يلا عايزين نختم القرآن

ما شاء الله أخواتى ربنا يبارك فيكم يـــــارب ويعينكم على ذكره وشكره وحسن عبادته
أسعدتونى كثييييرا بمشاركاتكم الجميلة ربنا يسعدكم أخواتى يارب

عايزين نجهز مكان جميل فى بيتنا جزء يكون روضتنا فى البيت ويكون مكان تهويته جيدة ونعطره بالعطر الذى نحبه سواء زيت عطرى أو برفان أو بخور لكن نحذر الخروج بملابس معطرة

وسجادة الصلاة واسدال الصلاة نجهزهم ونغسلهم ونعطرهم

وطبعا كل واحدة وليها ظروفها وحياتها ولكن أنتى تعرفى إيه اللى بيضيع وقتك فحاولى أن تتجنبه
مثلا لو واحدة بتحب التليفزيون والنت

وتجهيز الأكل لا نجعله يضيع وقتنا فى تحضير الكثييير من المأكولات
فهو شهر الصيام

واللى ليها أبناء يكونوا معاها ويقرأوا معاها ونكون لهم قدوة حسنة لأنهم بيقلدونا فى كل حاجة بنعملها
مثلا حافظين قرآن نراجع لهم ونذكرهم حتى لا ينسوا نحثهم على الصلاة فى أوقاتها

نريد فى هذا الشهر ان نكون أحسن وأقرب إلى الله من كل عام

نريد أن نجعل وقتنا كله لله حياتنا كلها لله
القرآن يكون كل اللى فى بالنا

ربنا يبارك فيكم يارب ويبلغكم رمضان وليلة القدر

اللهم إنك عفو كريم تحب العفو فاعفو لنا

نكثر من الدعاء أخواتى والصدقات ونتجنب الغيبة والنميمة ربنا يرضى عنكم يارب

واللى عندها أى فكرة أو اقتراح ياريت تقولوه
ربنا يسعدكم يارب