات | ||
| جاتوة شاتوة كريم كراميل بطريقة سالى فؤاد | فووفه | الحلويات الشرقية والغربية | ||
| الكريم كراميل بالفرن,طريقة عمل الكريم كراميل بالفرن,الكريم كراميل بالفرن2024 | ربي رضاك والجنة | الحلويات الشرقية والغربية | ||
| كريم كراميل الشوكولا | همس بلا لمس | الحلويات الشرقية والغربية | ||
| كيك الروب بالكريم كراميل 2024,كيك الزبادى بالكريم كراميل بالصور,خطوات عمل كيك ال | ريموووو | الحلويات الشرقية والغربية | ||
الساعة الآن 12:53 PM
جميع المشاركات تمثل وجهة نظر كاتبها وليس بالضرورة وجهة نظر الموقع