أو

الدخول بواسطة حسابك بمواقع التواصل

#1

افتراضي انا زهقانه وقرفانه وتعباه ودخله علي اكتئاب

السلام عليكم

انا زهقانه اوي ولادي مجنيني ومش عارفه العيب فيهم ولا فيه
عندي يوسف اربع سنين وملك سنتين والمشكله الاكبر في ملك
من وهي اربع شهور بترضع صوبعها وسالت دكتور قالي سبيها وهي حتبطل لوحدها وياريتني ما سمعت كلامه لاني وقتها كان الموضوع حيبقي اسهل لاكن دلوقتي لما بحطلها بلاستر بتشيله
ولو حططلها صبر بتمسحه وكمان هي زوقها غريب في الاكل بتاكل اليمون عادي مش بيهمها مزازته يعني ممكن تحط الصبر في بقها عادي بس بعد ما تمسحه الطعم اللي بيتبقي بترضعه عادي
المشكله اتعقدت وبدء ت تاثر علي سننها
وبقالي اربع شهور بعلمها البوتي بكل الطرق
ومفيش فايده واخرهم انهارضه انهرت ونزلت فيها ضرب
مع اني مبحبش الاسلوب ده
وطول اليوم شقاوه هي واخوها وقلبين البيت وخربين كل حاجه
حاسه اني عايشه في خرابه مش شقه

والمشكله الاكبر عندي انا متعوتش علي شغل البيت لان ماما كانت بتجبلي الاكل لحد السرير بس مش دلع لا لاني كنت بشتغل طول اليوم وبرجع هلكانه
وكمان من اهم الاسباب اللي مكرهاني في عشتي اني مش عارفه اهتم بنفسي لما بالصدفه ابص في المريا الاقي وحده معرفهاش
تخنت 30 كيلوا وديما مبهدله وشعري علي طول لماه




مش بعرف انام وبحس اني مش عايشه وكان حياتي فيلم وانا بتفرج عليه من بره
اسفه دوشتكم بس قلت افضفض يمكن حد ينصحني اعمل ايه او يدعيلي مليش بعد ربنا غيركم





#2

افتراضي رد: انا زهقانه وقرفانه وتعباه ودخله علي اكتئاب

ربنا يعينك اختى معلش الاولاد وهما
صغيرين بيحتاجوا رعايه اكبر
وحاولى تنظمى وقتك
والبنت لازم تصبرى عليها وحاولى
تحلى مشكلتها بدرى لانها مش هاتبطل كل ماتكبر
ربنا معاكى

إظهار التوقيع
توقيع : دمعه حائره
#3

افتراضي رد: انا زهقانه وقرفانه وتعباه ودخله علي اكتئاب

العيال كلها كده لكن لازم تعملى مجهود
بالنسبه لشغل البيت ما ينفعش تسيبيه كده
لازم البيت يتعمله جدول كل يوم لازم
تصحى قبل العيال وتخلصى كل اللو وراكى
تنضيف وغسيل وتعطرى البيت وتقفليه
وبعد كده تصحيهم وتحديدلهم انهم ميخروجش من غرفتهم وافضلى
قاعده معاهم لاعبيهم
هتلاقى الحياه بقت شويه هاديه وتتعاش

إظهار التوقيع
توقيع : رانيا الزناتى
#4

افتراضي رد: انا زهقانه وقرفانه وتعباه ودخله علي اكتئاب

انا جتلى فتره كنت زيك كده كان عندى نفسى الاحساس اننا مش عايشه وان ده حلم بس دا عشان انا كنت مقصره فى حق بيتى واولادى وجوزى وكمان ما كنت مقصره فى حق الله اصحى بدرى واهتمى باولادك وزوجك وصلى الفروض فى اوقاتها كفايه انك تتوضى 5 مرات فى اليوم وشك حينور وكل يوم اطلع اتمشى بالليل ساعه مع جوزك حتلاقى جسمك خس وبقيتى نشيطه ونامى بدرى حتلاقى جسمك وبالك ارتاحوا
ربنا يوفقك ويهديلك اولادك

