أو

الدخول بواسطة حسابك بمواقع التواصل



عدلات

> منتديات ترفيهيه منوعه

> منوعات x منوعات - مواضيع مختلفة

روحت حافية

إضافة رد  أضف للمفضلة
https://adlat.net/showthread.php?t=287574
1148 9
#1

Dp309 روحت حافية


استنوا بقي لما تسمعو الموقف ده
كنت في اخر سنة كلية وكان اخر يوم في امتحانات الترم .......فبعد الامتحان انا وصاحبتي الأنتيم قررنا نروح نقعد علي البحر شوية ورحنا بلاج وجبنا كراسي وقعدنا علي الرمل قدام البحر.... وانا قلعت الشبشب بتاعي وحطيته وحطيت الموبيل والمحفظة بتوعي في شنطة البنت صاحبتي عشان كانت شنطة كبيرة .....
وقعدنا نسترخي قدام البحر وهوا البحر وجمال البحر......
وبعد ساعتين صاحبتي كان لازم تمشي عشان وراها مشوار.... بس انا حبيت اكمل قدام البحر عشان الجو كان جميل جدا فقلتلها تسيبني وتروح المشوار بتاعها وانا حاقعد شوية كمان وبعدين اقوم اروح ...
المهم هي مشيت وانا قعدت مبسوطة عمالة اتأمل في البحر والموج .......
وفجأة انتبهت للكارثة الرهيبة والمفاجأة المذهلة ......يانهار ازرق واسود واخضر وكل الألوان .....افتكرت اني حطيت حاجاتي كلها في شنطتها اول لما جينا نقعد , واحنا الاتنين سرحنا ونسينا الموضوع ده وهي قامت خدت شنطتها ومشيت وفيها شبشبي والموبيل والمحفظة !!!!!
تخيلو بقي الموقف اللي لقيت نفسي فيه , حاروح بيتي ازاي انا دلوقتي ؟
معيش فلوس اركب مواصلات ولا معايا موبايل اكلم حد يجي ياخدني........بقيت مش عارفة اتصرف ازاي .....مكنش قدامي الا اني اروح ماشية علي رجلي والبلاج اللي قعدنا عليه كان بعيد عن بيتي ...مسافة حوالي ساعة او اكتر مشي ....
المصيبة بقي اني نسيت شبشبي كمان في شنطتها ...يعني مش بس حاروح ماشية ...لكن حامشي حافية كمان ....
فضلت قاعدة علي الكرسي افكر حاعمل ايه ومعنديش الشجاعة اني اطلع برة علي الشارع من غير شبشب ....ده انا حتي في البيت عمري ما بامشي حافية دايما بالبس شبشب .....




لقيت ان مفيش قدامي حل تاني...ولازم اقوم واروح وخلاص ماهو مش هينفع افضل قاعدة كده.....فطلعت برة بوابة البلاج ووقفت علي الرصيف باحاول استوعب الصدمة ان انا حامشي حافية في الشارع ...شوية ابص للناس اشوف حد بيبص عليا ولا لأ ...واقول لنفسي يابت مفيهاش حاجة عادي ....وبعدين عديت الشارع ومشيت واحساس الأسفلت تحت رجليا وانا حافية مخليني مخضوضة.....
بقيت ماشية وباصة قدامي كده وخايفة ابص علي الناس ...ومشيت لحد بيتي حافية .....اكتر من ساعة ونصف ماشية حافية في الشارع وسط الناس والعربيات وشوارع وسط البلد ونفسي الأرض تنشق وتبلعني


مين فيكو جربت قبل كده انها تمشي حافية في الشارع لأي سبب ؟
شاركونا بقي بالمواقف ونشوف حنضحك اد ايه


#2

افتراضي رد: روحت حافية

ههههههههه ربنا يكون فى عونك
إظهار التوقيع
توقيع : محبه لله
#3

افتراضي رد: روحت حافية

حببتى انتى استحملتى ازاى

انا عملتها مرة بس المسافه كانت قريبه
من بيتنا حوالى 15متر كده شبشبى اتقطع
وقلعته ومشيت حافه هههههههههه احساس
فظيع وربنا كلو كوم ونظرات الناس كوم تانى خالص
إظهار التوقيع
توقيع : Nada Ndod
#4

