رجيم صحى للاطفال فى سن المدرسه

يسلمو

السلام عليكم ياعدولات انا بعانى من طفله عندها زياده فى الوزن هى 5سنين ووزنها 25ك وانا نفسى تخس لان الزياده فى منطقة البطن انا كنت وديتها للدكتور بهاء ناجى وكان مديها نظام حلو اوى بس هى طفله وعايزه تاكل زى الاطفال مقدرتش احكم عليها فى الريجيم وطبعا ماروحتش للدتور تانى انا يادوب روحت الكشف بس .بس انا عملت حاجه مع دخول المدارس بقيت اعمل لها السندوتش بعيش بلدى اسمر وكمان اديها حاجه حلوه واحده بس وعصير بيور وتيجى تتغدا 4ملاعق رز وامللها الطبق خضار ومش بتايد بكميه الخضار ولا كميه اللحوم انا بس بحدد النشويات وباجى بالليل اخليها تنام بدرى عشان المدرسه من غير عشاء يادوب اديها فاكهه او خيار قبل ماتنام والحمد لله هى خسيت كيلو واحد بس جسمها اتعدل كتيييييييير والبطن الى حد ما بقيت طبيعيه معلش قعدت ارغى معاكى وطولت عليكى بس انتى اصلك دوستى على الجرح .والجرح هو انها حاسه على طول بحرمان ولما بتلاقى اكل ادامها نفسها فيه بتاكلو من ورايا من غير ماتقول لى وبقيت تكدب عليه فى الاكل تقول لى انها اخدت بونبونى واحده وهى تكون مخبيه التانيه فى الايد التانيه فلقيت نفسى ان انا عايزاها تخس وفى نفس الوقت بخليها تكتسب عادات سيئه تانيه كانى انا حرماها مش خايفه عليها فهمتينى وبجد انا مش عارفه اعمل ايه واتكلمت معاها وقولت لها لما تكونى عايزه حاجه قولىلى وانا اديكى ماتاخذهاش من ورايا عشان كده عيب بس هى خلاص حاسه بحرمان ومش عارفه اعمل معاها ايه عشان ترجع زى الاول ماتخبيش عليه وماتكدبش تانى ومعلش انا طولت عليكى اوى

شكرااا يانادين
موضوع رائع
بدل وجبات التيك اواى والله اعلم باللى فيها
وكمان العيش الفينو لوحده مضر جداااا
تسلمى حبيبتى