#5

افتراضي رد: انا زهقانه وقرفانه وتعباه ودخله علي اكتئاب

الله يعينك يا أختي على تربية الأولاد لأنها ليست بالأمر السهل
و لا تهملي نفسك من لأن هذا راح يأثر على الحياة الزوجية و تخلي زوجك يروح عليك
ربنا يقدرك

#6

افتراضي رد: انا زهقانه وقرفانه وتعباه ودخله علي اكتئاب

حبيبتى ام يوسف انا مقدره جدا اللى انتى فيه لان حياتى شبه حياتك بالظبط لأ وزاد وغطى انى كمان حامل ربنا يعيننا على اللى احنا فيه ويهدى اولادنا يارب
#7

افتراضي رد: انا زهقانه وقرفانه وتعباه ودخله علي اكتئاب

معلش حبيبتى الاولاد كلهم كده عندى ابنى اد ابنك ومطلع عينى بس ربنا يخليهم هما كلهم كده
اما بنوتك الزقى صوباعها اللى بتمصه ببلاستر اللى هو الابيض ده وهى حتبطل انا جربتها مع بنت اختى حتتم سنتين الشهر الجاى ان شاء الله وبطلت الحمد لله

#8

افتراضي رد: انا زهقانه وقرفانه وتعباه ودخله علي اكتئاب

ربنا يعينك عليهم بس ياحبيبتى كل العيال كده وعمر الانهيار والصوت العالى ما بيجيب نتيجه بالعكس بيجيب نتيجه عكسيه بالمسايسه وديهم حضانه لو مابيرحوش ولما يجو اشغليهم شويه بالعب او الفرجه على التلفزيون وبعد كدا الواجب وخوفيهم من المدرس او المدرسه علشان لازم يكون ليهم حد يخافو منه اما بالنسبه للصغيره مش هتفهم الكلام ده بس مجرد وجودها فى الحضانه هيعودها على الحضانه اولا وهتريحك من المنهته وهترجع تعبانه هتيجى تنام هتريحك فتره تانيه ده ثانيا وثالثا هتلاقى اصحاب من سنها هتندمج معاهم وكل ده مفيد علشانها انا بعمل كده مع بناتى وربنا يهدى هملك ويقويكى عليهم
#9

افتراضي رد: انا زهقانه وقرفانه وتعباه ودخله علي اكتئاب

السلام عليكم بصى يا حبيبتى انا رائى من رائى قصر الاحلام انا مشرفه حضانه وكمان لبيبى كلاس مش تعليمى يعنى من سن 3سنين بصى يا ستى احنا بنعامل الاطفال ازاى اول اليوم بيفطرو طبعا قبل مايفطرو بيقولو الدعاء وبعد ما يفطرو كمان بعد كده بنسمع قران وادعيه وبعدها بيلعبو ويتنططوا ويجروا وبنعرف الاطفال على بعض يعنى اما طفل يجى جديد نقول لباقى الاطفال اسمه ايه وبنحكى للاطفال حدوته ويغنو وبيعملو حاجات كتيير جدا وبيتعلمو اكتر وكمان حكايه مص الاصابع دى انتى حاولى تقعدى مع بنتك وتلعبى معاها وانتى قاعده معاها امسكى ايديها وكانك بتلاعبيها او تلاعبيه فعلا وباقى اليوم تعمدى تمسكى اى لعبه مثلا دبدوب او حاجه عشان تلعب بيها وتنسى تحط ايديها فى بقها وصدقينى العنف مع الاطفال عمره ماهجيب فايده لكن لو اتعاملتى معاها بالراحه هتيجى معاكى بس احلى شئ فى الاطفال بيعلمو الصبرررررررررر ومتقلقيش لان قلقك بيوصلهم وربنا يخليهملك يارب يا حبيبتى
إظهار التوقيع
توقيع : حسناء أحمد
#10