افتراضي رد: روحت حافية

ههههههههههههه
لا انا الحمدلله عمري ماتحطيت في موقف زي ده

إظهار التوقيع
توقيع : وغارت الحوراء
#5

افتراضي رد: روحت حافية

فراشة محتاسة@
هههههههه ربنا يوقيكي
انا ف مرة كنت ف الجامع بحفظ قران وكدة
فلما خلصت وماشية بدور ع الجزمة بتعاتي ملقتهاش
يالهووي اعمل ايه دلوقت
وكان معايا بنت عمتي الاء وفضلنا انا وهي ندورو عالجزمة ملقتهاش نسيت اقول
فردة وحدة بس اللي ضاعت مش الاتنين
المهم كنت لابسة اسدال
قالتلي الاء روحي عادي كدة فردة وفردة لا
انا كنت هبكي ازاي اروح كدة؟
المهم قعدنا كتير ندور ع الفردة التانية بردو مفيش فايدة وحسينا اننا اتخرنا ع البيت
المهم روحت بفردة وفردة لا
وانا ماشية ف الشارع ف واحد شافنا بص ع رجلي لقياني لابسة شراب من غير جزمة
فضل يضحك يبص عليا ويضحك انا كنت هموت والله من الكسوف
والاء قالتلي البسي جزمتي واروح انا بفردة انا قلت لا عشان متحسيش باحراج
وخليت الاسدال يداري رجلي بس بردو منفعش
ولما وصلت شارعنا قلت الحمد لله خلاص
اتاري فيه فرح ف الشارع وناس كتير
يامرررررررري معرفتش اعمل ايه
قلت الاء مش هروح انا قالت بس يلا
وانا ماشية باصة ف الارض ومكسوفة خالص
ف واحد جاي اتخبط فيا وكان ماسك عصير اتدلئ عليا
قالي انا اسف مقصدش ومكملش الكلمة وفضل يضحك
وانا سبته ومشيت واتكسفت اوي والله
وروحت
كان يوم ما يعلم بيها الا ربنا والله
إظهار التوقيع
توقيع : LOLO_LOLY
#6

افتراضي رد: روحت حافية


المشاركة الأصلية كتبت بواسطة nada ndod
حببتى انتى استحملتى ازاى

انا عملتها مرة بس المسافه كانت قريبه
من بيتنا حوالى 15متر كده شبشبى اتقطع
وقلعته ومشيت حافه هههههههههه احساس
فظيع وربنا كلو كوم ونظرات الناس كوم تانى خالص
هههههههههه انا ف مرة شبشبي اتقطع لقيت مسمار ف الشارع عملته وروحت بيه
ههههه طول السكة بيشك فيا بس سترني روحت بيه الحمد لله
إظهار التوقيع
توقيع : LOLO_LOLY
#7

افتراضي رد: روحت حافية


المشاركة الأصلية كتبت بواسطة lolo_loly
هههههههههه انا ف مرة شبشبي اتقطع لقيت مسمار ف الشارع عملته وروحت بيه
ههههه طول السكة بيشك فيا بس سترني روحت بيه الحمد لله
هه انتى محظوظه انك لقيتى مسمار انا كنت الساع2الضهر
فى الصيف كمان
إظهار التوقيع
توقيع : Nada Ndod
#8

افتراضي رد: روحت حافية


المشاركة الأصلية كتبت بواسطة Nada Ndod
هه انتى محظوظه انك لقيتى مسمار انا كنت الساع2الضهر
فى الصيف كمان
هههههههه واستحملتي ازاي
إظهار التوقيع
توقيع : LOLO_LOLY
#9

افتراضي رد: روحت حافية

هههههههههه ده موقف صعب جدا

نفس الموقف ده حصل قدامى بس مع شباب انا كنت قاعده على الرمله مع بنتى وجم شباب بس شكلهم صعايده وراحوا حاطين الترابيزة والكراسى على الشط على طول وكل واحد قلع الجزمة بتاعته وواحد بس قلع شبشبة وحطوهم تحت رجليهم وقعدوا يلعبوا كوتشينة .........والموج يروح ويجى وياخد الجزم والشبشب معاه ..ودول قاعدين ولا فى دماغهم خالص وهوب جات موجة كبيرة خدت الشبشب هههههههه وبرضة مشفوهوش وانا عاييزه اقولهم ومكسوفة فسكت وجم يروحوا اكتشفوا الموضوع كلهم قعدوا يضحكوا وصاحب الشبشب يصوت

إظهار التوقيع
توقيع : zozoweza
#10

افتراضي رد: روحت حافية

ياعيني موقف محرج جدا متزعليش يا قمر ممكن تحصل
إظهار التوقيع
توقيع : نونو وبس


قد تكوني مهتمة بالمواضيع التالية ايضاً
الموضوع كاتب الموضوع المنتدى
موقف محرج ومضحك..مشيت حافية !! razrouz فرفشة عدلات
تجربتي مع الصلع الوراثي واخيرا روحت للدكتور Marwa El-shazly العناية بالشعر
روحت مدرستي و بسلم على مدرساتي ! حالمة مصرية احلام ورؤى تم تفسيرها
هية دى الكيكة اللى فشلت منى بس ولو فكرت حرام تترمى لازم استفيد منها روحت قم نونيا محمد الحلويات الشرقية والغربية
باموكالي».. سياحة بأقدام حافية صمت الورود عدلات للسياحة والسفر والرحلات


الساعة الآن 02:12 AM

الاتصال بنا - عدلات - الأرشيف - أعلي الصفحة

جميع المشاركات تمثل وجهة نظر كاتبها وليس بالضرورة وجهة نظر الموقع


التسجيل بواسطة حسابك بمواقع التواصل