افتراضي رد: انا زهقانه وقرفانه وتعباه ودخله علي اكتئاب

بصي يا حبيبتي انا قريت كلامك وكأني أنا اللي كاتباه مش انت دي مشكلة كل أم عندها أطفال في سن أولادنا حاولي تتعلمي الصبر وهي فترة وبتمر بكل ما فيها والأخت حسناء أحمد مشكورة افادتك وافادتني وربنا المعين
على فكرة انا بنتي اتاخرت في موضوع البوتي لحد 3 سنين وانا شوية وباباها شوية نحايل فيها ونقول لها هنجيب لك حاجات حلوة لو عملتي في الحمام زي الأولاد الشاطرين شوية اسايسها وشوية بانهارلأني كنت حامل وهي لسة بتستعمل البامبرز وبصراحة ورتنا المر لحد ما اتعودت بس فعلا مبينفعش غير المداومة مع الصبر وربنا المعين يا حبيبتي

إظهار التوقيع
توقيع : رحيق
#11

افتراضي رد: انا زهقانه وقرفانه وتعباه ودخله علي اكتئاب

ربنا يبارك فى اولادكم جميعا ويهديكم للخير يارب
وطبعا الصبر اهم شئ عشان تقدرى تحققى اللى انتى عايزاه

إظهار التوقيع
توقيع : حسناء
#12

افتراضي رد: انا زهقانه وقرفانه وتعباه ودخله علي اكتئاب

الله كان فى عونك ان زياك عندى ثلاث اولاد بس براحه بحاول افهمهم النظام وميكركبوش
البيت بس عندى حمزه عنيد وطول النهار بيعيط

#13

افتراضي رد: انا زهقانه وقرفانه وتعباه ودخله علي اكتئاب

حببتي طلعي من دماغك الوسويس دي وسوس شيطان
انتي زوجك حاضر وله غايب لو حاضر انتي لزو تنظمي وقتك
علشان نفسك وزوجك والله يهدي الكل

إظهار التوقيع
توقيع : النجوم الصغيره
#14

افتراضي رد: انا زهقانه وقرفانه وتعباه ودخله علي اكتئاب

بصي حبيبتي مشكلتك انك حطه فوق دماغك 100 هم اولا البيت لما بيقى مش مترتب بيقصر كتير على حالتك النفسيه وبيخليكي مش عارفه تعملى اي حاجه لكن لو البيت نظيف ياسلام هتعرفي تمشي باقي الدنيا لو ملكيش في شغل البيت يبقى لازم تشوفي واحده من اللى بينظفوا تجيلك كل يوم تروقلك الشقه وتغسلك المواعيين وكل اسبوع تشيل الشقه وتمسحها وانتى يدوب اعملى الأكل لان طبعا اكلنا منثقش في اي حد يعمله غيرنا ثانيا اعملى للولاد مكان للعب والتلفزيون ميخرجوش منه يبهدلوا البيت سبيهم يكركبوا في اوضه واحده وبس حتى لما تيجي تأكليهم يكون داخل الغرفه دي وسيبي البيت بره رايق ومشكلة بنتك ان شاء الله هدخلك على النت وهسألك الدكتور بتاع ابنى وان شاء الله براحه نلاقيلها حل وياريت لو توديهم هما الأثنين حضانه منها يستفادوا ومنها يكون عندك فرصه ترتاحي تهتمي بنفسك وبالبيت يعني ياحبيبتي الموضوع عايز شوية صبر ونظام وارجوكي اهتمي بنفسك علشان جوزك انتى كده بتظلميه وربي يهيئ ليكي كل خير
#15

افتراضي رد: انا زهقانه وقرفانه وتعباه ودخله علي اكتئاب

الله يعينكم مع اولادكم!
إظهار التوقيع
توقيع : الـمـتـألـقـة
#16

افتراضي رد: انا زهقانه وقرفانه وتعباه ودخله علي اكتئاب

حبيبتي انا فاهم عليكي كويس انتي مش مقصرة بحق بيتك بس اولادك هنه الفوضى يعني بتنظفي وبيرجع البيت مكركب بسرعة
ولا يهمك خليكي ريلاكس جدا كل ام بتعاني ويمكن اكتر منك كمان وجيل اليوم كله هيك بحبوا الفوضى والازعاج وبنبسطوا انه امهن عم تتعب والله هاد كلام بحكيلك ياه من تجربتي انا عندي اطفال الله ىيخليهم ويحفضهم ويحفظ كل ولد لامه مطلعين روحي وكل يوم ع صراخ وضرب وكركبه وحاله يعني بالمختصر شي مقزززززززززززز
لا ومشكلتي انا اعظم عايشة في غربه وما عندي حد وما في متنفس بالمره يعني بضوج من البيت برضه بضل بالبيت طول الليل سهر مع ابني الصغير كل عشر دقايق بفيق بده يرضع صدري وهيك للصبح
وطول النهار تعب مع الاولاد وتدرييسهن وطبخ وعزايم وشغل وتنظيف لا واخر شي لما اشكي وفضفض لجوزي بحكيلي انتي بشو تعبانه ما انتي مرتاحه طول اليوم بالبيت مو عارف انه ما كله هوا
ياستس بدنا نصبر وما حد بظل متل ماهو
وبالنسبه لمص الاصابع جربي تحطي فلفل حار ع اصبعها
وبالنسبه للنونو نحنا منحكيلا نونو حاولي بعد الساعه تمانيه مساء ما تشربيها شي وبالليل كل ساعتين فيقي وخديها للتواليت وع اسبوع بتكون متعلمه بالليل
اما بالنهار بدايه التعليم بدك كل عشر دقايق تاخديها للحمام وتصبري عليها مو ازا حكيت ما في يعني خلص بتطلعي
لا خليكي قاعده بالحمام لغاية ما تعملها بعدين بتصيري كل نص ساعة بعدين هي من حاله بتحكيلك ماما في عندي نونو
يعني بالمختصر انتي ام وواجبك كل هاي المسؤؤليات بس اصبري شوي
اما بالنسبه لالك فنصيحتي لاتهملي حالك لو بتمشطي شعرك وانتي عم تركضي وراهم بس لا تهملي بحالك لانه الرجال ما بعزر صدقيني
واخر شي بتمنالك الصبر والتوفيق

#17

افتراضي رد: انا زهقانه وقرفانه وتعباه ودخله علي اكتئاب

حبيبتى لازم تهتمى بنفسك اولا علشان جوزك ميزهقش والبسى كويس وعطرى نفسك دايما وحاولى تجددى حياتك وغيرى لون شعرك مثلا علشان تحسى بانوثتك انا عملت كدة والله بقيت احسن
وكمان حاولي مرة تخلى العيال عند مامتك واخرجى معاة واعزمية على حاجة برة
جربى ومش حتندمى

#18

افتراضي رد: انا زهقانه وقرفانه وتعباه ودخله علي اكتئاب


المشاركة الأصلية كتبت بواسطة نسيم البحر
حبيبتي انا فاهم عليكي كويس انتي مش مقصرة بحق بيتك بس اولادك هنه الفوضى يعني بتنظفي وبيرجع البيت مكركب بسرعة
ولا يهمك خليكي ريلاكس جدا كل ام بتعاني ويمكن اكتر منك كمان وجيل اليوم كله هيك بحبوا الفوضى والازعاج وبنبسطوا انه امهن عم تتعب والله هاد كلام بحكيلك ياه من تجربتي انا عندي اطفال الله ىيخليهم ويحفضهم ويحفظ كل ولد لامه مطلعين روحي وكل يوم ع صراخ وضرب وكركبه وحاله يعني بالمختصر شي مقزززززززززززز
لا ومشكلتي انا اعظم عايشة في غربه وما عندي حد وما في متنفس بالمره يعني بضوج من البيت برضه بضل بالبيت طول الليل سهر مع ابني الصغير كل عشر دقايق بفيق بده يرضع صدري وهيك للصبح
وطول النهار تعب مع الاولاد وتدرييسهن وطبخ وعزايم وشغل وتنظيف لا واخر شي لما اشكي وفضفض لجوزي بحكيلي انتي بشو تعبانه ما انتي مرتاحه طول اليوم بالبيت مو عارف انه ما كله هوا
ياستس بدنا نصبر وما حد بظل متل ماهو
وبالنسبه لمص الاصابع جربي تحطي فلفل حار ع اصبعها
وبالنسبه للنونو نحنا منحكيلا نونو حاولي بعد الساعه تمانيه مساء ما تشربيها شي وبالليل كل ساعتين فيقي وخديها للتواليت وع اسبوع بتكون متعلمه بالليل
اما بالنهار بدايه التعليم بدك كل عشر دقايق تاخديها للحمام وتصبري عليها مو ازا حكيت ما في يعني خلص بتطلعي
لا خليكي قاعده بالحمام لغاية ما تعملها بعدين بتصيري كل نص ساعة بعدين هي من حاله بتحكيلك ماما في عندي نونو
يعني بالمختصر انتي ام وواجبك كل هاي المسؤؤليات بس اصبري شوي
اما بالنسبه لالك فنصيحتي لاتهملي حالك لو بتمشطي شعرك وانتي عم تركضي وراهم بس لا تهملي بحالك لانه الرجال ما بعزر صدقيني
واخر شي بتمنالك الصبر والتوفيق
جزاكي الله خيرا ربنا يقوينا علي تربيتهم

#19

افتراضي رد: انا زهقانه وقرفانه وتعباه ودخله علي اكتئاب


المشاركة الأصلية كتبت بواسطة نورى
حبيبتى لازم تهتمى بنفسك اولا علشان جوزك ميزهقش والبسى كويس وعطرى نفسك دايما وحاولى تجددى حياتك وغيرى لون شعرك مثلا علشان تحسى بانوثتك انا عملت كدة والله بقيت احسن
وكمان حاولي مرة تخلى العيال عند مامتك واخرجى معاة واعزمية على حاجة برة
جربى ومش حتندمى
جزاكي الله خيرا

#20

افتراضي رد: انا زهقانه وقرفانه وتعباه ودخله علي اكتئاب

الله يعينك يا حبيبتى
#21

افتراضي رد: انا زهقانه وقرفانه وتعباه ودخله علي اكتئاب

ربنا معاكي ويهديهم انا رايي زي البنات وديهم الحضانه
إظهار التوقيع
توقيع : بطه
#22

افتراضي رد: انا زهقانه وقرفانه وتعباه ودخله علي اكتئاب

ربنا يوفقك ويهديلك اولادك
إظهار التوقيع
توقيع : bassouma
#23

افتراضي رد: انا زهقانه وقرفانه وتعباه ودخله علي اكتئاب

الله يكون فى عونك يأختي بس اقول لك قومي باكراً واعملي رياضة حتى تزيلي الكسل ثم حمام دافى ثم بارد قليلاً اهتمي بلبس ملابس انيقه ومناسبه للعمل فى المنزل ام بالنسبه لأطفالك لاتصرخي امامهم حاولي ان تكلميهم بهدوء وغني لهم
اما بالنسبه لمص الآصبع خليها عادى انا أبنتي قعدت تمص اصبعين حتى دخلت المدرسه وقعدت أقنع فيها أفهمها انها
كبرت وان الاطفال سوف تضحك عليها اقتنعت لوحدها وبدت كل ليله تلف على اطبعيها شريط لاصق حتى تعودت وتخلت عنها .....عزيزتي حبي نفسك ستحبي حياتك ..تحياتي

إظهار التوقيع
توقيع : ايلاف محمد
#24

افتراضي رد: انا زهقانه وقرفانه وتعباه ودخله علي اكتئاب

حبيبتى رأى العدولات كل عجبنى الحمد لله انى قدرة اتعلم حاجة من التربية والتعامل بس انا عندى كمان فكرة ممكن تدخلهم البلكونة وتفرشى لهم حاجة وتحطى العب بتاعتهم فيها ويلعبو براحتهم بس تكونى بردة مخلية بالك منهم اما حكاية انك مش مهتمية بنفسك فدة مينفعش خالص لانك زوجك له حق عليكى ومن حقة انة يجى يلقى مراتة مستنياة بصى يا حبيبتى انا سمعت الشيخ قبل كدة بيقول ان الست لمة بتقف امام المراية علشان تتزين لزوجة بتاخذ حسنات وغيرة كمان وبالنسبة للاطفال هما كدة وهما صغيرين ربنا يهديهم ليكى وربنا يخليلك يوسف وكمان ملوكة انا بحب اسم يوسف أووووووى ربنا يباركلك فيهم
#25

افتراضي رد: انا زهقانه وقرفانه وتعباه ودخله علي اكتئاب

احمدو ربنا على نعمه عليكم واستمتعو بحياتكم وشوفوها حلوه ...في حجات كتير تزعل وتحزن بجد ....ربنا مايوقعكو فيها
#26

افتراضي رد: انا زهقانه وقرفانه وتعباه ودخله علي اكتئاب

حبيبتي ربنا يعينك طولي بالك ونظمي وقتك وقضي يومك في اوضتهم علشان ميبهدلوش باقي البيت وعلشان يتعودو برضو علي اوضتهم وربنا يعينك
#27

افتراضي رد: انا زهقانه وقرفانه وتعباه ودخله علي اكتئاب

ربنا معاكى
#28

صور رد: انا زهقانه وقرفانه وتعباه ودخله علي اكتئاب

معلش يا حبيبتي كلنا عندنا نفس المشكله ربنا يقويكي ويحفظهملك يارب
#29

افتراضي رد: انا زهقانه وقرفانه وتعباه ودخله علي اكتئاب

ربنا يعينك الولاد وهما صغيرين وكل يوم شقاوتهم بتزيد
وعياطهم وتصرفاتهم الغريبة
ربنا يساعدك وانت حاولي تتأقلمي معاهم وتعمللهم العاب ولا حجات يتلهو فيها شويا علبال ما انت تهتمي بنفسك شويا
انا اخواتي الصغننين عاملين زلزال في البيت والله هم ملائكة ومنقدرش نظربهم
بس لازم يكون اسلوبك معاهم حازم شويا يعني الي مفهمش بالحنية حاولي توصليلو الفكرة بنبرة القسوة وشويا حنية عشان ما يعيطش
انت يلي بتتحكمي في تصرفات الولاد مش العكس

#30

افتراضي رد: انا زهقانه وقرفانه وتعباه ودخله علي اكتئاب

ان شاء الله اكون افدتك
#31

افتراضي رد: انا زهقانه وقرفانه وتعباه ودخله علي اكتئاب

انتى دلوقتى بعد الزواج مش بتشتغلى زى قبل الزواج طيب دى نقطه حلوه اوى بكده حتقدرى تنظمى وقتك كويس خالص وعلى فكره كل ما زودتى ثقافتك واتعلمتى كويس حتلاقى دى سلاح انك تتغلبى على اى مشكله تواجهك حتى تربيه الاطفال اقرى فى علم النفس ابحثى ودورى ازاى تربى اولادك تربيه جميله وصالحه سدقينى لو اتعلمتى كويس حتلاقى حلول لجميع المشاكل ان شاء الله وحتعرفى تنظمى وقتك وتهتمى بزوجك واولادك وكمان تادى حق ربنا على اكمل وجه وفى حل تانى بس دى اخر الحلول انتى لو مرتاحه ماديا ولو كان ممكن تجيبى خادمه تساعدك لو مش قادره على البيت بس كده حاولى تبحثى على حل على النت وغيره لمشكلات اولادك وتسمعى فيديوهات مفيده عن تربيه الاطفال ومشكلاتهم وحل تانى ليه متوديهومش حضانه
أدوات الموضوع


قد تكوني مهتمة بالمواضيع التالية ايضاً
الموضوع كاتب الموضوع المنتدى
اكتئاب ما بعد الولادة / اكتئاب ما بعد الولادة وعلاجه / اكتئاب ما بعد الاجهاض ЙǑŏƒ العيادة النفسية والتنمية البشرية
اكتئاب ما بعد الولادة وعلاجه / كتئاب ما بعد الولادة / اكتئاب ما بعد الولادة زهره التحرير مرحلة الحمل والولاده
اكتئاب الاجازات,أعراضه ,أسبابه,تشخيصه,علاجه مايا علي العيادة النفسية والتنمية البشرية
اكتئاب المراهقة. زهره التحرير فتيات تحت العشرين
اكتئاب ما بعد الولادة لافالانتينا العيادة النفسية والتنمية البشرية


الساعة الآن 04:51 AM


جميع المشاركات تمثل وجهة نظر كاتبها وليس بالضرورة وجهة نظر الموقع


التسجيل بواسطة حسابك بمواقع التواصل